Yangi O‘zbekistonni barpo etish jarayonida ta’lim va fan sohalarini rivojlantirishga berilayotgan ulkan ahamiyat va samarali ilmiy faoliyatni qo‘llab-quvvatlashga yaratilayotgan qulay shart-sharoitlar ilmiy izlanishlar olib borishga qiziqishni yanada kuchaytirmoqda. Bu borada, jumladan oliy malakali ilmiy va ilmiy-pedagog kadrlar tayyorlash hamda ularni attestatsiyadan o‘tkazishda dissertatsiyalar mavzulari muhim ahamiyat kasb etadi.
Fan doktori (DSc) va falsafa doktori (PhD) ilmiy darajalari mavzularini tasdiqlash vakolati oliy ta’lim va ilmiy tashkilotlar kengashlariga yuklatilgan holda ularni ro‘yxatdan o‘tkazish va e’lon qilib borish OAK tomonidan amalga oshirilib kelinmoqda.
Raqamli iqtisodiyotni rivojlantirish jarayonida idoralararo va idoraviy axborot tizimlari, ma’lumotlar bazalarini oliy malakali ilmiy va ilmiy-pedagog kadrlar attestatsiyasi jarayonini raqamlashtirish bo‘yicha axborot tizimlari bilan integratsiyalash ishlari amalga oshirilmoqda.
Bugun Yangi O‘zbekistonda raqamli iqtisodiyotni shakllantirish borasida muayyan natijalarga erishilmoqda. Ushbu jarayonda O‘zbekiston Respublikasi Prezidentining “O‘zbekiston Respublikasida raqamli iqtisodiyotni rivojlantirish chora-tadbirlari to‘g‘risida”, “Raqamli iqtisodiyotni rivojlantirish maqsadida raqamli infratuzilmani yanada modernizatsiya qilish chora-tadbirlari to‘g‘risida”, “O‘zbekiston Respublikasi davlat boshqaruviga raqamli iqtisodiyot, elektron hukumat hamda axborot tizimlarini joriy etish bo‘yicha qo‘shimcha chora-tadbirlar to‘g‘risida”, “Raqamli O‘zbekiston – 2030” strategiyasini tasdiqlash va uni samarali amalga oshirish chora-tadbirlari to‘g‘risida”gi farmonlari hamda “Raqamli iqtisodiyot va elektron hukumatni keng joriy etish chora-tadbirlari to‘g‘risida”gi qarorlari dasturulamal vazifasini o‘tamoqda.
Bugun mamlakatimizda amalga oshirilayotgan keng ko‘lamdagi demokratik islohotlar jahon hamjamiyati tomonidan e’tirof etilmoqda. Xususan, davlat hokimiyati va boshqaruvi organlari faoliyatining ochiqligini ta’minlash, fuqarolar uchun ijtimoiy ahamiyatga molik axborotlardan foydalanish uchun yaratilgan zarur sharoitlar o‘zining ijobiy bahosini topib ulgurdi desak, xato qilmaymiz. Buni Oliy attestatsiya komissiyasi faoliyati misolida ham ko‘rish va ishonch hosil qilish mumkin. Bu borada OAK “tezkor aloqa xizmati” faoliyatini alohida ta’kidlash kerak.
Jahon tajribasida ilmiy tadqiqot va nashr ishlarida plagiatga jiddiy e’tibor bilan qaraladi. Buning uchun maxsus dasturlar ishlab chiqilib, IT-texnologiyalardan samarali foydalanilishi muhim ahamiyat kasb etadi.
O‘zbekiston Respublikasi Prezidentining farmon, qaror va ko‘rsatmalari mamlakatimizda ta’lim va ilm-fan sohalarini sifat jihatdan rivojlantirishda metodologik asos bo‘lib xizmat qilmoqda. 2017 yil 1 iyuldan boshlab oliy ta’limdan keyingi ta’limda ikki pog‘onali tizimining joriy etilishi samarali ilmiy faoliyat uchun zarur shart-sharoitlar yaratish, iqtidorli yoshlarni qo‘llab-quvvatlash, sohada xalqaro integratsiyani jadal rivojlantirish kabi yo‘nalishlarda katta imkoniyatlar yaratdi.
Ayol e’zoz va ehtirom etilgan jamiyat barcha zamonlarda ham yuksak o‘rinda bo‘lgan. Prezidentimiz ta’biri bilan aytganda, har qanday jamiyat va davlatning qay darajada xalqparvar hamda adolatli ekani, uning xotin-qizlarga bo‘lgan munosabati va g‘amxo‘rligi bilan belgilanadi. Shu mezondan kelib chiqilsa, bizning davlatimiz xalqparvar hamda adolatli ekani komil ishonch bilan e’tirofga munosib. Xususan, ilm-fan va ta’lim tizimda xotin-qizlar uchun yaratilgan sharoitlar tahsinga sazovor. Ayollar ta’limiga berilayotgan alohida e’tibor tufayli o‘tgan yili oliy o‘quv yurtlariga qabul qilingan talabalarning 60 foizini xotin-qizlar tashkil etdi. Bundan olti yil avval oliygohlarda 110 ming nafar xotin-qiz tahsil olgan bo‘lsa, bugungi kunda ularning soni 400 ming nafarga etdi.
Bugun yurtimizda keng ko‘lamli islohotlar amalga oshirilmoqda. Xususan, Yangi O‘zbekistonda raqamli iqtisodiyotni shakllantirish borasidagi sa’y-harakatlar va erishilayotgan natijalar alohida e’tirofga loyiqdir.
Shu o‘rinda aytish joizki, O‘zbekiston Respublikasi Prezidentining 2018 yil 3 iyuldagi “O‘zbekiston Respublikasida raqamli iqtisodiyotni rivojlantirish chora-tadbirlari to‘g‘risida”, 2018 yil 21 noyabrdagi “Raqamli iqtisodiyotni rivojlantirish maqsadida raqamli infratuzilmani yanada modernizatsiya qilish chora-tadbirlari to‘g‘risida”, 2018 yil 13 dekabrdagi “O‘zbekiston Respublikasi davlat boshqaruviga raqamli iqtisodiyot, elektron hukumat hamda axborot tizimlarini joriy etish bo‘yicha qo‘shimcha chora-tadbirlar to‘g‘risida”, 2020 yil 5 oktyabrdagi “Raqamli O‘zbekiston – 2030” strategiyasini tasdiqlash va uni samarali amalga oshirish chora-tadbirlari to‘g‘risida”gi farmonlari hamda 2020 yil 28 aprelda qabul qilingan “Raqamli iqtisodiyot va elektron hukumatni keng joriy etish chora-tadbirlari to‘g‘risida”gi qarorlari raqamli iqtisodiyotni shakllantirishda dasturul-amal vazifasini o‘tamoqda.
Prezident Shavkat Mirziyoev raisligida 1 mart kuni xotin-qizlarni qo‘llab-quvvatlash tizimi hamda ularning jamiyatdagi mavqeini yanada mustahkamlash masalalari bo‘yicha videoselektor yig‘ilishi o‘tkazildi.
Xalqimiz tarixida buyuk allomalar, jahongir bobolarimiz qatorida, bunday insonlarni dunyoga keltirib, tarbiyalagan, ulug‘vor ishlarga ruhlantirgan fozila ayollar ham ko‘p bo‘lgan. Bugun ham xotin-qizlarimiz farzand tarbiyasida, turli sohalarda, mahallalarda fidoyilik ko‘rsatmoqda. Ularning og‘irini engil qilish, huquq va manfaatlarini ta’minlash maqsadida so‘nggi yillarda bir qator qonunlar, farmon va qarorlar qabul qilindi.
Prezident Shavkat Mirziyoev Toshkent shahrida ko‘p kvartirali uy-joy fondini boshqarishni takomillashtirish va issiqlik ta’minoti tizimini rivojlantirish, mahallalarni obodonlashtirish va ko‘kalamzorlashtirishga oid, hamda geologiya sohasi va kimyo sanoatidagi loyihalar bilan tanishdi.
Kommunal xizmatlar millionlab aholi turmushiga daxldor masala. Ilgari ko‘p qavatli uylarga xizmatni faqat mulkdorlar shirkati ko‘rsatar, texnika va mutaxassislar etishmasligi sababli uning sifati past edi. Bugungi kunda esa boshqa boshqarish shakllari ham joriy qilingan.
