Rahbariyat. Oliy attestatsiya komissiyasining rahbariyati OAK raisi, bosh ilmiy kotib va maslahatchidan iborat.
Yusupov Axmadbek Tadjievich
Lavozimi – O‘zbekiston Respublikasi Oliy attestatsiya komissiyasi raisi.
Tel: (+99895) 193-11-43
Qabul kunlari: dushanba-juma kunlari 1000 dan 1700 gacha
e-mail: info@oak.uz
Qisqa biografiya
Yusupov Axmadbek Tadjievich – 1958 yilda Toshkent shahrida to‘g‘ilgan. Ma’lumoti oliy, iqtisodiyot fanlari doktori, professor.
1979 yil Toshkent xalq xo‘jaligi institutini tamomlagan.
Mehnat faoliyatini 1979 yilda Toshkent charm va sport buyumlari ishlab chiqarish birlashmasida boshlagan. 1982-1984 yillarda Toshkent shahar Shayhontoxur tumani yoshlar ittifoqi qo‘mitasi noziri, 1984-1985 yillarda Toshkent charm va sport buyumlari ishlab chiqarish birlashmasi muhandis-texnologi, 1985-1994 yillarda Ishlab chiqarish kuchlarini o‘rganish kengashining kichik, katta, etakchi, bosh ilmiy xodimi va bo‘lim mudiri, 1994-1997 yillarda Iqtisodiyot instituti direktorining ilmiy ishlar bo‘yicha o‘rinbosari, 1997-2000 yillarda O‘zbekiston Respublikasi Fanlar akademiyasi Bosh tashkiliy-tahliliy boshqarmasi boshlig‘i, 2000-2005 yillarda O‘zbekiston Respublikasi Prezidenti Devonining bosh konsul`tanti, 2005-2012 yillarda OAK bosh ilmiy kotibi, 2014 yilda O‘zbekiston Respublikasi Prezidenti Davlat maslahatchisining o‘rinbosari, 2014-2015 yillarda OAK raisi, 2015 yilda O‘zbekiston Respublikasi Prezidentining fan, ta’lim, sog‘liqni saqlash va sportni rivojlantirish masalalari bo‘yicha Davlat maslahatchisi lavozimlarida faoliyat ko‘rsatgan.
O‘zbekiston Respublikasi Vazirlar Mahkamasining 2015 yilning 11 noyabrdagi qaroriga muvofiq OAK raisi lavozimiga tayinlangan.
A.T.Yusupov “Shuhrat” medali bilan mukofotlangan.
OAK raisining asosiy vazifalari:
O‘zbekiston Respublikasi Prezidentining hujjatlari va topshiriqlari, Hukumat qarorlari va topshiriqlarini o‘z muddatida samarali va natijali ijro etilishi hamda jismoniy va yuridik shaxslarning murojaatlarini taaluqliligi bo‘yicha muddatida sifatli ko‘rib chiqilishini ta’minlash;
OAK vakolatiga kiruvchi masalalar bo‘yicha qarorlar qabul qiladi hamda OAKga yuklangan vazifalar va funksiyalarning bajarilishi yuzasidan shaxsan javob beradi;
OAKning ekspert kengashlari, bo‘limlari va boshqa bo‘linmalari faoliyatini yo‘naltiradi va nazorat qiladi;
oliy malakali ilmiy va ilmiy-pedagog kadrlarni attestatsiyadan o‘tkazish masalalari bo‘yicha o‘z vakolatlari doirasida OAK qarorlarini, ilmiy darajalar berish to‘g‘risidagi diplomlarni va ilmiy unvonlar berish to‘g‘risidagi attestatlarni imzolaydi;
OAK apparatining xodimlari bajarishi majburiy bo‘lgan buyruqlar chiqaradi va ko‘rsatmalar beradi;
OAK apparati tarkibiy bo‘linmalari to‘g‘risidagi nizomni belgilangan tartibda tasdiqlaydi;
OAK apparati xodimlarini belgilangan tartibda lavozimga tayinlaydi va lavozimdan ozod qiladi;
zaruriyat bo‘lganda xodimlarning belgilangan umumiy soni va mehnatga haq to‘lash fondi doirasida apparat tuzilmasiga o‘zgartirishlar kiritadi, OAK apparatining shtat jadvalini, shuningdek OAK apparati xarajatlar smetasini tasdiqlaydi;
qonun hujjatlariga muvofiq o‘z vakolatlari doirasida boshqa vakolatlarni amalga oshiradi.
Shermuxamedov Abdulaziz Adilxakovich
Lavozimi – O‘zbekiston Respublikasi Oliy attestatsiya komissiyasi bosh ilmiy kotibi
Tel: (+99895) 193-11-43
Qabul kunlari: dushanba-juma kunlari 1000 dan 1700 gacha
e-mail: info@oak.uz
Qisqa biografiya
Shermuxamedov Abdulaziz Adilxakovich – 1964 yilda Toshkent shahrida to‘g‘ilgan. Ma’lumoti oliy, texnika fanlari doktori, professor.
1986 yilda Toshkent davlat unversitetini tamomlagan.
Mehnat faoliyatini 1986 yilda O‘zbekiston Respublikasi Fanlar akademiyasi O‘rozboev nomidagi Mexanika va inshootlar seysmik mustahkamligi instituti laboranti lavozimida boshlagan. Keyinchalik ushbu tashkilotda katta muhandis lavozimida ishlagan.
1988-2002 yillarda O‘zbekiston Respublikasi Fanlar akademiyasi O‘rozboev nomidagi mexanika va inshootlar seysmik mustahkamligi instituti aspiranti, kichik ilmiy xodimi, ilmiy xodimi, katta ilmiy xodimi, doktoranti, etakchi ilmiy xodimi, laboratoriya mudiri vazifasini vaqtinchalik bajaruvchisi, 2002-2005 yillarda O‘zbekiston Respublikasi Fanlar akademiyasining fizika-matematika va texnika fanlari bo‘yicha vise-prezidenti xizmati rahbari, 2005-2008 yillarda Toshkent avtomobil` - yo‘llar institutining ilmiy ishlar bo‘yicha prorektori, 2008-2018 yillarda Toshkent avtomobil - yo‘llar institutida kafedra mudiri lavozimlarida faoliyat ko‘rsatgan.
O‘zbekiston Respublikasi Vazirlar Mahkamasining 2018 yil 7 fevraldagi 80-sonli qaroriga muvofiq OAK bosh ilmiy kotibi lavozimiga tayinlangan.
OAK bosh ilmiy kotibining asosiy vazifalari:
O‘zbekiston Respublikasi Prezidentining hujjatlari va topshiriqlari, Hukumat qarorlari va topshiriqlarini o‘z muddatida samarali va natijali ijro etilishi hamda jismoniy va yuridik shaxslarning murojaatlarini taaluqliligi bo‘yicha muddatida sifatli ko‘rib chiqilishini ta’minlash;
himoya qilingan dissertatsiyalarning O‘zbekiston Respublikasi OAK talablariga muvofiqligi yuzasidan javob beradi va ilmiy yo‘nalishlar bo‘yicha bosh inspektorlar kiradigan Kotibiyat faoliyatiga rahbarlik qiladi;
falsafa doktori (PhD) va fan doktori (DSc) ilmiy darajalarini berish bo‘yicha OAKga taqdim etilgan attestatsiya ishi (hujjatlari), dissertatsiya va uning avtoreferati, ilmiy kengash qoshidagi ilmiy seminar bayonnomasi, rasmiy opponentlar taqrizlari, bosh inspektorlar tomonidan berilgan me’yoriy-texnik ekspertiza natijasi hamda doktorlik dissertatsiyasiga berilgan ekspert xulosasi va ekspert kengashi qarorining OAK talablariga muvofiqligini ko‘rib chiqadi;
bosh inspektorlar faoliyatini tashkil etadi va nazorat qiladi. Ekspert kengashlari majlislari jadvalini tuzishni tashkil etadi va tasdiqlaydi. Ekspert kengashlari qarorlari, xulosalari va takliflarining OAK talablariga muvofiqligini ko‘rib chiqadi va hujjatlarning muddatida sifatli tayyorlashni, shuningdek, Tartib-qoida komissiyasiga kiritiladigan hujjatlarni nazorat qiladi;
ilmiy unvonlar berish bo‘yicha taqdim etilgan attestatsiya ishlari, ular ekspertizasi bo‘yicha berilgan xulosa va ekspert kengashlari tavsiyalarining OAK talablariga muvofiqligini ko‘rib chiqadi;
normativ-huquqiy hujjatlarni takomillashtirish va yangi tahririni tayyorlash hamda tasdiqlashga taqdim etish ishlarini tashkil etadi. Ixtisosliklar pasportining yangi tahririni tayyorlash, ularga tegishli o‘zgartirish va qo‘shimchalar kiritish ishlarini tashkil etadi.
Jovliev Baxodir Xasanovich
Lavozimi – O‘zbekiston Respublikasi Oliy attestatsiya komissiyasining axborot xizmati rahbari – raisining matbuot kotibi.
Tel: (+99871) 233-78-05
Qabul kunlari: seshanba va juma kunlari soat 10 00dan 17 00 gacha
e-mail: info@oak.uz
Qisqa biografiya
Jovliev Baxodir Xasanovich – 1978 yilda Qashqadaryo viloyati, Nishon tumanida tug‘ilgan. Ma’lumoti oliy, filologiya fanlari bo‘yicha (PhD) falsafa doktori. 2001 yilda O‘zbekiston Milliy universitetini tamomlagan. Mehnat faoliyatini Qashqadaryo viloyatining Nishon tumanidagi 1-maktabda ona tili va adabiyot fani o‘qituvchisi, yoshlar etakchisi sifatida boshlagan. 2000-2001 yillarda Nishon tumani hokimligining «Nishon tongi» gazetasida muxbir sifatida ijodiy faoliyat bilan davom ettirgan. 2001 - 2012 yillarda O‘zbekiston Respublikasi Xalq ta’limi vazirligining «Ma’rifat» gazetasida muxbir, bo‘lim muharriri, mas’ul kotib, bosh muharrir o‘rinbosari, bosh muharrir vazifasini bajaruvchi lavozimlarida ishladi. 2012 - 2024 yillarda O‘zbekiston Respublikasi Maktabgacha va maktab ta’limi vazirligining “Til va adabiyot ta’limi” – “Prepodavanie yazika i literaturi” – “Language and literature teaching” ilmiy-metodik jurnali jurnali bosh muharriri lavozimida faoliyat ko‘rsatgan.
O‘zbekiston Respublikasi Prezidenti Adminstratsiyasi huzuridagi Axborot va ommaviy kommunikatsiyalar agentligining 2024 yil 19 yanvardagi tavsiya xatiga muvofiq Oliy attestatsiya komissiyasining axborot xizmati rahbari – raisining matbuot kotibi lavozimiga tayinlangan.
Matbuot kotibining asosiy vazifalari:
OAK faoliyati haqida ommaviy axborot vositalari, ijtimoiy tarmoqlar, davlat organlari va tashkilotlarining rasmiy veb-saytlari, shuningdek, boshqa axborot resurslari orqali, jumladan, matbuot anjumanlari, brifinglar, mediaturlar tashkil etish yo‘li bilan aholiga muntazam, to‘liq va tezkor ravishda axborot taqdim etib borish;
OAKda mamlakatimizning ijtimoiy-siyosiy va sotsial-iqtisodiy taraqqiyoti jarayoni haqida axborot berish va yoritish bo‘yicha chora-tadbirlar ishlab chiqish va amalga oshirish;
OAKning ijobiy imijini shakllantirish va ilgari surish, ijtimoiy so‘rovlar o‘tkazish va boshqa shakllarda jamoatchilik fikrini o‘rganish;
axborot siyosati sohasida zimmasiga yuklangan vazifalarni amalga oshirishda O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi (keyingi o‘rinlarda — Agentlik) bilan samarali amaliy hamkorlikni yo‘lga qo‘yish;
ommaviy axborot vositalari bilan samarali hamkorlik qilish, axborot xizmatlari bilan doimiy ishlovchi jurnalistlar va blogerlar doirasida tezkor ma’lumotlarni tarqatish, shuningdek, normativ-huquqiy hujjatlar loyihalarini muhokama qilishda keng aholi qatlamlarining ishtirokini ta’minlash maqsadida ekspertlar guruhini shakllantirish;
muntazam ravishda ommaviy axborot vositalarida davlat OAK rahbarlarining chiqishlarini tashkil etish;
barcha ilmiy yo‘nalishlar bo‘yicha bosh inspektorlar bilan birgalikda ilmiy darajalar beruvchi ilmiy kengashlar, oliy ta’lim va ilmiy tashkilotlar kengashlarining oliy malakali ilmiy va ilmiy-pedagog kadrlar tayyorlashga oid faoliyatlarini ilmiy ekspertiza natijalari to‘g‘risidagi ma’lumotlarni OAV hamda ijtimoiy tarmoqlarda olib borish;
axborot makoni monitoringini olib borish va tahlil qilish, tanqidiy va keng muhokama qilinayotgan axborot xurujlariga tezkor munosabat bildirish, ommaviy axborot vositalari va Internet tarmog‘ida tegishli davlat organlari va tashkilotlari faoliyatiga aloqador axborotni tarqatish bo‘yicha ishlarni tashkil qilish;
davlat organlari va tashkilotlari bilan birgalikda mahalliy va xorijiy ommaviy axborot vositalari orqali tarqatish uchun xabar, ma’lumot, sharh va boshqa axborot-tahliliy materiallar tayyorlash;
OAK faoliyati to‘g‘risida jamoatchilik fikrini, milliy va xorijiy ommaviy axborot vositalarining pozisiyasini o‘rganish, dolzarb takliflar ishlab chiqish va ular to‘g‘risida davlat organlari va tashkilotlari rahbariyatiga axborot berib borish;
OAK faoliyatini xorijiy ommaviy axborot vositalarida sifatli yoritish maqsadida vakolatli vazirliklar va idoralar orqali O‘zbekiston Respublikasining xorijdagi diplomatik vakolatxonalarini, shuningdek, xorijiy mamlakatlarning O‘zbekistondagi diplomatik vakolatxonalarini axborot materiallari (bosma mahsulotlar, foto-, audio-, video materiallar va h.k.) bilan ta’minlash;
OAK vakolatiga kiruvchi normativ-huquqiy hujjatlarning loyihalari hamda ularning tasdiqlangan matnlarini belgilangan tartibda o‘z rasmiy veb-saytlarida joylashtirish;
OAK faoliyatiga aloqador matnli, foto-, audio- va video materiallardan iborat ma’lumotlar bazasini shakllantirish va yangilab borish.