Sirdaryo viloyati hokimligi insonparvarlik yordamlari yuboriladigan manzillar haqidagi ma’lumotni e’lon qildi.

Oliy attestatsiya komissiyasi koronavirus infeksiyasi tarqalishining oldini olish va sanitariya-epidemiologik osoyishtalikni ta’minlash bo‘yicha quyidagi qo‘shimcha chora-tadbirlarni belgiladi:

    1. Ilmiy darajalar bo‘yicha:
    ilmiy kengashlar tomonidan taqdim etiladigan hujjatlarni qabul qilish nomuayyan muddatga to‘xtatildi.
    Izoh: nomuayyan muddat o‘tganidan keyin ilmiy kengashlar tomonidan taqdim etiladigan attestatsiya ishlari va boshqa hujjatlarni ko‘rib chiqish tegishli tartib-qoidalarga rioya qilgan holda OAK tomonidan tezkor ko‘rib chiqilishi ta’minlanadi.
    Nomuayyan muddat o‘tganidan keyin dissertatsiyalar himoyalarini sessiyalar tarzida tashkil etish bo‘yicha tegishli tartib-qoidalarga rioya qilingan holda OAK tomonidan barcha shart-sharoitlar yaratib beriladi.

    2. Ilmiy unvonlar bo‘yicha:
    ilmiy unvonlar bo‘yicha oliy ta’lim va ilmiy-tadqiqot muassasalari tomonidan taqdim etiladigan hujjatlarni qabul qilish nomuayyan muddatga to‘xtatildi.

    Oliy attestatsiya komissiyasi koronavirus infeksiyasi tarqalishining oldini olish va sanitariya-epidemiologik osoyishtalikni ta’minlash bo‘yicha quyidagi chora-tadbirlarni belgiladi:

    1. Ilmiy darajalar bo‘yicha:
ilmiy jamoatchilik, izlanuvchilar hamda dissertatsiya yoqlaydigan talabgorlar va ularning yaqinlari sog‘lig‘ini himoya qilish maqsadida ilmiy kengashlar va ilmiy seminarlar majlislarini o‘tkazish nomuayyan muddatga to‘xtatildi;
    ilmiy kengashlar va ilmiy seminarlarga taqdim etilgan hujjatlar(dissertatsiya, avtoreferat va boshqalar) elektron tarzda ko‘rib chiqiladi. Hujjatlarni ko‘rib chiqish natijalari ish bajarilgan muassasalar va talabgorlarga tegishli elektron manzillar orqali etkaziladi;
    dissertatsiya himoyasi kuni belgilanib, nashr qilingan avtoreferatlar asosida keyinchalik dissertatsiya himoyasiga ruxsat beriladi.

(O‘zbekiston Respublikasi Turizmni rivojlantirish davlat qo‘mitasining “Ipak yo‘li” turizm xalqaro universiteti birinchi prorektori Azamat Akbarovning filologiya fanlari bo‘yicha falsafa doktori (PhD)                            diplomi yuzasidan)

2019 yil dekabr` oyining boshlarida OAKga “Ipak yo‘li” turizm xalqaro universitetining birinchi prorektori Azamat Akbarovga Bosniya va Gersegovina davlatining BURCH xalqaro universiteti  tomonidan berilgan va 2019 yil 5 fevralda OAK Rayosatining qaroriga asosan nostrifikatsiya qilingan filologiya fanlari bo‘yicha falsafa doktori (PhD) diplomining qalbakiligi to‘g‘risida og‘zaki ma’lumotlar kelib tushadi.

O‘zbekiston Respublikasi Prezidentining 2017 yil 2 fevraldagi «Korrupsiyaga qarshi kurashish to‘g‘risida»gi O‘zbekiston Respublikasi Qonunining qoidalarini amalga oshirish chora-tadbirlari to‘g‘risida»gi PQ-2752-son Qarori ijrosini ta’minlash maqsadida OAKda joriy yilning 27 iyul` kuni soat 15:00da OAK apparati xodimlari va ilmiy darajalar beruvchi ilmiy kengashlar ilmiy kotiblari ishtirokida «Korrupsiya – milliy xavfsizlikka tahdid» mavzusida tadbir o‘tkazildi.

  O‘zbekiston Respublikasi Prezidentining 2017 yil 16 fevraldagi PF-4958-son «Oliy o‘quv yurtidan keyingi ta’lim tizimini yanada takomillashtirish to‘g‘risida»gi Farmoni qabul qilindi.

    O‘zbekiston Respublikasi Prezidentining mazkur Farmoni mazmun-mohiyati bilan tanishtirish va izlanuvchilarni qiziqtirayotgan savollarga tushuntirish berish maqsadida joriy yilning fevral–mart oylarida joylarda faoliyat ko‘rsatayotgan 80 ta oliy ta’lim (44) va ilmiy-tadqiqot (36) muassasalarida OAK rahbariyati va mas’ul xodimlari tomonidan katta ilmiy xodimlar-izlanuvchilar, mustaqil izlanuvchi­lar va shu sohaga oid mutaxassislar ishtirokida (FA yosh olimlari, QSXVning Toshkent shahri va Toshkent viloyatida joylashgan muassasalari, Qoraqalpog‘iston Respublikasi va Xorazm, Samarqand, Andijon, Namangan, Farg‘ona, Sirdaryo, Jizzax, Qashqadaryo va Navoiy viloyatlari) uchrashuvlar tashkil qilindi. Uchrashuvlarda O‘zbekiston Respublikasi Prezidenti Farmonining mohiyati va oliy o‘quv yurtidan keyingi ta’limga oid masalalar, shuningdek OAK va Ilmiy kengashlar faoliyati ochiqligi, shaffofligini ta’minlash bo‘yicha amalga oshirilayotgan ishlar, jumladan OAK tomonidan hujjatlarni qabul qilish jarayonlarini shaxsiy ishtiroksiz axborot texnologiyalari asosida  qabul qilishga qaratilgan axborot tizimlari haqidagi savollarga tushuntirishlar berildi.