Yusupov Ikrombek Maxammatibroxim o‘g‘li
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar: 
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Boshqaruvlari Gronuoll va geometrik chegaralanishli ko‘p quvuvchili differensial o‘yinlar”, 01.01.02-Differensial tenglamalar va matematik fizika (fizika-matematika fanlari).
Dissertatsiya mavzusi ro‘yxatga olingan raqam: № B2025.3.PhD/FM1350
Ilmiy rahbar: Ibragimov G‘ofurjon Ismoilovich, fizika-matematika fanlari doktori. Professor.
Dissertatsiya bajarilgan muassasa nomi: Andijon davlat universiteti.
IK faoliyat ko‘rsatayotgan muassasa nomi, IK raqami: Farg‘ona davlat universiteti, PhD.03/30.12.2019.FM.05.04.
Rasmiy opponentlar: Samatov Baxrom Tadjiaxmatovich, fizika-matematika fanlari doktori, professor; Xolboev Azamat G‘anisherovich, fizika-matematika fanlari nomzodi, dotsent.
Yetakchi tashkilot: O‘zbekiston Milliy universiteti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi. Boshqaruvlari Gronuoll va geometrik chegaralinishli ko‘p quvlovchili differensial o‘yinlarda optimal tutish vaqtlarini topish va qochuvchilarning qochib keta olishini ko‘rsatish.
III. Tadqiqotning ilmiy yangiligi quyidagilardan iborat:
boshqaruvlari Gronuoll chegaralanishli ikki quvuvchi va bir qochuvchili sodda harakatli differensial o‘yinda holatlar fazosini yarim tekisliklarga ajratish orqali optimal boshqaruv masalasi echilgan;
boshqaruvlariga geometrik chegara qo‘yilgan ko‘p qochuvchili va ko‘p quvuvchili differensial o‘yinda qochuvchilarning geometrik o‘rnini simmetrik ko‘chirish yordamida qochuvchilarning tutilmasligi isbotlangan;
boshqaruvlari Gronuoll chegaralanishli sodda harakatli bitta qochuvchi va m ta quvuvchili differensial o‘yinda qochuvchi ko‘pi bilan m(m+1)/2 ta manyovr qo‘llash orqali qochib keta olishi isbotlangan;
boshqaruvlari Gronuoll chegaralanishli ikki quvuvchi va bir qochuvchili chiziqli harakatli differensial o‘yinda quvlovchilar uchun parallel yaqinlashish metodi (qisqacha, P-strategiya)dan foydalanib optimal tutish vaqti topilgan.
IV. Tadqiqot natijalarining joriy qilinishi. Boshqaruvlari Gronuoll va geometrik chegaralanishli ko‘p quvuvchili differensial o‘yinlar bo‘yicha olingan natijalar asosida:
boshqaruvlari Gronuoll chegaralanishli ko‘p quvuvchi va bir qochuvchili differensial o‘yin masalasi tadqiqot natijalaridan “Decions_lab research program” (https://www.decisionslab.eu/aree-di-ricerca/) nomli ilmiy loyihada boshqaruv chegaralanishlari Gronuoll bo‘lgan hollarda qarama-qarshi boshqaruvli dinamik sistemalar uchun masalalarni tadqiq qilishda foydalanilgan (Italiyaning Mediterranea Reggio Calabria universitetining 2025-yil 20-iyundagi  ma’lumotnomasi). Natijada, boshqaruvlari Gronuoll va geometrik chegaralanishli differensial o‘yinlarda optimal strategiyani qurish imkoniyatini bergan;
boshqaruvlari Gronuoll chegaralanishli ikki quvuvchi va bir qochuvchili sodda harakatli differensial o‘yin masalasining tadqiqot natijalaridan Fudan universitetining ilmiy loyihalarida ziddiyatli boshqaruv masalalarini tadqiq etishda foydalanilgan (Xitoyning Fudan universitetining 2025-yil 10-iyundagi ma’lumotnomasi). Natijada, boshqaruvlari Gronuoll chegaralanishli ziddiyatli fizik jarayonlarni boshqarish imkonini bergan.