Юсупов Икромбек Махамматиброхим ўғли
фалсафа доктори (PhD) диссертацияси ҳимояси ҳақида эълон

I. Умумий маълумотлар: 
Диссертация мавзуси, ихтисослик шифри (илмий даража бериладиган фан тармоғи номи): “Бошқарувлари Гронуолл ва геометрик чегараланишли кўп қувувчили дифференциал ўйинлар”, 01.01.02-Дифференциал тенгламалар ва математик физика (физика-математика фанлари).
Диссертация мавзуси рўйхатга олинган рақам: № В2025.3.PhD/FM1350
Илмий раҳбар: Ибрагимов Ғофуржон Исмоилович, физика-математика фанлари доктори. Профессор.
Диссертация бажарилган муассаса номи: Андижон давлат университети.
ИК фаолият кўрсатаётган муассаса номи, ИК рақами: Фарғона давлат университети, PhD.03/30.12.2019.FM.05.04.
Расмий оппонентлар: Саматов Бахром Таджиахматович, физика-математика фанлари доктори, профессор; Холбоев Азамат Ғанишерович, физика-математика фанлари номзоди, доцент.
Етакчи ташкилот: Ўзбекистон Миллий университети.
Диссертация йўналиши: назарий аҳамиятга молик.
II. Тадқиқотнинг мақсади. Бошқарувлари Гронуолл ва геометрик чегаралинишли кўп қувловчили дифференциал ўйинларда оптимал тутиш вақтларини топиш ва қочувчиларнинг қочиб кета олишини кўрсатиш.
III. Тадқиқотнинг илмий янгилиги қуйидагилардан иборат:
бошқарувлари Гронуолл чегараланишли икки қувувчи ва бир қочувчили содда ҳаракатли дифференциал ўйинда ҳолатлар фазосини ярим текисликларга ажратиш орқали оптимал бошқарув масаласи ечилган;
бошқарувларига геометрик чегара қўйилган кўп қочувчили ва кўп қувувчили дифференциал ўйинда қочувчиларнинг геометрик ўрнини симметрик кўчириш ёрдамида қочувчиларнинг тутилмаслиги исботланган;
бошқарувлари Гронуолл чегараланишли содда ҳаракатли битта қочувчи ва m та қувувчили дифференциал ўйинда қочувчи кўпи билан m(m+1)/2 та манёвр қўллаш орқали қочиб кета олиши исботланган;
бошқарувлари Гронуолл чегараланишли икки қувувчи ва бир қочувчили чизиқли ҳаракатли дифференциал ўйинда қувловчилар учун параллел яқинлашиш методи (қисқача, П-стратегия)дан фойдаланиб оптимал тутиш вақти топилган.
IV. Тадқиқот натижаларининг жорий қилиниши. Бошқарувлари Гронуолл ва геометрик чегараланишли кўп қувувчили дифференциал ўйинлар бўйича олинган натижалар асосида:
бошқарувлари Гронуолл чегараланишли кўп қувувчи ва бир қочувчили дифференциал ўйин масаласи тадқиқот натижаларидан “Деcионс_лаб ресеарч програм” (ҳттпс://www.деcисионслаб.эу/арее-ди-риcерcа/) номли илмий лойиҳада бошқарув чегараланишлари Гронуолл бўлган ҳолларда қарама-қарши бошқарувли динамик системалар учун масалаларни тадқиқ қилишда фойдаланилган (Италиянинг Медитерранеа Реггио Cалабриа университетининг 2025-йил 20-июндаги  маълумотномаси). Натижада, бошқарувлари Гронуолл ва геометрик чегараланишли дифференциал ўйинларда оптимал стратегияни қуриш имкониятини берган;
бошқарувлари Гронуолл чегараланишли икки қувувчи ва бир қочувчили содда ҳаракатли дифференциал ўйин масаласининг тадқиқот натижаларидан Фудан университетининг илмий лойиҳаларида зиддиятли бошқарув масалаларини тадқиқ этишда фойдаланилган (Хитойнинг Фудан университетининг 2025-йил 10-июндаги маълумотномаси). Натижада, бошқарувлари Гронуолл чегараланишли зиддиятли физик жараёнларни бошқариш имконини берган.