Сулаймонов Шаҳоб Ҳодиевичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Ўзбекистон шароитида камалак гулбалиқ (oncorchynchus mykiss) кўпайиш хусусиятларининг шаклланиши ва серпуштлиги», 03.00.15 – Ихтиология (биология фанлари).
Диссертация мавзуси рўйхатга олинган рақам: B2019.4.PhD/B423.
Илмий раҳбар: Юлдашов Мансур Арзикулович, биология фанлари доктори, профессор.
Диссертация бажарилган муассаса номи: Навоий давлат педагогика институти.
ИК фаолият кўрсатаётган муассаса номи, ИК рақами: Самарқанд давлат университети ҳузуридаги Phd.03/30.12.2019.b.02.08 рақамли илмий кенгаш асосидаги бир марталик илмий кенгаш.
Расмий оппонентлар: Кузметов Абдулхамет Раймбердиевич, биология фанлари доктори, профессор; Собиров Жобир Жамолович, биология фанлари бўйича фалсафа доктори (PhD). 
Етакчи ташкилот: Бухоро давлат университети.
Диссертация йўналиши: назарий  ва амалий аҳамиятга молик.
II. Тадқиқотнинг мақсади: Чирчиқ дарёси ҳавзасида Камалак гулбалиқни саноат усулида етиштириш, тур учун янги бўлган шароитда жинсий вояга етиш хусусиятлари ва серпуштлик кўрсаткичларини аниқлашдан иборат.
III. Тадқиқотнинг илмий янгилиги:
импорт қилинган давлатлардагига нисбатан Хўжакент сув омборида камалак гулбалиқнинг ўсиши, жинсий вояга етилиши ва серпуштлилик кўрсатгичлари 40-72% гача  ошганлиги аниқланган; 
Хўжакент сув омбори сувининг таркиби, хоссалари ва хусусиятлари  камалак гулбалиқнинг яшаши, ривожланиши ва кўпайиши учун оптимал даражадалиги очиб берилган;
мамлакатимизнинг совуқ сувли сув ҳавзаларида камалак гулбалиқнинг гонадогенез ва гаметогенез жараёнлари мўътадил кечиш хусусиятлари очиб берилган;
тур учун янги шароитда жинсий вояга етган урғочи балиқларнинг мутлақ серпуштлилигини саноат миқёсида ривожлантириш технологияси ишлаб чиқилган.
IV. Тадқиқот натижаларининг жорий қилиниши:
Ўзбекистон шароитида камалак гулбалиқ (Oncorchynchus mykiss) кўпайиш хусусиятларининг шаклланиши ва серпуштлиги бўйича олинган илмий натижалар асосида:
инкубация жараёнида икраларни калий перманганатнинг кучсиз  эритмаси билан ишлов бериш бўйича ишлаб чиқилган тавсиялар “Қандил парвоз - файз” фермер хўжалигида амалиётга жорий этилган (Ўзбекистон Республикаси Ветеринария ва чорвачиликни ривожлантириш давлат қўмитасининг 2021 йил 14 декабардаги 02/23-2205-сон маълумотномаси). Натижада, сапролегния касаллигининг олди олиниб личинкаларнинг чавоққа айланиши 50% дан 72% гача ошириш имконини берган;
Камалак гулбалиқнинг уруғланган икраларини инкубация қилиш, балиқчилик ҳўжаликларида аэрация ва дегазатор қурилмаларидан фойдаланиш бўйича ишлаб чиқилган тавсиялар “Golden fish group” МЧЖ,  “Mr Fish Farg’ona Company” МЧЖ ва .“Eto ya” хусусий корхонасида амалиётга жорий этилган (“Ўзбек балиқсаноат” уюшмасининг 2021 йил 16 декабрдаги 08/991-сон маълумотномаси). Натижада, мазкур балиқчилик хўжаликларида балиқларининг маҳсулдорлик кўрсаткичини 18-30% гача ошириш имконини берган.