OAK Rayosatining 2018 yil 6 yanvardagi
248/2-son qarori bilan tasdiqlangan

O‘zbekiston Respublikasi Vazirlar Mahkamasi huzuridagi Oliy attestatsiya komissiyasi xizmat siri hisoblangan materiallar va ularni oshkor etmaslik to‘g‘risidagi qoidalar

1. O‘zbekiston Respublikasi Vazirlar Mahkamasi huzuridagi Oliy attestatsiya komissiyasi xizmat siri hisoblangan materiallar va ularni oshkor etmaslik to‘g‘risidagi qoidalar (Qoidalar) idoraviy xizmat siri hisoblangan materiallar va ularni oshkor etmaslik to‘g‘risidagi tartibni belgilab beradi.
2. Qoidalarga muvofiq quyidagi yo‘nalishdagi materiallar xizmat siri hisoblanadi:
ekspert kengashlari faoliyati va a’zolari faoliyati to‘g‘risidagi xizmat hujjatlari;
apellyasiya komissiyasi faoliyati va a’zolari faoliyati to‘g‘risidagi xizmat hujjatlari;
yopiq attestatsiya ishlari hamda shunga muvofiq tegishli tuzilmalar faoliyati;
Tartib-qoida komissiyasi faoliyati to‘g‘risidagi xizmat hujjatlari;
OAK apparati ichki xizmat hujjatlari;
OAK Rayosati faoliyati va a’zolari faoliyati to‘g‘risidagi xizmat hujjatlari;
ilmiy darajalar talabgorlari va tasdiqlanganlarning attestatsiya ishiga oid shaxsiy ma’lumotlari;
ilmiy unvonlar talabgorlari va tasdiqlanganlarning attestatsiya ishiga oid shaxsiy ma’lumotlari;
OAK apparati xodimlari, ilmiy darajalar beruvchi ilmiy kengashlar va ekspert kengashlari a’zolari to‘g‘risidagi shaxsiy ma’lumotlar;
davlat siri yoki qonun bilan qo‘riqlanadigan boshqa sirni tashkil etuvchi ma’lumotlar.
3. OAK apparati xodimlari, ilmiy darajalar beruvchi ilmiy kengashlar va ekspert kengashlari a’zolari, jalb qilinadigan ekspertlar xizmat siri hisoblangan materiallarni oshkor qilishi mumkin emas.
4. Xizmat siri hisoblangan materiallarni oshkor etilgan hollarda:
davlat siri yoki qonun bilan qo‘riqlanadigan boshqa sirni tashkil etuvchi ma’lumotlarni oshkor qilganlarga nisbatan qonunda belgilangan tartibda chora ko‘riladi;
idoraviy xizmat siri hisoblangan materiallarni oshkor qilganlarga nisbatan tegishli chora, jumladan lavozimidan ozod etish chorasi qo‘llaniladi.

Yuklab olish: Oshkor_etmaslik_qoidalari.pdf