OAK Rayosatining 2018 yil 6 yanvardagi
248/2-son qarori bilan tasdiqlangan
O‘zbekiston Respublikasi Vazirlar Mahkamasi huzuridagi Oliy attestatsiya komissiyasi faoliyati bo‘yicha axborot olish to‘g‘risidagi so‘rovlarni ko‘rib chiqish tartibi
1. O‘zbekiston Respublikasi Vazirlar Mahkamasi huzuridagi Oliy attestatsiya komissiyasi (OAK) faoliyati bo‘yicha axborot olish uchun foydalanuvchi shaxsan o‘zi yoki qonunda belgilangan tartibda rasmiylashtirilgan uning vakolatli vakili orqali OAKga murojaat qilishi mumkin. OAK faoliyati to‘g‘risida axborot olishga doir so‘rov og‘zaki yoki yozma shaklda (shu jumladan OAK veb-sayti orqali elektron hujjat shaklida) berilishi mumkin.
2. OAK faoliyati bo‘yicha so‘rovda foydalanuvchining pochta manzili, telefon raqami, elektron pochta manzili, foydalanuvchining to‘liq familiyasi, ismi, otasining ismi ko‘rsatilishi, agar so‘rov yuridik shaxs tomonidan berilgan bo‘lsa tashkilot nomi, manzili va mansabdor shaxsning F.I.Sh. ko‘rsatilishi shart.
3. OAK faoliyati bo‘yicha axborotlar davlat tilida yoki so‘ralayotgan tilda taqdim etiladi.
4. Qonunda belgilangan talablar asosida anonim deb topilgan so‘rov ko‘rib chiqilmaydi.
5. OAKga kelib tushgan so‘rov OAK matbuot xizmati tomonidan ro‘yxatga olinadi. Og‘zaki yoki yozma shaklda, shu jumladan OAK veb-sayti orqali elektron shaklda kelib tushgan so‘rovlar ish kunida ro‘yxatga olinadi va ijroga kiritiladi.
6. Ommaviy axborot vositalarining OAK faoliyati to‘g‘risida axborot olishga doir, shuningdek OAK rahbariyatining interv`yusini tashkil etish to‘g‘risidagi so‘rovi ko‘pi bilan etti kun muddatda ko‘rib chiqiladi. Agar ommaviy axborot vositasining so‘rovini ko‘rib chiqish OAK vakolatiga kirmasa, so‘rov so‘ralayotgan axborotni taqdim etish o‘zining vakolatiga kiritilgan organga ro‘yxatdan o‘tkazilgan kundan e’tiboran uch ish kuni ichida yuboriladi, ommaviy axborot vositasi esa bu haqda xabardor qilinadi. So‘rov rad etilgan taqdirda, ommaviy axborot vositasiga asoslantirilgan javob yuboriladi.
7. OAK faoliyati to‘g‘risidagi axborotlar quyidagi holatlarda taqdim etilmaydi:
axborot foydalanuvchisi manzili, elektron manzili yoki u bilan bog‘lanish ma’lumotlari mavjud bo‘lmaganda;
so‘ralgan axborotlar OAK faoliyatiga taalluqli bo‘lmagan hollarda;
so‘ralgan axborotlar tarqatilishi cheklangan hujjatlar toifasiga mansub holatda;
so‘ralgan axborotlar avval foydalanuvchiga taqdim etilgan bo‘lgan hollarda.
Yuklab olish: Sorovlarni_korib_chiqish_tartibi.pdf