Эгамназаров Георгий Анатольевичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Кўп симли электр узатиш линияларида симметрик бўлмаган қисқа туташув токларини ҳисоблаш учун такомиллаштирилган алгоритмларни ишлаб чиқиш», 05.05.02–Электротехника. Электр энергия станциялари, тизимлари. Электротехник мажмуалар ва қурилмалар (техника фанлари).

Диссертация мавзуси рўйхатга олинган рақам: В2017.2.PhD/Т94.

Илмий раҳбар: Ситдиков Рашид Абдурахманович, техника фанлари доктори, профессор.

Диссертация бажарилган муассаса номи: Тошкент давлат техника институти.

ИК фаолият кўрсатаётган муассаса (муассасалар) номи, ИК рақами: Тошкент давлат техника университети ва «Илмий-техника маркази» МЧЖ, DSc.27.06.2017.Т.03.03.

Расмий оппонентлар: Гайибов Тўлқин Шерназарович, техника фанлари доктори, профессор; Мирзабаев Акром Маҳкамович, техника фанлари доктори.

Етакчи ташкилот: Тошкент темир йўл муҳандислари институти.

Диссертация йўналиши: назарий ва амалий аҳамиятга молик.

II. Тадқиқотнинг мақсади: кўп симли ҳаво электр узатиш линиялардаги яшиндан ҳимояловчи троссларни танлаш учун трассанинг бутун узунлиги бўйича параметрларини инобатга олиш имконини берадиган такомиллаштирилган алгоритмларни ишлаб чиқишдан иборат.

III. Тадқиқотнинг илмий янгилиги:

носимметрик қисқа туташув ҳолатларда симлардаги токларнинг ҳисоб қийматларини кўп симли ҳаво электр узатиш линияларнинг параметрларига (таянч ўлчамлари, таянчлараро масофалар узунлиги, фаза симлари ва яшиндан ҳимояловчи тросслари) боғлиқлиги сийрак матрицаларни қўллаш асосида аниқланган;

ҳаво электр узатиш линияларида яшиндан ҳимояловчи троссларнинг эквивалент қаршиликлари таянчларнинг заминлаш умумий қаршиликлари асосида такомиллаштирилган;

яшиндан ҳимояловчи троссларнинг носимметрик қисқа туташув токларига нисбатан термик турғунлигини ҳисоблаш алгоритми ҳаво электр узатиш линияларини кўп симли тизимда келтирилганлиги асосида такомиллаштирилган;

ички оптик кабелга эга яшиндан ҳимояловчи троссларда носимметрик қисқа туташув ҳолатларидаги токлар қийматларини камайтириш, нимстанция таянчларида заминлаш қаршиликларини изоляциялаш асосида такомиллаштирилган.

IV. Тадқиқот натижаларининг жорий қилиниши.

Кўп симли ҳаво электр узатиш линияларида симметрик бўлмаган қисқа туташув токларини ҳисоблаш учун такомиллаштирилган алгоритмларни ишлаб чиқиш бўйича олинган илмий натижалар асосида:

ҳаво электр узатиш линияларининг яшиндан ҳимояловчи троссларини танлаш учун такомиллаштирилган алгоритмлари 500 кВли «Сирдарё» ИЭС – «Ново Ангрен» ИЭС ҳаво линиясини лойиҳалаштиришда жорий қилинган («Ўзбекэнерго» АКнинг 2017 йил 4 сентябрдаги РМ-01-21/6928-сон маълумотномаси). Илмий тадқиқот натижаларининг қўлланилиши ҳаво электр узатиш линиянинг барча қисмлари учун параметрларини инобатга олган ҳолда носимметрик ҳолатлардаги токларнинг ҳисоб аниқлигини кўтариш имконини берган;

яшиндан ҳимояловчи троссларнинг эквивалентларини ҳисоблаш алгоритмлари 500 кВли «Сирдарё» ИЭС – «Ново Ангрен» ИЭС ҳаво линиясини лойиҳалаштиришда жорий қилинган («Ўзбекэнерго» АКнинг 2017 йил 4 сентябрдаги РМ-01-21/6928-сон маълумотномаси). Илмий тадқиқот натижаларининг қўлланилиши ҳаво электр узатиш линиясининг узунлиги бўйлаб таянчларнинг заминлаш қаршиликларини инобатга олган ҳолда умумий ҳисоблашлар сонини камайтириш имконини берган;

ички оптик кабелга эга яшиндан ҳимояловчи троссларнинг энергия ва ресурстежамкор иш режимилари 500 кВли «Сирдарё» ИЭС – «Ново Ангрен» ИЭС ҳаво линиясини лойиҳалаштиришда жорий қилинган («Ўзбекэнерго» АКнинг 2017 йил 4 сентябрдаги РМ-01-21/6928-сон маълумотномаси). Илмий натижанинг қўлланилиши лойиҳалаш жараёнида ички оптик кабелга эга яшиндан ҳимояловчи троссларнинг юзасини кичиклаштириш ва лойиҳа маблағларини 27%га камайтириш имконини берган.