Турсунова Лайло Дилшатовнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Диабетик этиологияли сурункали буйрак касаллиги бор беморларда ренокардиал синдромни даволашни мувофиқлаштириш», 14.00.05 – Ички касалликлар (тиббиёт фанлари).
Диссертация мавзуси рўйхатга олинган рақам: В2019.2.PhD/Tib868.
Илмий раҳбар: Жаббаров Озимбай Отаханович, тиббиёт фанлари доктори, доцент.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc.04/30.12.2019.Tib 30.02.
Расмий оппонентлар: Шагазатова Барно Хабибуллаевна, тиббиёт фанлари доктори, профессор;  Эгамбердиева Доно Абдисаматовна, тиббиёт фанлари доктори, доцент.
Етакчи ташкилот: Тошкент давлат стоматология институти.
Диссертация йўналиши: амалий аҳамиятга молик.
II. Тадқиқотнинг мақсади: диабетик нефропатия негизида ривожланган сурункали буйрак касаллиги III босқичи сурункали юрак етишмовчилиги билан кечганда комбинирланган давонинг юрак структур-функционал ҳолатига ва буйраклар фаолиятига таъсир самарадорлигини баҳолашдан иборат.
III. Тадқиқотнинг илмий янгилиги:
диабетик нефропатия негизида ривожланган сурункали буйрак касаллиги III босқичидаги сурункали юрак етишмовчилиги бор беморлар стандарт давосига сакубитрил ва валсартан комбинацияси қўшилганда коптокчалар фильтрацияси тезлиги пасайиши секинлашгани аниқланган;
сурункали буйрак касаллиги билан оғриган беморларда эндотелиал дисфункция кўрсаткичлари ва гликирланган гемоглобин концентрациясига таъсири бўйича неприлизин ингибиторлари афзаллиги аниқланган;
буйрак томирлари допплерографияси маълумотларидан тезлик кўрсатқичларининг ортиши ва қаршилик кўрсатrичларининг пасайиши интраренал қон айланишининг яхшиланиши ангиотензин рецептори ва неприлизин ингибиторининг ижобий таъсир кўрсатишига асосланган;
сурункали буйрак касаллиги билан оғриган беморларда кардиоренал синдромни бартараф этишда комбинирланган давонинг ишончли ижобий самара бериши туфайли, чап қоринча систолик ва диастолик дисфункцияси ҳамда юракнинг ремоделланиш кўрсаткичларини яхшиланиши кузатилган.
IV. Тадқиқот натижаларининг жорий қилиниши.
Диабетик этиологияли сурункали буйрак касаллиги бор беморларда кардиоренал синдромни даволашни муқобиллаштириш бўйича олинган илмий натижалар асосида ишлаб чиқилган: 
диабетик нефропатия негизида ривожланган сурункали буйрак касаллиги III босқичи сурункали юрак етишмовчилиги билан кечган беморларда комбинирланган давонинг юрак ва буйрак структур функционал ҳолатига таъсир самарадорлиги бўйича олинган натижалар асосида ишлаб чиқилган «Сурункали буйрак касаллиги бор беморларда ангиотензин-неприлизин рецепторлари ингибиторларининг марказий гемодинамикага таъсирини баҳолаш» номли услубий тавсияномаси тасдиқланган (Соғлиқни сақлаш вазирлигининг 2021 йил 21 декабрдаги 8н-з/551-сон маълумотномаси). Мазкур услубий тавсиянома нефрология ва терапия амалиётида сурункали буйрак касаллигида буйрак ва юрак-қон томир тизимидаги ўзгаришлар ва даволашни муқобиллаштириш орқали касаллик асоратларини камайтириш имконини берган; 
сурункали буйрак касаллиги билан оғриган беморларда кардиоренал синдромни бартараф этиш ва авж олиб боришига қаратилган турли хил даволаш схемаларининг самарадорлиги бўйича олинган илмий натижалар соғлиқни сақлаш амалиётига, жумладан, Тошкент тиббиёт академияси кўп тармоқли клиникаси нефрология бўлими, Республика ихтисослаштирилган нефрология ва буйрак трансплантацияси илмий-амалий тиббиёт маркази нефрология бўлими ва Бухоро вилояти кўп тармоқли тиббиёт маркази клиникасининг нефрология ва гемодиализ бўлимлари амалиётига тадбиқ этилган (Соғлиқни сақлаш вазирлигининг 2022 йил 20 майдаги 08-13649-сон маълумотномаси).  Олинган илмий натижалар диабетик нефропатия негизида ривожланган сурункали буйрак касаллиги сурункали юрак етишмовчилиги билан кечган беморларда даволашни муқобиллаштириш ва касаллик авж олиб боришини камайтириш имконини берган.