Равшанов Жамшид Равшановичнинг
фалсафа доктори (PhD) диссертaцияси ҳимояси ҳақида эълон 

I.    Умумий маълумотлар.
Диссертaция мавзуси, ихтисослик шифри (илмий даража бериладиган фан тармоғи номи): «Исследование протекания структурной приспосабливаемости металлорежущего инструмента при ударных и прерывистых условиях резания», 05.02.05–“Механик ва физик-техник ишлов бериш технологиялари ва жараёнлари. Дастгоҳлар ва асбоб-ускуналар” ихтисослиги.
Диссертaция мавзуси рўйхатга олинган рақам: B2021.3.PhD/T2391.
Илмий раҳбар: Мардонов Бахтиёр Тешаевич, техника фанлари доктори, профессор в.б.
Диссертaция бажарилган муассаса номи: Навоий давлат кончилик ва технологиялар университети.
ИК фаолият кўрсатаётган муассаса номи, ИК рақами: Тошкент давлат техника университети, DSc.03/30.12.2019.Т.03.04.
Расмий оппонентлар: Файзиматов Шухрат Нуманович, техника фанлари доктори, профессор; Умаров Толиб Умарович, техника фанлари доктори, профессор.
Етакчи ташкилот: Андижон машинасозлик институти
Диссертaция йўналиши: назарий ва амалий аҳамиятга молик.
II.     Тадқиқотнинг мақсади: Зарбли ва узликли кесиш шароитида ишлайдиган металл кесувчи асбобларининг турғунлиги ва ишончлилигини оширишдан иборат.
III.     Тадқиқотнинг илмий янгилиги:
тишли ғилдиракларга ишлов беришда, иккиламчи контакт структураларининг шаклланиш жараёнига таъсири асосида тиш кесувчи асбобнинг ишчи юзаларини мустаҳкамлаш усули ишлаб чиқилган;
ўрнатилган қонуниятга мувофиқ тиш кесувчи асбобнинг ишчи юзасида иккиламчи контакт структураларни шакллантириш ва кесиш пайтида асбобнинг ишчи юзаси мустахкамлигини ошириш жараёни тадқиқ қилинган.
тишларга ишлов берувчи асбоб ишчи юзасининг ейилишга чидамлилигини олдиндан мослаштириш орқали ошириш механизми ишлаб чиқилган.
олдиндан мослаштирилган кесувчи асбобларни эксплуатация қилишда юқори самарадорликни таъминловчи кесиш режимларини танлашнинг назарий асослари ишлаб чиқилган. 
IV. Тадқиқот натижаларининг жорий қилиниши. Зарбли ва узлукли кесиш шароитларида металл кесувчи асбобнинг структуравий мосланувчанлигининг кечишини тадқиқ қилишда олинган илмий натижалар асосида: 
кесувчи асбобнинг ишчи сиртларида оширилган триботехник хусусиятларга эга контакт структураларни ҳосил қилишни таъминловчи кесишнинг оптимал режимларини аниқлаш методикаси «НКМК» ДК НМЗ ИЧБда жорий қилинди (“НГМК” давлат корхонасининг  2021 йил 29 сентябрдаги 02-06-07/9520-сон маълумотномаси). Натижада, маълум кесиш режимларида кесиш тезлигини 9-11% га ошириш имконини берган;
ҳар-хил шароитларда қўлланиладиган, фасонли, тиш қирқувчи ва шлица ҳосил қилувчи кесувчи асбобларини олдиндан мослаштириш режимлари «НКМК» ДК НМЗ ИЧБ да жорий қилинди (“НГМК” давлат корхонасининг  2021 йил 29 сентябрдаги 02-06-07 / 9520-сон маълумотномаси). Натижада, кесувчи асбобнинг хизмат қилиш муддатини 10-12% га ошириш имконини берган;
кесувчи асбобнинг олдиндан мослаштириш режимларини оптималлаштириш методикаси «НКМК» ДК НМЗ ИЧБда жорий қилинди (“НГМК” давлат корхонасининг  2021 йил 29 сентябрдаги 02-06-07 / 9520-сон маълумотномаси). Натижада ресурсларнинг солиштирма сарфини 7-10% га қисқариш имконини берган.