Юлдашева Насиба Алишеровнанинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Ҳомиладорлик даврида парадонт касалликларини даволаш ва профилактикаси», 14.00.21–Стоматология (тиббиёт фанлари).

Диссертация мавзуси рўйхатга олинган рақам: В2017.1.PhD/Tib89.

Илмий раҳбар: Ирсалиев Хуснутдин Ибрагимович, тиббиёт фанлари доктори, профессор.

Диссертация бажарилган муассаса номи: Тошкент давлат стоматология институти.

ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc.27.06.2017.Tib.30.01.

Расмий оппонентлар: Vikram Blaggana, тиббиёт фанлари доктори, профессор (Ҳиндистон); Аюпова Фарида Мирзаевна, тиббиёт фанлари доктори, профессор.

Етакчи ташкилот: Шимолий Каролина университети (АҚШ).

Диссертация йўналиши: амалий аҳамиятга молик.

II. Тадқиқотнинг мақсади: ҳомиладорлардаги пародонтитнинг патогенетик механизмларини аниқлаш орқали профилактик ҳамда даволаш самарадорлигини оширишдан иборат.

III.Тадқиқотнинг илмий янгилиги:

аёлларда ҳомиладорликнинг 30-, 90-, 180- ва 270-кунларида пародонтит ривожланишидаги қисқа ва кенг тармоқли тарқалган шаклларида оғиз бўшлиғининг шиллиқ қаватларидаги салбий ўзгаришлар асосланган;

ПОЛ-АОС жараёнлари кўрсаткичларини аниқлаш орқали яллиғланган-деструктив зарарланишларнинг оғирлиги, даво чоралари ва генерализацияланган пародонт зарарланишининг олдини олиш самарадорлиги исботланган;

ҳомиладорларда оғиз бўшлиғининг пародонтитнинг олдини олишга қартилган профилактик даволаш усули ишлаб чиқилган;

парадонтит ривожланишининг аниқланган патогенетик механизмлари орқали ҳомиладорларда парадонтит касаллигини даволаш самарадорлиги такомиллаштирилган;

ҳомиладорларда парадонтит касаллигининг олдини олишда микробларга қарши микроциркуляцияни яхшилаш ҳамда даволашга замонавий ёндашув шакллантирилган.

IV. Тадқиқот натижаларининг жорий қилиниши.

Ҳомиладорлик даврида пародонтит касалликларининг олдини олиш ва даволашни такомиллаштириш бўйича олинган илмий натижалар асосида:

«Пародонт касалликларининг индивидуал хавф омилларини башоратлаш асосида ҳомиладорларга даво-профилактик стоматологик ёрдамни оптималлаштириш» номли услубий қўлланмаси соғлиқни сақлаш амалиётига жорий қилинган (Соғлиқни сақлаш вазирлигининг 2016 йил 22 январаги 8н-д\\79-сон маълумотномаси). Мазкур услубий қўлланма ҳомиладорлик давридаги аёлларда парадонтит касаллиги сабабларини эрта ташхислаш, аниқлаш ва касаллик асоратларининг олдини олиш чора-тадбирларини амалга оширишга имкон берган;

ҳомиладорлик даврида пардотит касаллигини ташхислаш ва даволаш бўйича олинган  илмий натижалар соғлиқни сақлаш амалиётига, жумладан Тошкент шаҳри Олмазор тумани кўп тармоқли поликлиникаси ва Тошкент вилояти Перинатал маркази клиник амалиётига жорий қилинган (Соғлиқни сақлаш вазирлигининг 2017 йил 20 ноябрдаги 8н-з\\36-сон маълумотномаси). Олинган илмий натижаларнинг клиник амалиётга жорий қилиниш натижасида ҳомиладорлик давридаги ремиссия муддатларини узайтириш ва туғруқдан кейинги даврларда пародонтит касаллигининг яллиғланиш-деструктив жараёнларининг чуқурлашувини 4 баробар камайтириш имконини берган.