Азимов Жума Шаропович
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Бухоро қоракўлини алдегидли ошлаш технологияси ва унинг структуравий элементларини конформацион ўзгариши”, 05.06.03 – “Тери, мўйна, пойабзал ва тери-галантерея буюмлари технологияси”
Диссертация мавзуси рўйхатга олинган рақам: № В2019.3.PhD/T802
Илмий раҳбар: Қодиров Тўлқин Жумаевич техника фанлари доктори, профессор
Диссертация бажарилган муассаса номи: Бухоро муҳандислик–технология институти.
ИК фаолият кўрсатаётган муассаса номи, ИК рақами: Бухоро мухандислик–технология институти, PhD.03/29.10.2021.T.101.03
Расмий оппонентлар: Темирова Матлаб Ибадовна техника фанлари номзоди, доцент, Қодиров Ҳасан Иргашевич техника фанлари доктори, профессор
Етакчи ташкилот: Наманган Муҳандислик-технология институти
Диссертация йўналиши: амалий аҳамиятга молик. 
II. Тадқиқотнинг мақсади Маҳаллий Бухоро қоракўл териларини альдегидлар иштирокида чуқур қайта ишлов бериш технологиясини яратиш, унинг конформацион ва морфологик ўзгариши ҳамда физик-механик хоссаларини тадқиқ этишдан иборат.
III. Тадқиқотнинг илмий янгилиги: 
қоракўл териларини глутар альдегиди иштирокида ошлаш  технологияси яратилган ва глутар альдегиди билан ошлашнинг янги принципиал технологик схемаси ишлаб чиқилган;
илк бор қўш импульсли режимда узатиладиган лазер энергиясининг ортиши билан намуналарнинг морфологик структурасида микрофибриллаларнинг юмшаши ва ажралиши ғоваклар ўлчамларини катталашишига олиб келиши тажриба усулида аниқланган ва асослаб берилган; 
ишлов берилмаган  ва глутар альдегиди билан ишлов берилган коллаген намуналарини  турбидиметрик титрлашда лойқаланиш жараёни содир бўлиши экспериментал усулда аниқланган;
қоракўл терисини коллаген занжирининг амин ва гидроксил гуруҳлари билан глутар алдегиднинг ўзаро таъсир реакция механизмлари ишлаб чиқилган. 
IV. Тадқиқот натижаларининг жорий қилиниши. Бухоро қоракўлини альдегидли ошлаш технологияси ҳамда унинг структурасини конформацион ўзгаришлари бўйича олинган илмий натижалар асосида:
глутар альдегидини қоракўл териларига ошловчи сифатида қўллаш технологияси «O`zcharmsanoat» уюшмаси таркибидаги корхоналарида «Mexovaya Moda» МЧЖ ҳамда «Buhoro qorako`l klaster» МЧЖ корхоналарида жорий этилган («O`zcharmsanoat»  уюшмасининг 2021 йил 29 ноябрдаги ФБ-7/3112 - сон маълумотномаси). Натижада 8750 кг заҳарли хром ошловчилар миқдорини камайтириш ҳисобига бир йилда  85400 минг сўм иқтисодий самарадорликка  эришилган; 
глутар альдегиди «O`zcharmsanoat» уюшмаси таркибидаги корхона, «Mexovaya Moda» МЧЖ корхонасида ошловчи сифатида қоракўл териларига синовдан ўтказилган («O`zcharmsanoat» уюшмасининг 2021 йил 29 ноябрдаги ФБ-7/3112-сон маълумотномаси). Натижада тайёр қоракўл мўйналари майдони чиқимининг ортиши, қоракўл мўйналарининг хоссалари яхшиланиши, чўзилишдаги мустаҳкамлик кўрсаткичини 7,4 % га ошишига эришилган. 
Бухоро қоракўл териларини альдегид билан ошлаш технологияси «O`zcharmsanoat» уюшмаси таркибидаги корхона, «Buхoro qorako`l klaster» МЧЖ корхонасида жорий этилган. («O`zcharmsanoat»  уюшмасининг 2021 йил 29 ноябрдаги ФБ-7/3112-сон маълумотномаси). Натижада тайёр қоракўл мўйналари майдонининг 7,9 % ортиши, қоракўл мўйналарининг хоссалари яхшиланиши, чўзилишдаги мустаҳкамлик кўрсаткичини 2,3 МПа га ошишига эришилган.