Расулов Рашиджон Ғайратжон ўғлининг фалсафа доктори (PhD) диссертацияси ҳимояси ҳақида эълон
 
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Эйлер-Маклорен типидаги яқинлашиши яхшиланган оптимал квадратур формулалар», 01.01.03–Ҳисоблаш математикаси ва дискрет математика (физика-математика фанлари).
Диссертация мавзуси рўйхатга олинган рақам: В2020.4.PhD/FM309.
Илмий раҳбар: Ҳаётов Абдулло Раҳмонович, физика-математика фанлари доктори, профессор.
Диссертация бажарилган муассаса номи: ЎзР ФА В.И.Романовский номидаги Математика институти.
ИК фаолият кўрсатаётган муассаса номи, ИК рақами: Ўзбекистон Миллий университети ҳузуридаги DSc.03/30.12.2019.FM.01.02 рақамли илмий кенгаш.
Расмий оппонентлар: Нормурадов Чори Бегалиевич, физика-математика фанлари доктори, профессор; Худойберганов Мирзоали Уразалиевич, физика-математика фанлари доктори, доцент.
Етакчи ташкилот: Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади:  фазосида алгебраик кўпҳадларга ва экспоненциал функцияга аниқ бўлган Эйлер-Маклорен типидаги оптимал квадратур формулаларни қуриш ва уларнинг хатоликларини баҳолашдан иборат.
III. Тадқиқотнинг илмий янгилиги қуйидагилардан иборат: 
фазосида экспоненциал функцияга аниқ Эйлер-Маклорен типидаги квадратур формулалар хатолик функционали нормасининг аналитик кўриниши топилган;
гильберт фазосида экспоненциал функцияга аниқ Эйлер-Маклорен типидаги оптимал квадратур формулалар коэффициентлари учун илк бор чизиқли тенгламалар системаси олинган;
гильберт фазосида Эйлер-Маклорен типидаги оптимал квадратур формулалар коэффициентлари учун аналитик формулалар олинган, бунинг натижасида классик Эйлер-Маклорен формуласининг аниқлигини оширишга эришилган;
Эйлер-Маклорен типидаги оптимал квадратур формулалар хатолиги   гильберт фазосида баҳоланган.
IV. Тадқиқот натижаларининг жорий қилиниши:
Алгебраик кўпҳадларга ва экспоненциал функцияга аниқ бўлган Эйлер-Маклорен типидаги оптимал квадратур формулалар қуриш бўйича олинган илмий натижалар асосида:
фазосида экспоненциал функцияга аниқ Эйлер-Маклорен типидаги квадратур формулалар оптимал хатолик функционали нормаси ёрдамида олинган баҳодан АААА-А19-119072290002-рақамли грант лойиҳасида каср тартибли оддий дифференциал тенгламаларни сонли ечишда қўлланилган (Витус Беринг номидаги Камчатка давлат университетининг (Россия) 2022 йил 28 январдаги 02-12-сонли маълумотномаси). Натижада, каср тартибли оддий дифференциал тенгламаларни сонли ечиш учун ҳисоблаш усулларини ишлаб чиқиш имконини берган;
фазосида экспоненциал функцияга аниқ Эйлер-Маклорен типидаги оптимал квадратур формулалар коэффициентлари учун илк бор олинган чизиқли тенгламалар системасининг аналитик ечимидан ОТ-Атех-2018-340-“Икки тезликли муҳит динамикасининг амалий геофизик масалаларини назарий ва сонли тадқиқ этиш” амалий лойиҳасида ёпишқоқ-эластик тенгламалар системасида диагонал матрицали ядрони аниқлаш масаласида фойдаланилган (Қарши давлат университетининг 2021 йил 16 декабрдаги 04/6437-сонли маълумотномаси). Натижада, диагонал матрицали ядрони аниқлаш масаласининг ягоналик ва турғунлик баҳоларини ҳамда мавжудлигини ўрганишга имкон берган.