Жўраев Фаррух Дўстмирзаевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Қишлоқ хўжалик маҳсулотлар ишлаб чиқаришни ривожлантириш ва бошқаришни эконометрик моделлаштириш (Қашқадарё вилояти мисолида)”, 08.00.06 – Эконометрика ва статистика (иқтисодиёт фанлари).
Диссертация мавзуси рўйхатга олинган рақам: В2021.1.PhD/Iqt1582.
Илмий раҳбар: Мухитдинов Худоёр Суюнович, иқтисодиёт фанлари доктори, доцент.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: Урганч давлат университети, PhD.03/28.08.2020.I.55.03.
Расмий оппонентлар: Бойхонов Баходир Турсунбоевич, иқтисодиёт фанлари доктори, доцент; Абдуғаниев Отабек Аллажонович, иқтисодиёт фанлари бўйича фалсафа доктори (PhD), доцент.
Етакчи ташкилот: Қорақалпоқ давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади.
Қишлоқ хўжалик маҳсулотларини ишлаб чиқаришни ривожлантириш ва бошқаришни такомиллаштиришга оид илмий талкиф ва амалий тавсиялар ишлаб чиқиш ҳисобланади.
III. Тадқиқотнинг илмий янгилиги.
минтақада қишлоқ хўжалиги маҳсулотларини ишлаб чиқаришини ривожлантиришга таъсир қилувчи омиллар ва тармоқ салоҳиятини баҳолашда қишлоқ аҳолисининг ҳаёт сифатини яхшилайдиган янги омилларнинг пайдо бўлишини “Смарт қишлоқ хўжалиги” ва маълумотлар платформаси орқали рағбатлантириш таклиф қилинган;
табиий, ёндош, таъминот, тасодифий омиллар негизида минтақада қишлоқ хўжалиги маҳсулотлари ишлаб чиқаришни “ўсиш нуқтаси” – ижтимоий-иқтисодий, географик, демографик, экологик омилларни умумлаштирган  инфратузилма объектларини ташкил этиш асосида ривожлантириш асослаб берилган;
минтақада қишлоқ хўжалиги маҳсулотлари ишлаб чиқаришни ривожлантиришда табиий-ижтимоий-экологик-иқтисодий тизимни тартибга солишнинг микро, мезо-, макро, мега-даражаларининг вертикал интеграллашган тузилмаларини умумлаштирилган алгоритми ишлаб чиқилган;
минтақада кўп омилли эконометрик моделлар ёрдамида қишлоқ хўжалиги маҳсулотлари ишлаб чиқаришни потенциал ривожлантириш ва бошқаришнинг хусусий тармоқ моделларини умумлаштириш орқали 2022-2026 йилларга мўлжалланган прогноз кўрсаткичлари ишлаб чиқилган.
IV. Тадқиқот натижаларининг жорий қилиниши. 
Қишлоқ хўжалиги маҳсулотлари ишлаб чиқаришни ривожлантириш ва бошқаришни эконометрик моделлаштириш юзасидан олинган илмий натижалар асосида:
минтақада қишлоқ хўжалиги маҳсулотларини ишлаб чиқаришини ривожлантиришга таъсир қилувчи омиллар ва тармоқ салоҳиятини баҳолашда қишлоқ аҳолисининг ҳаёт сифатини яхшилайдиган янги омилларнинг пайдо бўлишини электрон платформаси орқали рағбатлантириш таклифи бўйича Қашқадарё вилояти қишлоқ хўжалиги бошқармаси фаолиятида фойдаланилган (Ўзбекистон Республикаси қишлоқ хўжалиги вазирлигининг 2021 йил 29 декабрдаги 05/032-5111-сон, Қашқадарё вилояти қишлоқ хўжалиги бошқармасининг 2021 йил 22 октябрдаги 01/1777-сон маълумотномалари). Натижада Қашқадарё вилояти қишлоқ хўжалиги аҳолисининг ҳаёт сифатини оширишда “Смарт қишлоқ хўжалиги” ва маълумотлар платформаси орқали рағбатлантириш имкони пайдо бўлган;
табиий, ёндош, таъминот, тасодифий омиллар негизида минтақада қишлоқ хўжалиги маҳсулотлари ишлаб чиқаришни “ўсиш нуқтаси” – ижтимоий  инфратузилма объектини ташкил этиш асосида ривожлантириш асослаб берилган (Ўзбекистон Республикаси қишлоқ хўжалиги вазирлигининг 2021 йил 29 декабрдаги 05/032-5111-сон ҳамда Қашқадарё вилояти қишлоқ хўжалиги бошқармасининг 2021 йил 22 октябрдаги 01/1777-сон маълумотномалари).   Мазкур таклиф ишлаб чиқариш жараёнидаги турли таъсир қилувчи омилларнинг ахборотлашув манбаларини ривожлантириш ва кўламини ошириш бўйича тизимли ёндашиш имкониятини берган;
минтақада қишлоқ хўжалиги маҳсулотлари ишлаб чиқаришни ривожлантиришда табиий-ижтимоий-экологик-иқтисодий тизимни тартибга солишнинг микро, мезо-, макро, мега-даражаларининг кластерли бошқариш тизими асосида умумлаштирилган алгоритми ишлаб чиқилган  (Ўзбекистон Республикаси қишлоқ хўжалиги вазирлигининг 2021 йил 29 декабрдаги 05/032-5111-сон ҳамда Қашқадарё вилояти қишлоқ хўжалиги бошқармасининг 2021 йил 22 октябрдаги 01/1777-сон маълумотномалари). Ушбу кластерли бошқариш ишлаб чиқариш субъектларининг истиқболдаги фаолиятини ташкил этишда, Қашқадарё вилояти қишлоқ хўжалиги маҳсулотларини ишлаб чиқаришини ривожлантиришнинг оптимал режалаштиришнинг эконометрик моделларини такомиллаштиришга хизмат қилган; 
минтақада кўп омилли эконометрик моделлар ёрдамида қишлоқ хўжалиги маҳсулотлари ишлаб чиқаришни потенциал ривожлантириш ва бошқаришнинг хусусий тармоқ моделларини умумлаштириш орқали 2022-2026 йилларга мўлжалланган прогноз кўрсаткичлари ишлаб чиқилган (Ўзбекистон Республикаси қишлоқ хўжалиги вазирлигининг 2021 йил 29 декабрдаги 05/032-5111-сон ҳамда Қашқадарё вилояти қишлоқ хўжалиги бошқармасининг 2021 йил 22 октябрдаги 01/1777-сон маълумотномалари). Мазкур таклиф Қашқадарё вилояти қишлоқ хўжалиги бошқармаси фаолиятида фойдаланилган.