Убайдуллаева Нигора Ильясовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Сурункали холециститда сурункали қайталанувчи афтоз стоматитнинг клиник кечиш хусусиятлари ва даволаш», 14.00.21 – Стоматология (тиббиёт фанлари).
Диссертация мавзуси рўйхатга олинган рақам: B2019.1.PhD/Tib.781.
Илмий рахбар: Ибрагимова Малика Худайбергановна, тиббиёт фанлари доктори, доцент.
Диссертация бажарилган муассаса номи: Тошкент давлат стоматология институти.
ИК фаолият кўрсатаётган муассаса (муассасалар) номи, ИК рақами: Тошкент давлат стоматология институти, DSc.28.12.2017.Tib.59.01.
Расмий оппонентлар: Антонова Александра Анатольевна, тиббиёт фанлари доктори, профессор (Россия Федерацияси); Бекжанова Ольга Есеновна, тиббиёт фанлари доктори, профессор.
Етакчи ташкилот: Бошқирдистон давлат тиббиёт университети (Россия Федерацияси).
Диссертация йўналиши: амалий аҳамиятга молик.
II. Тадқиқотнинг мақсади: сурункали холецистит билан оғриган беморларда сурункали қайталанувчи афтоз стоматитни комплекс даволашни такомиллаштиришдан иборат.
III. Тадқиқотнинг илмий янгилиги:
сурункали холецистит билан касалланган беморларда липидларни эркин радикалли оксидланиши маҳсулотлари (МДА, каталаза, глутатионпероксидаза ва СОД) ва ўрта молекулали пептидларнинг жадал протеолизи (МСМ Е254 и МСМ (Е280)) орофарингиал соҳа СҚАС клиник кечишини оғираштириши исботланган;
сурункали холецистит билан оғриган СҚАС беморларида шартли патоген микрофлора, Candida замбруғлари, тилларанг стафилококк миқдорини ортиши ва сўлакни ҳимоя омилларнинг (sIgA, лизоцим титри, фагоцитоз кўрсаткичи) потенциалининг заифлашиши аниқланган;
сурункали холецистит негизида кечувчи СҚАС патогенезида янги жиҳати сифатида афтоз шикастланишлар клиник ўзгаришлари, микробиоценоз таркиби ва маҳаллий ҳимоя омилларининг ўзаро боғлиқлиги асосланган;
ЎМП - Е254 и Е280, пероксидация жараёнлари – МДА, каталаза, глутатионпероксидаза, СОД кўрсаткичларини меъёрлаштириш, дисбиоз ҳолатини – Candida замбруғлари ва тилларанг стафилококкларни баратараф қилиш ва маҳаллий ҳимоя омиллари – sIgA, лизоцим титри, фагоцитоз кўрсаткичини ошириш орқали сурункали холецистит негизида кечувчи сурункали қайталанувчи афтоз стоматит билан оғриган беморларни янги патогенетик даволаш асосланган.
IV. Тадқиқот натижаларининг жорий қилиниши:
Сурункали холециститда сурункали қайталанувчи афтоз стоматит билан оғриган беморларни замонавий диагностика ва даволашнинг илмий натижалари бўйича олинган натижалар асосида:
сурункали холециститда сурункали қайталанувчи афтоз стоматитнинг клиник кечиш хусусиятлари ва даволаш бўйича олинган илмий натижалар асосида ишлаб чиқилган  “Сурункали холецистит билан оғриган беморларда орофарингеал соханинг сурункали қайталанувчи афтоз стоматитининг клиник-лаборатория диагностикаси” номли услубий тавсиянома тасдиқланган (Соғлиқни сақлаш вазирлигининг 2021 йил 19 ноябрдаги 8 нр/1120-сон маълумономаси). Ушбу тавсиянома сурункали холецистит негизида кечувчи СҚАС нинг клиник-лаборатор ташхислаш самарасини оширишга хизмат қилган.
сурункали холециститда сурункали қайталанувчи афтоз стоматитнинг клиник кечиш хусусиятлари ва даволаш бўйича олинган илмий натижалар асосида ишлаб чиқилган  “Сурункали холецистит билан оғриган беморларда сурункали қайталанувчи афтоз стоматитни даволашни такомиллаштириш” номли услубий тавсиянома тасдиқланган (Соғлиқни сақлаш вазирлигининг 2021 йил 19 ноябрдаги 8 нр/1121-сон маълумотномаси). Ушбу услубий тавсиянома СҚАС билан оғриган беморларни комплекс даволашда ирригатор ёрдамида ишқорли эритма билан олдиндан пуркаш хамда Бактизидим препаратини қўллаш билан тавсия этилган даволаш усули касалилкнинг ремиссия даврини узайишига  хизмат қилган;
тадқиқот натижалари амалий соғлиқни сақлашга, жумладан Тошкент ш. “Тошкент шаҳар МЧЖ «TORTINCHI» стоматологик поликлиникаси ва Тошкент шаҳар Шайхонтоҳур туманидаги 6-сон стоматология поликлиникаси амалиётига тадбиқ этилган (Соғлиқни сақлаш вазирлигининг 2021 йил 4 ноябрдаги 8н-з/524-сон маълумотномаси). Олинган натижалар клиник кўрсаткичларни сезиларли яхшилашга, шу билан бирга, касалликнинг ремиссия даврини узайтиришга имкон берган.