Саидходжаева Саида Набиевнанинг
тиббиёт фанлари доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Болаларда ОИВ энцефалопатиясининг клиник-иммунологик хусусиятлари ва диагностикаси алгоритми, терапия ва реабилитацияни оптималлаштириш», 14.00.13 – Неврология (тиббиёт фанлари).
Диссертация мавзуси рўйхатга олинган рақам: В2020.3.DSc/Tib474.
Илмий раҳбар: Маджидова Яқутхон Набиевна, тиббиёт фанлари доктори, профессор.
Диссертация бажарилган муассаса номи: Тошкент педиатрия тиббиёт институти
ИК фаолият кўрсатаётган муассаса (муассасалар) номи, ИК рақами: Тиббиёт ходимларининг касбий малакасини ривожлантириш маркази, DSc.04/30.12.2019.Tib.31.01
Расмий оппонентлар: Шамансуров Шаанвар Шамуратович, тиббиёт фанлари доктори, профессор; Мамедбейли Айтен Кямал гызы, тиббиёт фанлари доктори, профессор; Юлдашев Кахрамон Халдарович, тиббиёт фанлари доктори, профессор.
Етакчи ташкилот номи: Аль Фараби номидаги Козоғистон миллий университети.
Диссертациянинг йўналиши: амалий аҳамиятга молик.
II. Тадқиқотнинг мақсади: болаларда ОИВ-инфекция неврологик аломатларининг клиник-иммунологик хусусиятларини бахолаш ва беморларни кузатиш тактикасини оптималлаштиришдан иборат.
III. Тадқиқотнинг илмий янгилиги:
илк бор болаларда ОИВ-энцефалопатияларнинг интеллектуал ва ҳиссий-хулқ-атвор компонентлари босқичли таснифи шакллантирилган ва ОИВ-инфекцияланган барча турли даражадаги нейрокогнитив бузилишлар аниқланган;
симптомли ОИВ - эцефалопатияларда ва ЮФАРТ фонида моноцитик-макрофагларнинг хамда апоптознинг интенсивлиги фаоллашуви хисобига нейронларнинг шикастланишига таъсир кўрсатувчи иммунологик прогностик предикторлари (CD16+, CD95+) фаоллигининг ошиши билан нейрокогнитив ривожланишининг симптомларини жадаллашиши аниқланган;
болаларда ОИВ энцефалопатияларда тизимли яллиғланиш реакциялари ва иммун фаоллашувининг умумлаштириш даражасининг пасайиши таъсирида кучи ассоциацияси апоптоген цитокинлар (ИЛ-6, ФНО-альфа) концентрациясининг ошиши исботланган;
болаларда ОИВ-энцефалопатияларнинг неврологик бузилиш патогенезида демиелинизация қилувчи каскадлар фаоллашуви хисобига миелинга Ат концентрациясининг ошиши аниқланган.
IV. Тадқиқот натижаларининг жорий қилиниши:
Болалардаги ОИВ -энцефалопатиянинг клиник ва иммунологик аспектларини ўрганиш ва даволаш бўйича олинган илмий натижаларга асосида:
болалардаги ОИВ-энцефалопатияни даволашни оптималлаштириш бўйича олинган илмий натижалар асосида ишлаб чиқилган "ОИВ-энцефалопатия бўлган болаларни кузатиш алгоритми" номли услубий тавсияномаси тасдиқланган  (Соғлиқни сақлаш вазирлигининг 2021 йил 27 майдаги 8и-з/169-сон маълумотномаси). Мазкур услубий тавсиянома болалардаги асоратли ОИВ-энцефалотияларни эрта ташхислаш хамда даволаш усулларини такомиллаштиришга имконини берган;
болалардаги ОИВ-энцефалопатиянинг диагностикаси бўйича олинган илмий натижалар асосида ишлаб чиқилган "Ташхислаш маркерларини қўллаган ҳолда болаларда ОИВ-энцефалопатияларини башоратлаш усули" (Соғлиқни сақлаш вазирлигининг 2021 йил 27 майдаги 8н-з/169-сон маълумотномаси) номли услубий тавсияномаси тасдиқланган. Мазкур услубий тавсиянома касалликни эрта даврида аниқлаш, асоратларини башоратлаш ва олдини олиш хамда касалланган болаларда бош мия фаолиятининг эрта тикланиш имконини берган;
болалардаги ОИВ -энцефалопатиядаги ўзгаришларни ташхислаш ва даволаш бўйича олинган илмий натижалар соғлиқни сақлаш амалиётига, жумладан Сирдарё вилоят ОИТС га қарши кураш маркази, Самарқанд вилоят ОИТС га қарши кураш маркази, ОИТС га қарши кураш Республика маркази, Наманган вилоят ОИТС га қарши кураш маркази амалиётларига жорий қилинган (Соғлиқни сақлаш вазирлигининг 2022 йил 18 мартдаги 08-09/7925-сон маълумотномаси). Тадқиқот натижалари амалиётга болалардаги ОИВ -энцефалопатия асоратларининг клиник кечиши ва даволаш чораларини оптимизациялашга олиб келиб, бу эса даво самарадорлигини оширишга, реабилитация вақтини қисқартиришга, нафақат марказий асаб тизими яллиғланиш касалликларининг асоратларини олдини олишга, шунингдек озонланган церебролизинни қўллаш натижасида турли хил муддатларда кечувчи касалликнинг оқибатларини бартараф этиш имконини берди.