Холбоева Азиза Ихтияровнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Таркибида азот ва олтингугурт бўлган антипирен-антисептиклар олиш технологиясини ишлаб чиқиш», 02.00.13 – Ноорганик моддалар ва улар асосидаги материаллар технологияси, 02.00.14 – Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2022.1.PhD/Т2609.
Илмий раҳбарлар: Тураев Хайит Худайназарович, кимё фанлари доктори, профессор; Нурқулов Файзулла Нурмўминович, техника фанлари доктори, катта илмий ходим.
Диссертация бажарилган муассаса номи: Термиз давлат университети.
ИК фаолият кўрсатаётган муассаса номи, ИК рақами: Термиз давлат университети, PhD.03/30.12.2019.Т.78.01.
Расмий оппонентлар: Мухиддинов Баҳодир Фахриддинович, кимё фанлари доктори, профессор; Шукуров Жамшид Султонович, техника фанлари доктори, катта илмий ходим. 
Етакчи ташкилот: Самарқанд давлат университети. 
Диссертация йўналиши: назарий ва амалий аҳамиятга молик.
II. Тадқиқотнинг мақсади: таркибида азот ва олтингугурт бўлган бирикмалар асосида ёғоч материалларни ҳимояловчи олигомер антипирен-антисептиклар олиш технологиясини ишлаб чиқишдан иборат.
III. Тадқиқотнинг илмий янгилиги:
маҳаллий хомашёлар асосида таркибида азот, олтингугурт бўлган РО-1, РО-2, DGT-1, DGT-2 ва DGT-3 маркали олигомер антипирен-антисептиклар олинган;
таркибида азот, олтингугурт бўлган РО-1, РО-2, DGT-1, DGT-2 ва DGT-3 маркали олигомер антипирен-антисептикларни олишнинг мақбул шароитлари аниқланган;
олинган РО-1, РО-2, DGT-1, DGT-2 ва DGT-3 маркали олигомер антипирен-антисептиклар билан ишлов берилган ёғоч қурилиш материалларни физик-механик хоссалари аниқланган;
таркибида азот, олтингугурт бўлган олигомер антипирен-антисептикларни олиш технологияси ишлаб чиқилган.
IV. Тадқиқот натижаларининг жорий қилиниши.
Таркибида азот, олтингугурт бўлган олигомер антипирен-антисептиклар олиш технологиясини ишлаб чиқиш ва уларни ёғоч материалларини ҳимоялашда қўллаш бўйича олинган илмий натижалар асосида: 
азот ва олтингугурт сақлаган олигомер антипирен – антисептиклар олиш технологияси “Олмалиқ кон-металлургия комбинати” АЖда амалиётга жорий этилган (“Олмалиқ кон-металлургия комбинати” АЖнинг 2022 йил 6 апрелдаги АА002617-сон маълумотномаси). Натижада, ёғоч қурилиш материаллари ва экологик объектларни ёнғиндан ҳамда зараркунанда ҳашоратлардан ҳимоя қилишда ишлатиладиган импорт ўрнини босувчи, самарали антипирен-антисептиклар олиш имконини берган;
олигомер антипирен-антисептиклар олишнинг ишлаб чиқилган технологияси “RUNO PLASTIK” МЧЖ, “Сурхон КСП-Гранд” МЧЖ, “USKUNASOZLASH SERVIS” МЧЖда ишлаб чиқаришга жорий қилинган (Ўзбекистон қурилиш материаллари саноат корхоналари уюшмасининг 2022 йил 13 апрелдаги 05/15-927-сон маълумотномаси). Натижада, ёғоч қурилиш материалларининг ёнғинга бардошлик хусусиятини I гуруҳгача оширувчи янги турдаги самарали РО-1, РО-2, DGT-1, DGT-2 ва DGT-3 маркали олигомер антипирен-антисептиклар ишлаб чиқариш имконини берган; 
азот ва олтингугурт сақлаган олигомер антипирен – антисептиклар “Сурхон давлат қўриқхонаси” объектларида амалиётга қўлланилган (Ўзбекистон Республикаси Қурилиш Вазирлигининг 2022 йил 14 апрелдаги 09-06/3736-сон маълумотномаси). Натижада, олигомер антипирен – антисептиклар ёғоч қурилиш материалларига чуқур шимдириш орқали зараркунандаларга қарши чидамлилигини 90% гача ошириш имконини берган.