Фармонов Жасур Бойқараевичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Ноанъанавий мойли хомашёлардан функционал ёғ-мой маҳсулотлари ишлаб чиқариш технологиясини такомиллаштириш», 02.00.17 – Қишлоқ хўжалик ва озиқ-овқат маҳсулотларига ишлов бериш, сақлаш ҳамда қайта ишлаш технологиялари ва биотехнологиялари (техника фанлари).
Диссертация мавзуси рўйхатга олинган рақам: В2021.3.PhD/Т1410.
Илмий раҳбар: Серкаев Қамар Пардаевич, техника фанлари доктори.
Диссертация бажарилган муассаса номи: Тошкент кимё-технология институти.
ИК фаолият кўрсатаётган муассаса (муассасалар) номи, ИК рақами: Тошкент кимё-технология институти, DSc.03/30.12.2019.Т.04.01.
Расмий оппонентлар: Исабаев Исмоил Бабаджанович, техника фанлари доктори, профессор; Юнусов Обиджон Қодирович, техника фанлари номзоди, доцент.
Етакчи ташкилот: «Қарши ёғ-экстракция» АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ноанъанавий мойли хом ашёлардан функционал ўсимлик мойлари олишнинг такомиллаштирилган технологиясини ишлаб чиқишдан иборат. 
III. Тадқиқотнинг илмий янгилиги:
кунжут, зиғир, қовун, тарвуз ва қора седана каби ноанъанавий мойли хом ашёларга ишлов беришда ҳарорат, намлик ва жараён давомийлигининг таъсири аниқланган;
совуқ пресслашдан фарқли, ноанъанавий мойли хом ашёлардан юмшоқ шароитда функционал форпресс мойлари ишлаб чиқаришда, гидротермик ишлов беришнинг 50 мин ва 80 С дан иборат мақбул шароитлари ишлаб чиқланган;
илк бор ноанъанавий мойли хом ашёлардан экспеллер мойлари ишлаб чиқаришда микротўлқинли ишлов беришдан фойдаланилган ва мойнинг чиқишига ҳамда физик-кимёвий кўрсаткичларига таъсири аниқланган;
экспеллер мойи ишлаб чиқаришда 2450 МГц тўлқин частотасидаги микротўлқинли ишлов беришнинг оқим қуввати 150 Вт/м2, жараён давомийлиги 15 мин дан иборат оптимал технологик шароитлари ишлаб чиқилган; 
мойлар таркибида 0,10 дан 0,82% гача миқдорда ёғ кислоталарининг транс изомерлари мавжудлиги аниқланган;
ноанъанавий мойли хом ашёлардан функционал ўсимлик мойлари олишнинг такомиллаштирилган технологияси ишлаб чиқилган. 
IV. Тадқиқот натижаларининг жорий қилиниши:
Ноанъанавий мойли хом ашёлардан икки босқичли пресслаш йўли билан мой олиш технологиясини яратиш бўйича олинган илмий натижалар асосида:
тарвуз ва қора седана уруғлари янчилмаларини гидротермик ва сўнгра микротўлқинли нурланишли ишлов бериш технологияси «OR Golden best» МЧЖда ишлаб чиқаришга жорий қилинган («Ўзёғмойсаноат» Уюшмасининг 2021 йил 24 декабрдаги ОЗ/3-39-сон маълумотномаси). Натижада, биологик фаол моддалар сақланган тарвуз ва қора седана мойи чиқишини мос равишда 1,74 ва 1,62 % ошириш имконини берган;
зиғир ва қовун уруғларини қайта ишлаш янги технологияси «Аlba biznes industrials» МЧЖда амалиётга жорий қилинган («Ўзёғмойсаноат» Уюшмасининг 2021 йил 24 декабрдаги ОЗ/3-39-сон маълумотномаси). Натижада, зиғир ва қовун уруғидан мой чиқиши 33,79 ва 36 % ни ташкил этиб, экспеллер кунжарасидаги қолдиқ мой миқдорини 4,26 % гача камайтириш имконини берган;
икки босқичли пресслаш билан кунжут мойи ишлаб чиқариш технологияси «Шуманай кунжут экспо» МЧЖ корхонасида амалиётга жорий қилинган  («Ўзёғмойсаноат» Уюшмасининг 2021 йил 24 декабрдаги ОЗ/3-39-сон маълумотномаси). Натижада, экспеллер мойи чиқишини саноатда қўлланадиган усулдагига нисбатан 2,67 % га ошириш имконини берган.