Urazmetov Kaxramon Karimbaevichning

falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Kechpishar sholi navlari hosildorligiga ekish muddati va me’yorlarining ta’siri», 06.01.08–O‘simlikshunoslik (qishloq xo‘jaligi fanlari).

Dissertatsiya mavzusi ro‘yxatga olingan raqam: B2017.2.PhD/Qx75.

Ilmiy rahbar: Saimnazarov Yuldash Bekmirzaevich, biologiya fanlari doktori, katta ilmiy xodim.

Dissertatsiya bajarilgan muassasa nomi: Toshkent davlat agrar universiteti.

IK faoliyat ko‘rsatayotgan muassasa (muassasalar) nomi, IK raqami: Samarqand qishloq xo‘jalik instituti, PhD.27.06.2017.Qx.12.01.

Rasmiy opponentlar: Botirov Xidir Fayzievich, qishloq xo‘jaligi fanlari doktori, professor; Sattorov Maxsud Axtamovich, qishloq xo‘jaligi fanlari nomzodi, katta ilmiy xodim.

Yetakchi tashkilot: O‘simlikshunoslik ilmiy-tadqiqot instituti.

Dissertatsiya yo‘nalishi: nazariy va amaliy ahamiyatga molik.

II. Tadqiqotning maqsadi: respublikaning turli mintaqalarida kechpishar sholi navlaridan yuqori va sifatli hosil etishtirishni ta’minlaydigan maqbul ekish muddati va me’yorlarini aniqlashdan iborat.

III. Tadqiqotning ilmiy yangiligi:

ilk bor respublikaning markaziy va shimoliy mintaqalar tuproq-iqlim sharoitlarida kechpishar sholining «UzROS-7-13» va «Mustaqillik» navlarini ekish muddatlari aniqlangan;

respublikaning markaziy va shimoliy mintaqalar tuproq-iqlim sharoitlarida kechpishar sholi navlarining ekish me’yorlari ishlab chiqilgan;

markaziy va shimoliy hududlari tuproq-iqlim sharoitida kechpishar sholining «UzROS-7-13» va «Mustaqillik» navlari hosildorligining tuplanish darajasi va ro‘vak ko‘rsatkichlariga korrelyativ bog‘liqligi (r=0,96-0,98) aniqlangan;

turli muddat va me’yorlarda ekilgan sholining tuplanish darajasi va ko‘chat qalinligi o‘rtasida yuqori darajadagi korrelyativ bog‘liqlik (r=0,98-0,99) mavjudligi aniqlangan.

IV. Tadqiqot natijalarining joriy qilinishi.

Kechpishar sholi navlari hosildorligi, ekish muddati va me’yorlarini ishlab chiqish bo‘yicha olib borilgan tadqiqotlar natijalari asosida:

kechpishar sholining «UzROS-7-13» va «Mustaqillik» navlarini etishtirishning maqbul agrotexnologiyalari Toshkent viloyatida 3,6 gektar maydonga joriy etilgan (Qishloq va suv xo‘jaligi vazirligining 2017 yil 20 oktyabrdagi 02/21-550 ma’lumotnomasi). Buning natijasida «UzROS-7-13» navidan gektaridan 65 sentner, «Mustaqillik» navidan 75 sentner sholi doni hosili etishtirilib, har bir gektar maydondan 2200 ming so‘m foyda olishga erishilgan;

kechpishar sholining «UzROS-7-13» va «Mustaqillik» navlarini etishtirish agrotexnologiyasi (ekish muddati – may oyining ikkinchi o‘n kunligi, ekish me’yori – 5,0 mln. unuvchan urug‘) Xorazm viloyatida 18 gektar maydonga joriy etilgan (Qishloq va suv xo‘jaligi vazirligining 2017 yil 20 oktyabrdagi 02/21-550 ma’lumotnomasi). Buning natijasida «UzROS-7-13» navidan 59–65 s/ga, «Mustaqillik» navidan gektaridan 68–72 sentner sholi doni hosili olingan va  iqtisodiy samaradrlik 47520 ming so‘mni tashkil etgan.