Дошанова Малика Юлдашовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Технологик жараёнлар ва ишлаб чиқаришни бошқариш тизимларида қарорларни қабул қилиш усуллари ва алгоритмлари», 05.01.02 – Тизимли таҳлил, бошқарув ва ахборотни қайта ишлаш (техника фанлари).
Диссертация мавзуси рўйхатга олинган рақам: В2017.4.PhD/Т505
Илмий раҳбарнинг Ф.И.Ш., илмий даражаси ва унвони: Гулямов Шухрат Маннопович, техника фанлари доктори, профессор.
Диссертация бажарилган муассаса номи: Муҳаммад ал-Хоразмий номидаги Тошкент ахборот технологиялари университети.
ИК фаолият кўрсатаётган муассаса номи, ИК рақами: Рақамли технологиялар ва сунъий интеллектни ривожлантириш илмий-тадқиқот институти, DSc.13/30.12.2021.T.142.01.
Расмий оппонентлар: Исмаилов Мирҳалил Агзамович, техника фанлари доктори, профессор; Тўхтаназаров Дилмурод Солижонович, техника фанлари бўйича фалсафа доктори (PhD).
Етакчи ташкилот номи: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади мураккаб жараёнларни бошқариш тизимларида тезкор-башоратловчи бошқарув қарорларини қабул қилишга кўмаклашиш усули, алгоритми ва дастурий воситасини ишлаб чиқишдан иборат. 
III. Тадқиқотнинг илмий янгилиги қуйидагилардан иборат:
нефтни дастлабки қайта ишлашнинг мураккаб жараёнларини бошқариш тизими учун нейро-норавшан модель ишлаб чиқилган;
нефтни дастлабки қайта ишлаш қурилмаларининг иш режими параметрларини оптималлаштириш алгоритми ишлаб чиқилган;
норавшанлик шароитида адекватликни таъминловчи моделни параметрик идентификациялашнинг нейро-итератив усули таклиф қилинган;
бошқарув объектининг нейро-норавшан моделлари асосида тезкор қисқа муддатли башоратлаш бошқарув алгоритми ишлаб чиқилган.
IV. Тадқиқот натижаларининг жорий қилиниши: Ишлаб чиқилган нефтни дастлабки қайта ишлаш жараёнларини бошқариш самарадорлигини оширишга йўналтирилган усул, модел ва алгоритмик-дастурий воситалар:
нейро–норавшан модел асосида бошқарув қарорларини қабул қилишга кўмаклашувчи қарорларнинг тезкор–башоратловчи механизми самарадорликни ошириш мақсадида «Чиноз НҚЗ» МЧЖга жорий қилинди (Ахборот технологиялари ва коммуникацияларини ривожлантириш вазирлигининг 2020 йил 24 ноябрьдаги №33-8/7049-сон маълумотномаси). Натижада нефт маҳсулотлари ҳолати мониторинги асосида қарор қабул қилиш жараёни самарадорлиги 8 %га ошириш имконини берган;      
нефтни дастлабки қайта ишлашнинг математик модели, моделнинг нейрон параметрик идентификацияси ва дастурий воситаси “UNICON-SOFT” МЧЖга жорий қилинди (Ахборот технологиялари ва коммуникацияларини ривожлантириш вазирлигининг 2020 йил 24 ноябрьдаги №33-8/7049-сон маълумотномаси). Натижада диссертация ишланмаларининг ишлаб чиқариш фаолиятига қўлланилишида йиллик иқтисодий самарадорлик 35 млн. сўмни ташкил этган;
мураккаб динамик объектларнинг дастурлаштирилувчи мантиқий контроллерларини бошқарувчи дастурий воситаси “Black Rabbit” МЧЖга жорий қилинди (Ахборот технологиялари ва коммуникацияларини ривожлантириш вазирлигининг 2020 йил 24 ноябрьдаги №33-8/7049-сон маълумотномаси). Натижада диссертация ишланмаларининг ишлаб чиқариш фаолиятига қўлланилишида йиллик иқтисодий самарадорлик 25 млн. сўмни ташкил этган;
нефтни қайта ишлаш саноатида бошқарув самарадорлигини оширишга йўналтирилган тизимларни лойихалашда “O’ZLITINEFTGAZ” АЖга  жорий қилинди (Ахборот технологиялари ва коммуникацияларини ривожлантириш вазирлигининг 2020 йил 24 ноябрьдаги №33-8/7049-сон маълумотномаси). Натижада бошқарув тизимида ахборотларни қайта ишлаш орқали умумий фаолиятининг фойдали иш коэффициенти йиллик 4-6 %га ўсиш имконини берган.