Ахмедова Ферузахон Шахбосхановнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Қандли диабет 2-турининг манифестацияси ва кечишига сурункали вирусли гепатит С нинг таъсири», 14.00.03 – Эндокринология (тиббиёт фанлари).
Диссертация мавзуси рўйхатга олинган рақам: В2019.2.PhD/Tib839.
Илмий раҳбар: Шагазатова Барно Хабибуллаевна, тиббиёт фанлари доктори,профессор.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc 04/30.12.2019.Tib 30.02.
Расмий оппонентлар: Хайдарова Феруза Алимовна, тиббиёт фанлари доктори, профессор;  Мусабоев Эркин Исакович, тиббиёт фанлари доктори, профессор.
Етакчи ташкилот: Тошкент педиатрия тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади қандли диабет 2-турининг манифестацияси ва кечишига сурункали вирусли гепатит С нинг таъсирини баҳолашдан иборат. 
III. Тадқиқотнинг илмий янгилиги:
сурункали вирусли гепатит С кузатилган беморларда инсулинрезистентлик ривожланишига касалликнинг давомийлиги узайиши, 1б генотипи ва юқори виремиянинг мавжудлиги орасида боғлиқлик аниқланган;
сурункали вирусли гепатит С кузатилган беморларда инсулинрезистентлик, дислипидемия, 1б генотипи ва юқори вирусли юклама биргаликда кузатилганда жигардаги фиброзланиш авжланиши  тасдиқланган;
қандли диабет 2-тури билан вирусли гепатит С бирга учраганда касалликларнинг бирламчи ривожланганига кўра, аввал қандли диабет 2-тури сўнг сурункали вирусли гепатит С кузатилган беморларда  қандли диабет 2-турининг манифестацияси ва клиник кечиши оғир бўлиши аниқланган;
сурункали гепатит С билан ассоцирланган қандли диабет 2- тури беморларда қанд пасайтирувчи даво самарадорлиги ва ҳавфсизлиги баҳоланиб, мақсадли гликемик кўрсаткичларга эришишда дипептидилпептидаза-4 ингибиторларини қўллаш самарадор эканлиги асосланган.
IV. Тадқиқот натижаларининг жорий қилиниши.
Қандли диабет 2-турининг манифестацияси ва кечишига сурункали вирусли гепатит С нинг таъсири бўйича олинган илмий натижалар асосида ишлаб чиқилган: 
сурункали вирусли гепатит С касаллиги кузатилган беморларда қандли диабетнинг 2-турини даволаш самарадорлигини баҳолаш асосида ишлаб чиқилган «Сурункали вирусли гепатит С билан касалланган беморларда қандли диабетнинг 2-турини даволаш самарадорлигини ўрганиш» мавзусидаги услубий тавсияномаси тасдиқланган (Соғлиқни сақлаш вазирлигининг 2022 йил 19 январдаги 8н/з-14-сон маълумотномаси). Мазкур услубий тавсиянома сурункали вирусли гепатит С мавжуд беморларда қандли диабетнинг 2-турини даволаш усулларини ҳавфсиз ва самарадорлигига кўра баҳолаш, дори гуруҳларида асоратлар ривожланишини эрта аниқлаш имконини берган;
қандли диабет 2-турининг манифестацияси ва кечишига сурункали вирусли гепатит С нинг таъсири ва ушбу беморларда қандли диабетнинг 2-турини даволаш самарадорлигини ўрганиш  бўйича олинган илмий натижалар соғлиқни сақлаш амалиётига, жумладан, Ё.Х. Турақулов номидаги РИЭИАТМ Қашқадарё филиали ва Навоий вилояти эндокринология диспансерларининг клиник амалиётига жорий қилинган (Соғлиқни сақлаш вазирлигининг 2022 йил 29 мартдаги 08-03/8536-сон маълумотномаси). Олинган илмий тадқиқот натижалари сурункали вирусли гепатит С беморларида инсулинрезистентлик ва қандли диабет 2-турини эрта аниқлаш, клиник кечиш ҳусусиятларини ўрганиш ҳамда даволашга йўналтирилган.Татбиқ этиш натижалари сурункали вирусли гепатит С ҳамда қандли диабет 2-тури бирга кечишида даволашни такомиллаштириш ва асоратларнинг олдини олиш имконини берган.