Давлатов Шокир Олтибоевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Симметрик t-гиперболик системалар учун чекли элементлар усули турғунлиги», 01.01.03 – Ҳисоблаш математикаси ва дискрет математика (физика-математика фанлари).
Диссертация мавзуси рўйхатга олинган рақам: В2021.1.PhD/FM563.
Илмий раҳбар: Алоев Рахматилло Джураевич, физика-математика фанлари доктори, профессор.
Диссертация бажарилган муассаса номи: Қарши мухандислик-иқтисодиёт институти.
ИК фаолият кўрсатаётган муассаса номи, ИК рақами: Ўзбекистон Миллий университети ҳузуридаги DSc.03/30.12.2019.FM.01.02 рақамли илмий кенгаш.
Расмий оппонентлар: Нормуродов Чори Бегалиевич, физика-математика фанлари доктори, профессор; Худойберганов Мирзоали Ўразалиевич, физика-математика фанлари доктори, доцент.
Етакчи ташкилот: Жаҳон иқтисодиёти ва дипломатия университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади симметрик t-гиперболик системага қўйилган аралаш масалани сонли ечиш учун чекли элементлар усули ёрдамида ошкормас айирмали схемани қуриш ва унинг турғунлигини исботлашдан иборат.
III. Тадқиқотнинг илмий янгилиги қуйидагилардан иборат:
бир ўлчовли симметрик t-гиперболик системага қўйилган аралаш масалани сонли ечиш учун чекли элементлар усули ёрдамида ошкормас айирмали схема қурилган;  
бир ўлчовли симметрик t-гиперболик системага қўйилган аралаш масалани сонли ечиш учун чекли элементлар усули ёрдамида қурилган ошкормас айирмали схеманинг турғунлик шартлари топилган; 
икки ўлчовли симметрик t-гиперболик системага қўйилган аралаш масалани сонли ечиш учун чекли элементлар усули ёрдамида ошкормас айирмали схема қурилган;
икки ўлчовли симметрик t-гиперболик системага қўйилган аралаш масалани сонли ечиш учун чекли элементлар усули ёрдамида қурилган ошкормас айирмали схеманинг турғунлик шартлари топилган;
модел масаланинг ошкормас айирмали схемалар ёрдамида топилган сонли ечимини аниқ ечимга яқинлашиши асосланган.
IV. Тадқиқот натижаларининг жорий қилиниши.
қурилган чекли айирмали схемалар, алгоритмлар ва яратилган дастурлардан А-13-38 рақамли “Икки фазали муҳит тўлқин динамикаси учун тўғри ва тескари масалаларни назарий ва сонли тадқиқ қилиш” мавзусидаги грант лойиҳасида ғовак-эластик муҳитда бир ўлчамли тўғри динамик масалаларни сонли ечишда фойдаланилган (Қарши давлат университетининг 2021 йил 17 сентябрдаги 03/3834-сонли маълумотномаси). Илмий натижаларнинг қўлланилиши ғовак-эластик муҳитда бир ўлчамли тўғри динамик масалаларнинг сонли ечимини топиш имконини берган.
қурилган айирмали схемалар ва алгоритмлардан ОТ-Ф4-02 рақамли “Математик физиканинг ҳолатлар тўплами чексиз бўлган моделлари термодинамикаси” грант лойиҳасида бир ўлчамли тўғри динамик масалаларни сонли-аналитик ечишда фойдаланилган (Бухоро давлат университетининг 2021 йил 21 сентябрдаги 01/2429-сонли маълумотномаси). Илмий натижаларни қўллаш қовушқоқ-эластик муҳитларда тўлқин тарқалиш тенгламалар системаси учун бир ўлчамли тўғри динамик масалаларни сонли ечиш имконини берган