Ортиқов Нозимжон Боқижон ўғлининг
фалсафа доктори (РhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Анор тупларини тўлиқ очадиган машина дискли иш органи ва текислагичининг параметрларини асослаш», 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари). 
Диссертация мавзуси рўйхатга олинган рақам: В2021.4.PhD/ Т2129.
Илмий раҳбар: Имомқулов Қутбиддин Боқижонович, техника фанлари доктори, профессор.
Диссертация бажарилган муассаса (муассасалар) номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, DSc.05/13.05.2020.T.112.01.
Расмий оппонентлар: Ауезов Онгарбай Пирлешович, техника фанлари доктори, профессор; Худаяров Бердирасул Мирзаевич, техника фанлари доктори, профессор.
Етакчи ташкилот: Қишлоқ хўжалиги техникаси ва технологияларини сертификатлаш ва синаш маркази.
Диссертация йўналиши: назарий ва амалий аҳамиятга молик.
II. Тадқиқотнинг мақсади анор тупларини кам шикастлаган ҳолда тўлиқ очадиган машинани ишлаб чиқиш ва унинг иш органлари параметрларини асослашдан иборат.
III. Тадқиқотнинг илмий янгилиги:
анор тупларини тўлиқ очадиган машинанинг конструктив схемаси ва технологик иш жараёни ярим очилган анор тупларида қолган тупроқ уюмининг ўлчамлари ва шакли ҳисобга олиниб ишлаб чиқилган;
анор тупларини тўлиқ очадиган машина дискли иш органининг параметрлари тупроқнинг физик-механик хоссалари ҳамда агрегат ҳаракат тезлигини ҳисобга олган ҳолда асосланган;
анор тупларини тўлиқ очадиган машина текислагичининг параметрлари  тупроқ унинг ишчи сиртига ёпишиб қолмаслиги ва олдига уюлмаслиги ҳамда агрегат ҳаракат тезлигини ҳисобга олган ҳолда асосланган;
анор тупларини тўлиқ очадиган машинанинг талаблар даражасидаги иш сифатини кам энергия сарфлаган ҳолда таъминлайдиган мақбул қийматлари унинг агротехник ва энергетик иш кўрсаткичларини баҳоловчи регрессия тенгламаларини биргаликда ечиш орқали аниқланган.
IV. Тадқиқот натижаларининг жорий қилиниши. Анор тупларини тўлиқ очадиган машина дискли иш органи ва текислагичининг параметрларини асослаш бўйича олинган натижалар негизида:
кузда кўмилган ва баҳорда ярим очилган анор тупларини кам шикастлаган ҳолда тўлиқ очадиган машинага Интелектуал мулк агентлигининг фойдали моделга патенти олинган (“Анор тупларини очадиган машина”, FAP 01645 - 2020 й.) (Қишлоқ хўжалиги вазирлигининг 2021 йил 29 майдаги 02/023-2298-сон маълумотномаси). Натижада анор тупларини тўлиқ очадиган машина конструкциясини ишлаб чиқиш имкони яратилган;
анор тупларини тўлиқ очадиган машинанинг тажриба нусхаси Қишлоқ хўжалигини механизациялаш илмий-тадқиқот институти ҳамда Сирдарё вилояти Гулистон ва Мирзаобод туманлари фермер хўжаликларида жорий этилган (Қишлоқ хўжалиги вазирлигининг 2021 йил 29 майдаги 02/023-2298-сон маълумотномаси). Натижада анор тупларини тўлиқ очишда меҳнат сарфи 1,4 мартага, эксплуатацион харажатлар 1,3 мартага камайган;
машинани ишлаб чиқаришни ўзлаштириш учун унинг лойиҳа-конструкторлик ҳужжатлари (дастлабки талаблар ва техник топшириқлар) «BMKB-Agromash» АЖ да лойиҳалаш жараёнига жорий этилган (Қишлоқ хўжалиги вазирлигининг 2021 йил 29 майдаги 02/023-2298-сон маълумотномаси). Натижада анор тупларини тўлиқ очадиган машинанинг саноат нусхаларини ишлаб чиқариш имконияти яратилган.