Каримов Музаффар Шавкатовичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Ёнғин ўчириш тур ва воситаларини такомиллаштириш” 05.10.02 –Фавқулодда ҳолатларда хавфсизлик. Ёнғин, саноат, ядро ва радиация хавфсизлиги 
диссертация мавзуси рўйхатга олинган рақам: В 2020.4 PhD/Т2021В.
илмий раҳбар: Ибрагимов Бахром Тошмуратович, техника фанлари доктори, профессор.
Диссертация бажарилган муассаса номи: Ўзбекистон Республикаси ФВВ Академияси.
ИК фаолият кўрсатаётган муассаса номи, ИК рақами: Ўзбекистон Республикаси ФВВ Академияси PhD 40/30.12.2020.Т.129.01.
Расмий оппоненетлар: Хотамов Асадулла Тоштемирович – техника фанлари доктори, доцент, Тошкент архитектура қурилиш институти кафедра мудири; Кулдашев Икромбек Хамидуллаевич – техника фанлари бўйича фалсафа доктори (PhD), доцент, Ўзбекистон Республикаси жамоат хавфсизлиги университети бўлим бошлиғи. 
Етакчи ташкилот: Ислом Каримов номидаги Тошкент давлат техника университети.
II. Тадқиқотнинг мақсади ёнғин ўчириш техник воситалари ва усулларини такомиллаштириш орқали янги намунадаги ёнғин ўчириш қўл дастакларининг тактик-техник имкониятларини оширишга эришиш ва улардан фойдаланиш усулларини ишлаб чиқишдан иборат.
III. Тадқиқотнинг илмий янгиликлари:
содир бўладиган ёнғинларни ўчиришга мўлжалланган янги намунадаги айлана ва конуссимон шаклдаги ёнғин ўчириш дастакларининг янги турларининг фрагментларини ишлаб чиқишга эришилган;
ўчириш воситалари бўлган сув ёки кўпик моддаларининг битта дастак орқали мужассамлашган равишда узатиш орқали ёнғинларни тезкорлик билан ўчириш имконияти оширилган;
янги намунадаги дастакларнинг ёнғин ўчоғига кўпикнинг сифатли жадаллилиги ва карралилигини таъминлаган ҳолда етарли масофага (27 метрга) узатилиши эвазига, ёнғин–қутқарув бўлинмаларининг тезкорлиги ва тактик–техник кўрсаткичларининг самарадорлигини оширишга эришилган;
ёнғин–қутқарув гарнизонларининг имкониятларини батафсил ўрганиш, ёнғин ўчирувчиларнинг касбий ва руҳий тайёргарлиги оширишда ўқитишни ташкил этиш йўналишларини аниқлаш имкониятини берувчи ташкилий бошқарув моделларини яратилишига эришилган.
IV. Тадқиқот натижаларининг жорий қилиниши.
Ёнғин ўчириш тур ва воситаларини такомиллаштириш орқали ёнғинларни ўчириш самарадорлигини ошириш борасида олинган илмий натижалар асосида:
Янги намунадаги айлана ва конуссимон шаклдаги ёнғин ўчириш дастаклар намуналарининг амалиётга жорий этилганлиги тўғрисида Ўзбекистон Республикаси Фавқулодда вазятлар вазирлигининг 2021 йил 30 октябрдаги 8/4/36–3032–сонли, Навоий вилояти Фавқулодда вазиятлар бошқармаси 2021 йил 6 сентябрь 37/2–1195–сонли ва Бухоро вилояти Фавқулодда вазиятлар бошқармаларида 2021 йилнинг 6 сентябрь кунидаги 2075 сонли синовдан ўтказилганлиги ҳамда амалиётга жорий этиш тўғрисидаги маълумотномалар олинган. Натижада ўчириш воситалари бўлган сув ёки кўпик моддаларининг битта дастак орқали узатиш имконияти яратилган, янги намунадаги қўл дастаги ёрдамида узатиладиган кўпикли аралашманинг сарфи, кўпикнинг жадаллилиги ва карраликларининг хусусиятлари яхшиланган. Таклиф этилаётган янги намунадаги ёнғин ўчириш қўл дастакларининг иқтисодий самарадорлигини баҳолаш усулларини ишлаб чиқарилишини таъминлаган ҳолда битта дастакнинг ишлаб чиқарилишига сарфланган ҳаражатларни аниқлаган ҳолда йиллик сарф ҳаражатларнинг миқдорини аниқланишига эришилган.