Жўраев Нодирбек Нормурадовичнинг
фалсафа доктори (PhD) диссертацияси ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Тўкилувчан материаллар учун икки киримли ва тўлқинсимон юзали ресурстежамкор винтли конвейер конструкциясини ишлаб чиқиш ва параметрларини асослаш», 05.02.02 – «Механизмлар ва машиналар назарияси. Машинашунослик ва машина деталлари» (техника фанлари).
Диссертация мавзуси рўйхатга олинган рақам: В2021.1.PhD/Т2095.
Илмий раҳбар: Джураев Анвар Джураевич, техника фанлари доктори, профессор.
Диссертация бажарилган муассаса номи: Ўзбекистон Республикаси Фанлар академияси Навоий бўлими.
ИК фаолият кўрсатаётган муассаса номи, ИК рақами: Наманган муҳандислик-қурилиш институти, PhD.03/30.12.2019.Т.90.01.
Расмий оппонентлар: Кенжабоев Шукуржон Шарипович, техника фанлари доктори, доцент; Давидбоев Бахтиёр Низомиддинович, техника фанлари номзоди, профессор.
Етакчи ташкилот: Андижон машинасозлик институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади қайишқоқ элементли подшипник таянчи бўлган икки киримли ва тўлқинсимон юзали ресурстежамкор, винтли конвейернинг янги конструкциясини ишлаб чиқиш, комплекс назарий ва тажрибавий тадқиқотлар натижасида параметрларини асослашдан иборат. 
III. Тадқиқотнинг илмий янгилиги:
таянчлари қайишқоқ бўлган икки киримли тўлқинсимон сиртли винтли конвейер винтининг вертикал ва оғма йўналишдаги тебраниш қонуниятлари конвейернинг оғиш бурчаги ва вертикал йўналишдаги силжишларини инобатга олган ҳолда аниқланган;
икки киримли, қайишқоқ таянчли винти бўлган конвейернинг электр юритгич механик характеристикасини, ЎУН ли тасмали узатмасини инерцион, бикирлик-диссипатив хусусиятлари ҳамда технологик қаршилик, ишқаланиш кучлари моментини инобатга олиб, тўрт массали машина агрегати динамика масаласи ечилган, массаларнинг ҳаракат қонунлари аниқланган;
қаршилик моментлари тўғридан-тўғри винтга таъсир қилгани учун унинг бурчак тезлиги қийматлари мос равишда шкивнинг бурчак тезлигига нисбатан камайса, шкивнинг бурчак тезлигига нисбатан винтнинг бурчак тезлиги қийматлари каттароқ бўлганида винтни ташилаётган маҳсулотга таъсири самарали бўлиши аниқланган;
комплекс тажрибалар асосида винт ва етакланувчи шкив валларидаги юкланиш ва бурчак тезликларини ўзгариш қонуниятлари таянчлар ва тасмали узатма айланма бикирлик коэффициентлари, инерция моментлари ва технологик юкланишлар боғлиқ равишда аниқланган.
IV. Тадқиқот натижаларининг жорий қилиниши.Тўкилувчан материаллар учун икки киримли ва тўлқинсимон юзали ресурстежамкор винтли конвейер конструкциясини ишлаб чиқиш ва параметрларини асослаш мавзуси бўйича олинган илмий натижалар асосида:
қайишқоқ элементли подшипник таянчи бўлган икки киримли ва тўлқинсимон юзали винтли конвейернинг тажриба нусхаси «Навоий кўприклардан фойдаланиш унитар корхонаси» да жорий этилган (Автомобиль йўллари қўмитасининг 2021 йил 23 июлдаги 02/2993-3979-сон маълумотномаси). Натижада тавсия этилган винтли конвейер иш унуми ўртача 12-15 % га, ишлаш даврийлиги 1,2-1,5 мартага ошириш имконияти яратилган;
икки киримли ва тўлқинсимон юзали ресурстежамкор винтли конвейер конструкцияси «Навоий кўприклардан фойдаланиш унитар корхонаси» да жорий этилган (Автомобиль йўллари қўмитасининг 2021 йил 23 июлдаги 02/2993-3979-сон маълумотномаси). Натижада, маҳсулотни транспортировка қилишда икки киримли винтда узунлиги бўйича юкланишни тақсимланиши текислашиши ҳисобига ҳамда подшипникларни қайишқоқ элементлар орқали ўрнатилгани шовқин деярли 1,4-1,6 мартага ва энергия сарфини 10-15 % га камайишига эришилган.