Абдурасулов Арслон Тўйчиевичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Мис иони асосида Bombyx mori хитозанининг полимерметаллокомплексларини ишлаб чиқариш технологияси», 02.00.06 – Юқори молекуляр бирикмалар (техника фанлари).
Диссертация мавзуси рўйхатга олинган рақам В2019.2.PhD /Т1050.
Илмий раҳбар: Рашидова Сайёра Шарафовна, кимё фанлари доктори, профессор, академик.
Диссертация бажарилган муассаса номи: Полимерлар кимёси ва физикаси институти.
ИК фаолият кўрсатаётган муассаса (муассасалар) номи, ИК рақами: Полимерлар кимёси ва физикаси институти ҳузуридаги DSc.02/30.12.2019.K/FM/T.36.01 рақамли илмий кенгаш асосидаги бир марталик илмий кенгаш.
Расмий оппонентлар: Рафиков Адхам Салимович, кимё фанлари доктори, профессор. Юнусов Хайдар Эргашевич, техника фанлари доктори.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Bombyx mori хитозани ва мис (II) ионларидан полимерметаллокомплекси ва у асосида “Купрумхит” полимер препаратив шаклини олиш ва ишлаб чиқариш технологиясини яратиш ҳамда уларнинг физик-кимёвий хоссаларини ва биологик фаоллигини тадқиқ қилишдан иборат. 
III. Тадқиқотнинг илмий янгилиги:
илк бор ипак саноати чиқиндисидан олинган Bombyx mori хитозани ва мис ионлари асосида дастлабки компонентлар нисбатлари ва эритма рН муҳити кўрсатгичини бошқариш орқали полимерметаллокомплекслар олиш технологиясининг мақбул шароитлари аниқланди; 
илк бор ишлаб чиқилган полимерметаллокомплекс олиш технологияси асосида қишлоқ хўжалигида қўлланувчи препарат сифатида Bombyx mori хитозани ва мис (Сu2+) ионлари асосида олинган полимерметаллокомплекс намуналарининг физик-кимёвий ва биологик фаоллик хоссалари аниқланди, жараённинг техник ва иқтисодий самарадорлиги ҳисобланди; 
илк бор Bombyx mori хитозани ва мис ионларидан олинган полимерметаллокомплекс асосида “Купрумхит” полимер препаратив шаклини ишлаб чиқариш технологияси яратилди ва технологик жараённинг мақбул шароити топилди;
илк бор “Купрумхит” полимер препаратив шакли қишлоқ хўжалигида буғдой, ғўза уруғларини капсулалашда қўллаш имкониятлари ва самарадорлиги аниқланди. 
IV. Тадқиқот натижаларининг жорий қилиниши: 
Мис иони асосида Bombyx mori хитозанининг полимерметаллокомплексларини ишлаб чиқариш технологияси бўйича олинган илмий натижалар асосида:
“Купрумхит” полимер препаратив шакли учун техник шартлар ишлаб чиқилган (“Ўзстандарт” агентлиги стандартлаштириш сертификатлаштириш ва техник жиҳатдан тартибга солиш илмий-тадқиқот институти томонидан 112/0011400 сон билан 2021 йил 17 май санасида Давлат рўйхатига олинган). Натижада, қишлоқ хўжалигида қўлланилувчи, маҳаллий экологик хавфсиз, биологик фаол препарат олиш имконини берган;
“Купрумхит” полимер препаратив шаклини “Ўзбекистон-5” ва “Ўзбекистон-6” навли ипак қуртларига ҳамда унинг озуқасига – тут дарахти баргларига  ишлов беришда фойдаланилган (Ўзбекистон Республикаси Ипакчилик уюшмасининг 2020 йил 30 июлдаги 4-2/1500-сон маълумотномаси). Натижада, ипак қуртининг яшовчанлиги ва ҳосилдорлигини ошириш имконини берган.