Усманкулов Орифжон Назиралиевичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Чиқинди эритмаларидан платина металини соф холда ажратиб олиш технологиясини яратиш», 05.02.01 – Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Диссертация мавзуси рўйхатга олинган рақам: B2021.4.PhD/T2492.
Илмий раҳбар: Хасанов Абдурашид Солиевич,  техника фанлари доктори, профессор.
Диссертация бажарилган муассасалар номи: «Олмалиқ кон-металлургия комбинати» АЖ, Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Шарипов Хасан Турабович, кимё фанлари доктори, профессор; Пирматов Эшмурат Азимович, техника фанлари доктори. 
Етакчи ташкилот: Миллий технологик тадқиқотлар университети «МИСиС»нинг Олмалиқ шаҳридаги филиали.
Диссертация йўналиши: назарий  ва амалий аҳамиятга молик.
II. Тадқиқотнинг мақсади: чиқинди эритмаларидан платина металини соф холда ажратиб олиш технологиясини яратишдан иборат. 
III. Тадқиқотнинг илмий янгилиги:
эритмадаги платина хлоридининг тиомочевина эритмаси билан эрувчан комплекс бирикмасини хосил қилиш кимёвий омилларга боғлиқлиги илмий асосланган;
эритма таркибидаги паст оксидланиш даражали платина ионларини сульфатли комплекс бирикма холатида селектив чўктириш технологик режими ишлаб чиқилган;
эримайдиган сульфатли комплекс таркибидан платинани кукун холигача пирометаллургик парчалаш йўли билан қайтаришнинг энг мақбул омиллари асосланган;
платина кукунини унинг таркибидаги оз миқдордаги зарарли қўшимчалардан 30% ли нитрат кислотаси эритмаси билан тозалашнинг кимёвий меъёрий омиллари аниқланган;
олтин ишлаб чиқаришдан кейинги кам таркибли (Pt- 100-300 мг/л) эритмалардан платина металлини соф холатда ажратиб олишда жараённинг асосий омилларга асосланган янги технологияси ишлаб чиқилган.
IV. Тадқиқот натижаларининг жорий қилиниши:
Чиқинди эритмаларидан платина металини соф холда ажратиб олиш технологиясини яратиш борасида олиб борилган илмий тадқиқотлар натижалари асосида: 
платина кукунини олишнинг янги технологияси «Олмалиқ кон-металлургия комбинати» АЖда амалиётга жорий этилган («Олмалиқ кон-металлургия комбинати» АЖнинг 2022 йил 14 февралдаги АА-001300-сон маълумотномаси). Натижада, платина таркибли чўкма пирометаллургик қайта ишланиб, таркибида 96,0-97,5% платина мавжуд бўлган кукунни олиш имконини берган;
платина кукунини тозалашнинг гидрометаллургик янги технологияси «Олмалиқ кон-металлургия комбинати» АЖда амалиётга жорий этилган («Олмалиқ кон-металлургия комбинати» АЖнинг 2022 йил 14 февралдаги АА-001300-сон маълумотномаси). Натижада, соф платинанинг тозалик даражаси 99,2% га тенг бўлган платина кукунини 86% унумдорликда ажратиб олиш имконини берган;
платина ажратиб олиш бўйича технологик йўриқнома (ТИ 00193950.44.004-3:2020) «Олмалиқ кон-металлургия комбинати» АЖнинг мис эритиш заводида амалиётга жорий этилган («Олмалиқ кон-металлургия комбинати» АЖнинг 2022 йил 14 февралдаги АА-001300-сон маълумотномаси). Натижада, мис эритиш заводида платинани соф ҳолда ажратиб олиш ва комбинатнинг иқтисодий самарадорлигини ошириш имконини берган.