Арипов Абдухамид Оналбековичнинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри: “Уруғ-тупроқ-ўсимлик» тизимида чўл-озуқабоп экинларини ультрабинафша нур билан таъсир этиш қурилмаси параметрлари ва технологиясини ишлаб чиқиш”, 05.05.07 – “Қишлоқ хўжалигида электр технологиялар ва электр ускуналар” ихтисослиги (техника фанлари бўйича). 
Диссертация мавзуси рўйхатга олинган рақам:  В2021.4.PhD/Т2395
Илмий  раҳбар: Мухаммадиев Ашираф, техника фанлари доктори, профессор.
Диссертация бажарилган муассаса номи: “Тошкент Ирригация Ва Қишлоқ Хўжалигини Механизациялаш Мухандислари Институти” Миллий Тадқиқотлар Университети
ИК фаолият кўрсатаётган муассаса номи, ИК рақами: Тошкент ирригация ва қишлоқ хўжалигини механизациялаш муҳандислари институтути. DSc.03/30.12.2019.Т.10.01
Расмий оппонентлар:  Музафаров Шавкат Мансурович техника фанлари доктори, профессор; Ахмедов Олимжон Турсунбаевич техника фанлари номзоди, доцент 
Етакчи ташкилот: Тошкент Давлат Аграр Университети
Диссертация йўналиши: назарий ва амалий аҳамиятга молик. 
II. Тадқиқотнинг мақсади қоракўл яйлов ва пичанзорларини яхшилаш (ўзлаштириш) ҳамда уруғчилик, хусусан саксовул ва прутняк (изен) етиштирадиган далаларни яратиш учун ярим чўл ва чўл озуқабоп ўсимлик уруғ ва хашаклар хосилдорлигини ультрабинафша нур таъсирида ошириш мақсадида, электр авжлантириш ускунаси турини танлаш ва параметрларини хамда иш режимларини асослашдан иборат.
III. Тадқиқотнинг илмий янгилиги:
чўл шароитида экиладиган тупроққа, саксовул ва изен уруғларига ва уларнинг ўсиб ривожланаётган ўсимликларига ультрабинафша нурлар билан босқичма-босқич таъсир этиб авжлантириш технологияси ишлаб чиқилган; 
чўл ўсимликлари уруғларига ультрабинафша нурлар билан ишлов бериш учун стационар, униб чиққан ниҳоллар ва ўсимликларга вегетация даврида  ишлов бериш учун эса трактор билан агрегатланиб мобил режимга ўтиш имконига эга электравжлантиргич қурилма ишлаб чиқилган;
ультрабинафша нур билан авжлантиришда қувват режими ва уруғларни нурлантириш экспозициясига боғлиқ ҳолда ниҳолларнинг униб чиқиш тўлиқлиги ва ўсимликларнинг чидамлилигининг ошиши асосланган;
ультрабинафша нур билан ишлов беришда нурлантирувчи лампанинг 60 W қувватида уруғларга 10 min давомида ишлов берилганда уруғлардан ниҳолларнинг униб чиқиши ва ўсимликларнинг чидамлилиги (88,57 %) юқори бўлиши аниқланган.
IV. Тадқиқот натижаларининг жорий қилиниши. «Уруғ-тупроқ-ўсимлик» тизимида чўл озуқабоп экинларини ультрабинафша нур билан таъсир этиш қурилмаси параметрлари ва технологиясини ишлаб чиқиш бўйича олинган натижалар асосида:
чўл яйловлари тупроғи, ўсимликлар уруғи ва униб чиққан ниҳолларига ультрабинафша нур билан ишлов берадиган қурилмага Интеллектуал мулк агентлигининг ихтирога патенти олинган («Тупроққа ишлов берувчи экиш агрегати», № IAP 04572-2009 й.). Натижада чўл яйловларини яхшилаш учун тупроққа ишлов бериш ва экиш билан бирга уларга ультрабинафша нур билан ишлов бериб кетадиган қурилмани ишлаб чиқиш имкони яратилган;
ультрабинафша нур билан ишлов бериш электротехнологияси ва уни амалга оширадиган қурилма Қорақалпоғистон Республикаси, Жиззах ва Бухоро вилоятларининг ўрмончилик ва қоракўлчилик хўжаликларида жорий этилган (Қишлоқ хўжалик вазирлигининг 2021 йил 25 ноябрдаги 02/023-4808-маълумотномаси). Натижада саксовул ва изен уруғларининг ҳосилдорлигини мос равишда 5 ва 8 мартага оширишга эришилган;
ультрабинафша нур билан нурлантиргич қурилмани ишлаб чиқаришни ўзлаштириш учун лойиҳа-конструкторлик хужжатлари (дастлабки талаблар, техник топшириқлар, техник шартлар ва чизмалари) «BMKB-Agromash» АЖда ишлаб чиқариш жараёнига жорий қилинган (Қишлоқ хўжалик вазирлигининг 2021 йил 25 ноябрдаги 02/023-4808-маълумотномаси). Натижада чўл яйловларида ўсимликларнинг ўсиб ривожланиши ва ўсимликлардан сифатли уруғ олиш учун уларга ультрабинафша нур билан ишлов берадиган энергия-ресурстежамкор ва экологик зарарсиз қурилмани ишлаб чиқариш имконияти яратилган.