Исмаилова Жадида Ахмеджановнанинг 
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Хеликобактер ассоциялашган меъда касалликларининг эрадикация терапиясини вирулент генетик омилларига асосланган оптимизацияси», 14.00.05 – Ички касалликлар (тиббиёт фанлари).
Диссертация мавзуси рўйхатга олинган рақам: В2018.1.DSc/Tib291.
Илмий раҳбар: Каримов Мирвосит Мирвасикович, тиббиёт фанлари доктори, профессор.
Диссертация бажарилган муассаса номи: Республика ихтисослаштирилган терапия ва тиббий реабилитация илмий-амалий тиббиёт маркази.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc 04/30.12.2019.Тиб 30.02.
Расмий оппонентлар: Хамраев Аброр Асрорович, тиббиёт фанлари доктори, профессор; Бобоев Қодиржон Тўхтабоевич, биология фанлари доктори, профессор; Захидова Машкура Зияматовна, тиббиёт фанлари доктори, профессор.
Етакчи ташкилот: Самарқанд давлат тиббиёт институти
Диссертация йўналиши: амалий аҳамиятга молик.
II. Тадқиқотнинг мақсади: H. рylori-ассоциациялашган меъда касалликларининг клиник, морфологик ва генетик  хусусиятларини ҳисобга олган ҳолда, ташхислаш ва даволаш натижаларини такомиллаштиришдан иборат. 
III. Тадқиқотнинг илмий янгилиги:
Ўзбекистон ҳудудида H. pylori-ассоциациялашган меъда хасталикларининг касалланиш даражаси, клиник кўринишлари ва морфологик ўзгаришларининг хусусиятлари аниқланган. 
H. pylori-ассоциациялашган меъда касалликларида клиник, эндоскопик ва морфологик текшириш кўрсаткичларининг ureC ва Сag А генлари билан узвий боғлиқлиги аниқланган;
H. pylori Сag А гени барча меъда касалликлари билан ассоциацияда эканлиги аниқланган;
H. pylori бактериясининг тажовузкор ва тажовузкор бўлмаган штаммларини ташхислашда Сag А гени ташхисий белгиси (маркер) эканлиги асосланган;
H. pylori меъда касалликларининг ривожлантирувчи хавф омили эканлиги, хамда ривожланиш хавфини 2,2-3,6 мартагача ошириши исботланган;
H. pylori бактериясини антибиотикка чидамлилигини таъминловчи 23S рРНК генининг А2142G/С ва 2143G мутацияларини даво самарадорлигини ошириши исботланган;
илк марта H. pylori-ассоциациялашган барча меъда касалликларида клиник, эндоскопик ва морфологик ҳамда вирулент генетик омилларини хисобга олган холда даволаш муқобил усул эканлиги асосланган.
IV. Тадқиқот натижаларининг жорий қилиниши.
Хеликобактер ассоциялашган меъда касалликларининг эрадикация терапиясини вирулент генетик омилларига асосланган оптимизацияси бўйича тадқиқотнин илмий натижалари асосида:
H. pylori-ассоциациялашган меъда касалликларини ўрганиш бўйича олиб борилган тадқиқотнинг илмий натижалари асосида ишлаб чиқилган "Киото протоколлари асосида сурункали гастрит диагностикаси ва даволаш тамойилларини такомиллаштириш" номли услубий тавсиянома тасдиқланган (Соғлиқни сақлаш вазирлигининг 2019 йил 2 февралдаги 8н-р/62-сон маълумотномаси). Морфологик ва молекуляр-генетик усулларга асосланган ушбу тавсиянома Ўзбекистонда патоген H. pylori штаммларининг тарқалишини аниқлаш имконини берган.
морфологик ва молекуляр-генетик хусусиятларни аниқлаш ҳамда эрадикация терапияси бўйича олиб борилган тадқиқотнинг илмий натижалари Соғлиқни сақлаш амалиётига, жумладан, Республика ихтисослаштирилган онкология ва радиология илмий–амалий тиббиёт маркази, Фарғона кўп тармоқли тиббиёт бирлашмаси амалиётига татбиқ этилган (Соғлиқни сақлаш вазирлигининг 2021 йил 28 декабрдаги 08-09/21483 - сон маълумотномаси). Олинган натижаларни амалиётга татбиқ этилиши ташхислаш сифатини яхшилаш, касаллик ривожланиш хавфини башорат қилиш, кларитромицинга чидамлиликни камайтириш ва шу билан ушбу касалликларга чалинган беморларнинг ҳаёт сифатини яхшилаш имконини берган.