Набиев Айдер Мустафаевичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Тери хом ашёсига механик ишлов бериш учун валикли машинани такомиллаштириш”, 05.02.03 – «Технологик машиналар. Роботлар, мехатроника ва робототехника тизимлари» (техника фанлари).
Диссертация мавзуси рўйхатга олинган рақам (B2018.2.PhD/T.738).
Илмий раҳбар: Бахадиров Гайрат Атаханович, техника фанлари доктори, профессор.
Диссертация бажарилган муассаса номи: Ўзбекистон Республикаси Фанлар академияси Механика ва иншоотлар сейсмик мустаҳкамлиги институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.T.08.01.
Расмий оппонентлар: Шин Илларион Георгиевич, техника фанлари доктори, профессор; Ибрагимов Фарход Хайруллоевич, техника фанлари бўйича фалсафа доктори, (PhD).
Етакчи ташкилот: Наманган муҳандислик-технология институти.
Диссертация йўналиши: амалий аҳамиятга молик.
II. Тадқиқотнинг мақсади: тери хом ашёсига механик ишлов бериш учун валикли сиқувчи машина конструкциясини такомиллаштириш ва уни самарадорлигини асослашдан иборат.
III. Тадқиқотнинг илмий янгилиги қуйидагилардан иборат:
ҳўл тери хом ашёсини валлар орасидан вертикал узатишда ундаги ортиқча суюқлигини самарали сиқиб чиқаришни таъминлайдиган янги усул ҳамда уни амалга оширувчи валикли машина ва унинг механизмлари конструкциялари ишлаб чиқилган;
сиқувчи валларнинг босими, узатиш тезлиги ва сиқиш такрорийлигига ҳамда тери хом ашёси қалинлигига боғлиқ ҳолда ҳўл тери хом ашёсини вертикал узатишда ундан сиқиб чиқарилган ортиқча суюқлик миқдорини аниқлашнинг математик моделлари ишлаб чиқилган;
икки қават ҳўл тери хом ашёлари сиқувчи валлар орасидан бир вақтда ўтказилганда сиқувчи валларнинг босими, узатиш тезлигига боғлиқ ҳолда улардан сиқиб чиқарилган ортиқча суюқлик миқдорини ҳисоблаш формулалари келтириб чиқарилган;
таянч плитада вертикал узатилаётган тери хом ашёсининг вал жуфтлиги орасидан узатилишининг ҳаракат тенгламалари келтириб чиқарилган ва ишчи валлар радиусининг ўзгариши ишлов берилаётган тери маҳсулотини қамров бурчагига боғлиқлик муносабатлари ишлаб чиқилган;
валикли машинанинг айланувчи сиқувчи валлари орасидан таянч плитага букланган ҳолда жойлаштирилган тери хом ашёсини тортиб олиш шартлари аниқланган ва параметрлари асосланган.
IV. Тадқиқот натижаларининг жорий қилиниши: Тери хом ашёсига механик ишлов бериш учун валикли тажриба машинасининг параметрлари ва иш режимларини асослаш бўйича олинган натижалар асосида:
ҳўл тери хом ашёларидан намликни сиқиб чиқарувчи валикли машинанинг такомиллаштирилган конструкциялари ва усулига Ўзбекистон Республикаси Адлия вазирлиги ҳузуридаги Интеллектуал мулк агентлигининг ихтиро ва фойдали моделларига (№IAP 04451, 2011 й., №FAP 01417, 2019 й., №FAP 00685, 2012 й., №FAP 00686, 2012 й.) патентлари олинган. Натижада тери хом ашёсига механик ишлов берувчи валикли машина конструкцияси такомиллаштирилиб, технологик жараённинг самарадорлигини ва ишлов бериладиган маҳсулот сифатини ошириш имконияти яратилган;
тери хом ашёсига механик ишлов бериш учун валикли тажриба машинасига дастлабки талаблар тасдиқланган (Ўзчармсаноат уюшмасининг 2021 йил 21 сентябрдаги ФБ-7/2481-сон маълумотномаси). Натижада, икки қатламли тери хом ашёларга механик ишлов бериш учун технологик жараённинг самарадорлиги 2 марта юқори валикли тажриба машинасини ишлаб чиқиш имконияти яратилган;
бир неча қатламли тери хом ашёларга механик ишлов бериш учун такомиллашган технологик жараёнининг натижалари ва валикли машинани ҳисоблаш усули «Premium Leather» МЧЖда жорий этилган (Ўзчармсаноат уюшмасининг 2021 йил 21 сентябрдаги ФБ-7/2481-сон маълумотномаси). Натижада, тери хом ашёларга механик ишлов бериш учун технологик жараённинг самарадорлигини 2 марта оширишга эришилган;
вертикал узатишда тери хом ашёсини валлар орасига қамраб олинишини ва валикли машина ишчи органларининг босимини ҳисоблаш учун дастурий маҳсулотлар «Nigora Dadido» МЧЖда лойиҳалаш жараёнида қўллаш учун топширилган (Ўзчармсаноат уюшмасининг 2021 йил 21 сентябрдаги ФБ-7/2481-сон маълумотномаси). Натижада, тери хом ашёларга механик ишлов бериш учун такомиллаштирилган валикли машинанинг саноат шароитида эгаллайдиган ишчи майдони 1,5 мартага қисқартириш имконияти яратилган.