Ҳасанов Улуғ Иброҳимовичнинг 
фалсафа доктори (PhD) диссертацияси ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Тупроқчуқурлаткичли плугнинг иш жараёнини такомиллаштириш ва параметрларини асослаш“, 05.07.01 – «Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш» (техника фанлари).
Диссертация мавзуси рўйхатга олинган рақам: В2021.1.PhD/Т2206.
Илмий раҳбар: Тўхтақўзиев Абдусалим, техника фанлари доктори, профессор.
Диссертация бажарилган муассаса номи: “Тошкент ирригация ва қишлоқ хўжалигини механизациялаш муҳандислари институти” миллий тадқиқот университети Бухоро табиий ресурсларни бошқариш институти.
ИК фаолият кўрсатаётган муассаса номи, ИК рақами: Қарши муҳандислик–иқтисодиёт институти, PhD.03/30.06.2020.Т.111.02.
Расмий оппонентлар: Равшанов Ҳамроқул Амирқулович, техника фанлари доктори, доцент; Ғайбуллаев Бурхонжон Шерматжонович, техника фанлари бўйича фалсафа доктори (PhD), катта илмий ходим.
Етакчи ташкилот: “BMKB-Agromash” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади технологик жараёни такомиллаштирилган тупроқчуқурлаткичли плуг конструкциясини ишлаб чиқиш ва унинг кам энергия сарфлаб талаб даражасидаги иш сифатини таъминлайдиган параметрларини асослашдан иборат.
III. Тадқиқотнинг илмий янгилиги:
ғилдирак изи ва плуг товонини юмшатувчи исканасимон тупроқчуқурлаткичлар билан жиҳозланган плугнинг конструктив схемаси талаб даражасидаги иш сифати кам энергия сарфланган ҳолда таъминланиши ҳисобга олиниб ишлаб чиқилган ва технологик иш жараёни асосланган;
такомиллаштирилган тупроқчуқурлаткичли плугнинг параметрлари тупроқ хоссалари, унинг уваланиш даражаси белгиланган меъёрдан кам бўлмаслиги ҳамда плуг ва иш органларининг тортишга қаршилиги минимал бўлишини ҳисобга олган ҳолда аниқланган;
исканасимон тупроқчуқурлаткичнинг тиғидан осиш қурилмасининг пастки тақиш нуқталаригача бўлган тик масофа унинг ишлов бериш чуқурлиги бўйича барқарор ҳаракатланиши таъминланиши ҳисобга олинган ҳолда асосланган;
такомиллаштирилган тупроқчуқурлаткичли плугнинг мақбул параметрлари унинг агротехник ва энергетик иш кўрсаткичларига уларнинг таъсирини баҳоловчи регрессия тенгламаларини биргаликда ечиш орқали аниқланган.
IV. Тадқиқот натижаларининг жорий қилиниши. Такомиллаштирилган тупроқчуқурлаткичли плуг параметрларини асослаш бўйича олинган натижалар асосида:
такомиллаштирилган тупроқчуқурлаткичли плугнинг техник ечимига Ўзбекистон Республикаси Интеллектуал мулк агентлигининг фойдали моделга патенти олинган (“Чуқурлатгичи такомиллаштирилган икки ярусли плуг”, FAP 01595 - 2021 й). Натижада, шудгорлаш билан бирга ҳайдов ости қатламининг юмшатишда иш сифати ва унумини ошириш ҳамда энергия-материалҳажмдорликни камайтириш имкониятига эга бўлган такомиллаштирилган тупроқчуқурлаткичли плугнинг конструкциясини ишлаб чиқиш имкони яратилган;
ишлаб чиқилган такомиллаштирилган тупроқчуқурлаткичли плугнинг тажриба нусхаси Қишлоқ хўжалигини механизациялаш илмий-тадқиқот институтининг тажриба участкасида ҳамда Бухоро вилоятининг Вобкент, Жондор, Когон туманларидаги фермер хўжаликларида жорий этилган (Ўзбекистон Республикаси Қишлоқ хўжалиги вазирлигининг 2021 йил 1 декабрдаги №02/023-4904-сонли маълумотномаси). Натижада меҳнат сарфи 7,69 фоизга, эксплуатацион харажатлар11,81 фоизга ҳамда ҳар бир гектар ер ҳисобига 14,3% ёнилғи тежалган; 
Такомиллаштирилган тупроқчуқурлаткичли плугни ишлаб чиқаришни ўзлаштириш учун лойиҳа-конструкторлик ҳужжатлари ва ҳисоблаш усуллари “ВМКВ-Agromash” АЖ да лойиҳалаш жараёнига жорий этилган (Ўзбекистон Республикаси Қишлоқ хўжалиги вазирлигининг 2021 йил 1 декабрдаги №02/023-4904-сонли маълумотномаси). Натижада такомиллаштирилган тупроқчуқурлаткичли плугни ишлаб чиқариш имкони яратилган.