Мўйдинов Азизбек Шухратовичнинг
фалсафа доктори (РhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Қишлоқ хўжалик техникаларининг валсимон деталларини қайта тиклаш технологиясини такомиллаштириш», 05.07.02 – «Қишлоқ хўжалиги ва мелиорация техникаларини ишлатиш, тиклаш ва таъмирлаш» (техника фанлари). 
Диссертация мавзуси рўйхатга олинган рақам: В2021.4.PhD/Т613
Илмий раҳбар: Қосимов Каримжон, техника фанлари доктори, доцент.
Диссертация бажарилган муассаса (муассасалар) номи:  Андижон қишлоқ хўжалиги ва агротехнологиялар институти ва Андижон машинасозлик институти.
ИК фаолият кўрсатаётган муассаса номи, ИК рақами: Андижон қишлоқ хўжалиги ва агротехнологиялар институти, PhD.05/30.06.2021.T.126.02
Расмий оппонентлар: Рустамов Рахматали Муродович, техника фанлари доктори,  доцент; Мирзаев Илхомжон Ғофурович, техника фанлари номзоди, доцент.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади қишлоқ хўжалик техникаларининг валсимон деталларини қайта тиклаш технологиясини такомиллаштиришдан иборат.
III. Тадқиқотнинг илмий янгилиги: 
ишқаланиш жуфтидаги пайвандлаб қопланган валсимон деталларни ейилишга синайдиган қурилманинг конструкцияси яратилган;
валсимон деталнинг ейилиш тезлиги ишқаланиш юзасига бериладиган босим ва ишқаланиш тезлиги билан ортиб борувчи, детал материалининг қаттиқлиги ва таркибидаги қаттиқ қотишма миқдори билан камайиб борувчи боғланиш бўйича ўзгариши аниқланган;
валсимон деталларнинг ресурсини унга пайвандлаб қопланган композицион материалнинг қаттиқлиги, қаттиқ қотишмалар миқдори ва ейилишга чидамлилигига нисбатан эмпирик боғланиши аниқланган;
валсимон деталларнинг ишчи юзасига пайвандлаб қоплаш учун унинг ресурсини янгисига нисбатан 2,4-3,0 марта юқори бўлишини таъминлайдиган пайвандлаб қоплаш материалининг таркиби асосланган.
IV. Тадқиқот натижаларининг жорий қилиниши: Валсимон деталларнинг ишчи юзаларига кукунсимон композицион материалларни пайвандлаб қоплаб ресурсини ошириш усулини ишлаб чиқиш бўйича олинган натижалар асосида:
пайвандлаб қопланган валсимон деталларни мой мухитида абразив ейилишга синаш қурилмасининг конструкциясига интеллектуал мулк агентлигининг патенти олинган («Айланувчи деталларни мой муҳитида синаш қурилмаси». FAP 01642-2021 й.). Натижада ишқаланиш жуфтидаги пайвандлаб қопланган валсимон деталларни лаборатория шароитида ейилишга синаш ва синов вақтини камайтириш имконини берган;
кукунсимон композицион материалларни ишқаланиш жуфтининг валсимон деталларини ишчи юзаларига пайвандлаб қоплашнинг такомиллаштирилган технологияси Андижон вилоятининг “Пахтаобод Агросервис МТП”, “Марҳамат Агросервис МТП”, “Избоскан машина трактор парки” ва “Андижон Агросервис ва Интеграллашган сервис марказ” МЧЖлари томонидан ишлаб чиқаришга жорий этилган (Қишлоқ хўжалиги вазирлигининг 2021 йил 1-декабрдаги 02/023-4901-сон маълумотномаси). Натижада қишлоқ хўжалик техникаларини таъмирлашда, уларнинг ишқаланиш жуфтидаги ейилган валсимон деталларини тиклаш ва ресурсини ошириш имконияти яратилган;
валсимон деталларни пайвандлаб қоплашнинг такомиллашган технологияси Андижон вилоятидаги “Пахтаобод Агросервис МТП”, “Марҳамат Агросервис МТП”, “Избоскан машина трактор парки” ва “Андижон Агросервис ва Интеграллашган сервис марказ” МЧЖлари томонидан ишлаб чиқаришга жорий этилган (Қишлоқ хўжалиги вазирлигининг 2021 йил 1-декабрдаги 02/023-4901-сон маълумотномаси). Натижада пайвандлаб қоплаб тикланган валсимон деталларнинг ресурсини янги деталга нисбатан 2,4-3,0 мартага ортишига ҳамда қишлоқ хўжалик техникаларини таъмирлашда эҳтиёт қисмлар сарфини 10-12% га қисқаришига эришилган.