Отабоев Хусан Абдусобировичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Марказий Қизилқум фосфоритлари асосида соддалаштирилган схема буйича оддий суперфосфат олиш технологиясини ишлаб чиқиш», 02.00.13 – Ноорганик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2021.2.PhD/Т2238.
Илмий раҳбар: Раджабов Рузмат, кимё фанлари номзоди, катта илмий ходим.
Диссертация бажарилган муассаса номи: Умумий ва ноорганик кимё институти.
ИК фаолият кўрсатаётган муассаса (муассасалар) номи, ИК рақами: Наманган муҳандислик-технология институти, PhD.03/30.12.2019.K/T.66.02.
Расмий оппонентлар: Тўраев Зокиржон, техника фанлари доктори; Турдиалиев Умид Мухторалиевич, техника фанлари доктори.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Марказий Қизилқум (МҚ) фосфоритларини ангидритли режимда икки босиқли парчалаш асосида соддалашган тизим бўйича донадорланган суперфосфат олиш технологиясини ишлаб чиқишдан иборат.
III. Тадқиқотнинг илмий янгилиги:
паст навли фосфоритларни концентрланган сульфат кислотаси билан ангидритли режимда парчалаш имконияти асосланган;
концентрланган фосфор кислотаси, ангидрит ва монокальцийфосфат ҳосил бўлиш механизмини таъминловчи фосфат хомашёсига икки босқичли ишлов беришнинг мақбул шароитлари аниқланган;
донадорланган суперфосфат олишнинг асосли икки босқичли усули ишлаб чиқилган;
оддий суперфосфат олишнинг мустаҳкам доналарини олишга имкон берувчи нейтраллаш, намлаш, донадорлаш ва қуритишнинг мақбул шароитлари аниқланган;
донадорланган суперфосфат олишнинг жадаллашган, ресурстежамкор ва соддалашган технологияси ишлаб чиқилган.
IV. Тадқиқот натижаларининг жорий қилиниши: 
МҚ фосфоритларини донадорланган суперфосфатга қайта ишлаш технологиясини ишлаб чиқиш бўйича олинган илмий натижалар асосида:
фосфорит унини ангидритли режимда икки босқичли сульфат кислотали парчалаш йўли билан оддий суперфосфат олиш технологияси «Электрокимёзавод» ҚК-АЖнинг «2022-2023 йилларда амалиётга жорий этиш бўйича истиқболли ишланмалар рўйхати»га киритилган («Электрокимёзавод» ҚК-АЖнинг 2022 йил 11 январдаги 5-сон маълумотномаси). Натижада, фосфордан ташқари кальций ва олтингугурт тутган донадорланган бирламчи фосфорли ўғит олиш имконини берган;
ювиб қуритилган ва ювиб куйдирилган концентратларни ангидритли режимда икки босқичли сульфаткислотали парчалаш йўли оддий суперфосфат олиш технологияси «Электрокимёзавод» ҚК-АЖнинг «2022-2023 йилларда амалиётга жорий этиш бўйича истиқболли ишланмалар рўйхати»га киритилган («Электрокимёзавод» ҚК-АЖнинг 2022 йил 11 январдаги 5-сон маълумотномаси). Натижада, таркибида яхши ўзлашувчан гипс тутганлиги эвазига самарали тупроқ структурасини ҳосил қилувчи ва кимёвий мелиорант олиш имконини берган.