Қирғизбаев Хусниддин Хасанбаевичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Гиалурон кислотанинг доксорубицин билан модификацияланган ҳосилалари ва уларнинг ўсмага қарши фаоллигини ўрганиш», 02.00.10 – Биоорганик кимё (кимё фанлари).
Диссертация мавзуси рўйхатга олинган рақам: В2021.2.PhD/K241.
Илмий раҳбар: Мухитдинов Бахтиёр Икромович,, кимё фанлари номзоди, катта илмий ходим.
Диссертация бажарилган муассаса номи: Биоорганик кимё институти.
ИК фаолият кўрсатаётган муассаса (муассасалар) номи, ИК рақами: Биоорганик кимё институти, DSc.02/30.12.2019.K/В.37.01.
Расмий оппонентлар: Бобоев Бахром Нуриллаевич, кимё фанлари доктори, катта илмий ходим; Мирзааҳмедов Шарофиддин Яшинович, кимё фанлари номзоди, катта илмий ходим. 
Етакчи ташкилот: Ўзбекистон кимё-фармацевтика илмий тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: гиалурон кислотанинг доксорубицин билан модификацияланган ҳосилаларини олиш, реакция шароитларини  ҳамда ўсмага қарши биологик фаолликлари ва фармакотоксикологик хусусиятларини аниқлашдан иборат.
III. Тадқиқотнинг илмий янгилиги:
гиалурон кислотани кислотали деполимерлаш реакциясида полисахарид занжирининг ўзгариши, кичик молекуляр массали гиалуронанлар олишнинг мақбул реакция шароитлари аниқланган;
сульфатланган гиалурон кислота ҳосилаларининг гомоген синтез усули, юқори сульфатланиш даражасидаги сульфат ҳосилалар олишнинг мақбул реакция шароитлари ишлаб чиқилган;
гиалурон кислота ва сульфатланган гиалурон кислотанинг доксорубицин билан модификацияланган ҳосилалари синтез қилинган, уларнинг тузулиши физик-кимёвий усуллар ёрдамида исботланган;
гиалурон кислотанинг доксорубицин билан модификацияланган ҳосилаларини ўсмага қарши биологик фаолликлари, фармако-токсикологик хусусиятлари, структура-фаоллик ўзаро боғлиқликлари аниқланган.
IV. Тадқиқот натижаларининг жорий қилиниши:
Гиалурон кислота асосида ўсмага қарши фаолликка эга макромолекуляр тизимлар синтези бўйича олинган илмий натижалар асосида:
ўсмаларга қарши таъсирга эга олигогиалурон ва фолий кислоталари ва доксорубицин асосидаги биоконъюгат учун Ўзбекистон Республикаси Интеллектуал мулк агентлигининг ихтирога патенти олинган (№IAP 06578, 2021 й.). Натижада, хавфли ўсма кассалликларига қарши самарали, йўналтирилган таъсирга эга дори воситасини яратиш имконини берган;
гиалурон кислота, унинг сульфатланган ва доксорубицин билан модификацияланган ҳосилаларини олиниш усуллари ва олинган намуналардан Хитой Фанлар академияси, Шинжон физика ва кимё-техника институтининг «International Science and Technology Center Projects» лойиҳасида турли ўсмаларга қарши фаолликларни аниқлашда фойдаланилган (Хитой Фанлар академияси, Шинжон физика ва кимё-техника институти маълумотномаси). Натижада, полисахаридлар ҳосилаларининг ўсмага қарши фаоллик механизмларини аниқлаш имконини берган.