Хамидов Рустам Абдугафуровичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Кўпикли маҳсулотга алоҳида ишлов бериш натижасида биокекни қайта ишлаш технологик кўрсаткичларини ошириш», 04.00.14 ‒ Фойдали қазилмаларни бойитиш (техника фанлари).
Диссертация мавзуси рўйхатга олинган рақам: В2020.2.PhD/Т1556.
Илмий раҳбар: Эргашев Улугбек Абдурасулович, техника фанлари доктори, доцент.
Диссертация бажарилган муассаса номи: Навоий давлат кончилик институти.
ИК фаолият кўрсатаётган муассаса (муассасалар) номи, ИК рақами: Навоий давлат кончилик институти, DSc.17/04.06.2021.T.06.01.
Расмий оппонентлар: Мухиддинов Баходир Фахриддинович, кимё фанлари доктори, профессор; Худояров Сулейман Рашидович, техника фанлари номзоди, доцент.
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади кўпикли маҳсулотга алоҳида ишлов бериш натижасида биокекни қайта ишлаш технологик кўрсаткичларини оширишдан иборат.
III. Тадқиқотнинг илмий янгилиги:
моддий-миқдорий ва минерал таркибни ўрганиш натижаларига кўра, илк бора кўпикли маҳсулотнинг биокекка нисбатан юқори мураккабликка эга эканлиги аниқланган; 
кўпикли маҳсулот таркибидаги олтин миқдорининг углерод миқдорига боғлиқлиги аниқланган, бунда олтиннинг (сульфидларда) углеродли моддалар таркибига сульфидли минераллар ва углеродли моддаларнинг ўзаро ўсиши шаклида сингиб кетганлиги аниқланган;
дифференциал термик таҳлил натижаларига кўра куйдириш пайтида кўпикли маҳсулот таркибий компонентларининг ўзгариш қонуниятлари ўрганилган ва кўпикли маҳсулотни олтингугуртдан тозалаш ва углеродсизлантириш юқори даражаси амалга ошириладиган жараённинг оптимал ҳарорати (444-529°C) аниқланган;
биооксидлаш жараёнининг кўпикли маҳсулотини ажратиб олиб алоҳида қайта ишлаш билан флотацион бойитмани қайта ишлашнинг оптимал параметрлари аниқланган ва ҳозирда мавжуд бўлган схема билан солиштирганда олтин ажратиб олиш даражасини 3,5% га ошириш имконини берадиган технологик схема ишлаб чиқилган.
IV. Тадқиқот натижаларининг жорий қилиниши. 
Кўпикли маҳсулотга алоҳида ишлов бериш натижасида биокекни қайта ишлаш технологик кўрсаткичларини ошириш бўйича олинган илмий натижалар асосида:
кўпикли маҳсулотни ажратиб олиб уни алоҳида қайта ишлаш орқали кўпикланишга қарши курашиш усули Навоий кон-металлургия комбинати 3-сон Гидрометаллургия заводи биооксидлаш жараёнида жорий этилган (Навоий кон-металлургия комбинатининг 2021 йил 02 ноябрдаги 02-02-06/10583-сон маълумотномаси). Натижада, биооксидлаш реакторларида кўпик миқдорини камайтириш ва биокекни сорбцион цианлаш жараёнида қайта ишлашнинг сифат кўрсаткичлари яхшилаш имконини берган; 
биооксидлаш жараёнидаги кўпикли маҳсулотини ажратиб олиб унга алоҳида ишлов бериш орқали флотацион бойитмани комплекс қайта ишлаш технологияси «Навоий кон-металлургия комбинати» давлат корхонаси 3-сон Гидрометаллургия заводида амалиётга жорий этилган (Навоий кон-металлургия комбинатининг 2021 йил 02 ноябрдаги 02-02-06/10583-сон маълумотномаси). Натижада, сорбцион цианлаш босқичида металл ажратиб олиниши ўртача 3,5 фоизга ошириш имконини берган.