Абдимоминов Икромжон Иминовичнинг
фалсафа доктори (РhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ерларга экиш олдидан ишлов беришда қўлланиладиган комбинациялашган машина юмшаткичларининг турини танлаш ва параметрларини асослаш», 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари). 
Диссертация мавзуси рўйхатга олинган рақам: В2021.4.PhD/ Т1991.
Илмий раҳбар: Тўхтақўзиев Абдусалим, техника фанлари доктори, профессор.
Диссертация бажарилган муассаса (муассасалар) номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, PhD.05/13.05.2020.T.112.01.
Расмий оппонентлар: Равшанов Ҳамроқул Амирқулович, техника фанлари доктори, доцент, Артикбаев Бахтияр Пирниязович техника фанлари бўйича фалсафа доктори, катта илмий ходим.
Етакчи ташкилот: «Қишлоқ хўжалиги техникаси ва технологияларини сертификатлаш ва синаш маркази».
Диссертация йўналиши: назарий ва амалий аҳамиятга молик.
II. Тадқиқотнинг мақсади ерларга экиш олдидан ишлов беришда қўлланиладиган комбинациялашган машина юмшаткичларининг турини танлаш ва параметрларини асослаш орқали унинг иш кўрсаткичларини оширишдан иборат.
III. Тадқиқотнинг илмий янгилиги:
комбинациялашган машина юмшаткичларининг тури ва рамада жойлашиш схемаси улар томонидан минимал ҳажмдаги яхлит тупроқ деформацияланиши ҳисобга олиниб ишлаб чиқилган; 
комбинациялашган машинанинг параметрлари тупроқ хоссалари, унинг уваланиш даражаси ҳамда ишлов бериш чуқурлиги белгиланган меъёрдан кам бўлмаслиги ҳамда унинг тортишга қаршилиги минимал бўлишини ҳисобга олган ҳолда аниқланган;
юмшаткич ва ўқёйсимон панжалар орасидаги кўндаланг ва бўйлама масофалар технологик жараённинг ишончли бажарилиши ҳамда тупроққа сифатли ишлов берилишини ҳисобга олган ҳолда асосланган;
комбинациялашган машина юмшаткич панжасининг эни, тупроққа кириш бурчаги, эгрилик радиуси ҳамда ўқёйсимон панжасининг қамраш кенглиги, қанотларининг увалаш ва очилиш бурчаклари ва агрегат ҳаракат тезлиги уларнинг агротехник ва энергетик иш кўрсаткичларига таъсирини баҳоловчи регрессия тенгламаларини биргаликда ечиш орқали аниқланган.
IV. Тадқиқот натижаларининг жорий қилиниши. Ерларга экиш олдидан ишлов беришда қўлланиладиган комбинациялашган машина юмшаткичларининг турини танлаш ва параметрларини асослаш бўйича олинган натижалар асосида:
комбинациялашган машинага дастлабки талаблар ва техник топшириқ ишлаб чиқилган (Қишлоқ хўжалиги вазирлигининг 2021 йил 11 августдаги 02/023-3281-сон маълумотномаси). Натижада юмшатилган, майин ва талаб даражасида зичланган тупроқ қатламини ҳосил қилиш имкони берадиган комбинациялашган машина яратилган; 
ишлаб чиқилган юмшаткич ва ўқёйсимон панжалар билан жиҳозланган комбинациялашган машинанинг тажриба нусхаси Андижон вилояти Жалақудуқ тумани фермер хўжаликларида жорий этилган (Қишлоқ хўжалиги вазирлигининг 2021 йил 11 августдаги 02/023-3281-сон маълумотномаси). Натижада шудгорланган ерларни экишга тайёрлашда меҳнат сарфи 22,5 фоизга ва ҳар бир гектар майдонга сарфланадиган эксплуатацион харажатлар 16,7 фоизга камайган; 
комбинациялашган машинанинг саноат нусхаларини ишлаб чиқиш ва тайёрлаш учун унинг лойиҳа-конструкторлик ҳужжатлари (дастлабки талаблар, техник топшириқ ва чизмалар) «BMKB-Agromash» АЖ да лойиҳалаш жараёнига жорий этилган(Қишлоқ хўжалиги вазирлигининг 2021 йил 11 августдаги 02/023-3281-сон маълумотномаси). Натижада асосланган параметрларга эга бўлган юмшаткичлар билан жиҳозланган комбинациялашган машинани саноат усулида ишлаб чиқариш имкони яратилган.