Сулаймонова Саодат Усубхоновнанинг фалсафа доктори (PhD) диссертацияси ҳимояси ҳақида эълон
 
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Анимацион ёндашув асосида бошланғич синф ўқувчиларида экологик тушунчаларни ривожлантириш технологияси”, 13.00.02 – Таълим ва тарбия назарияси ва методикаси (педагогика фанлари). 
Диссертация мавзуси рўйхатга олинган рақам: B2021.3.PhD/Ped1122. 
Илмий раҳбар: Асқарова Ўғилой Мамашокировна, педагогика фанлари доктори, профессор.
Диссертация бажарилган муассаса номи: Наманган давлат университети.
ИК фаолият кўрсатаётган муассаса (муассасалар) номи: Наманган давлат университети, PhD.03/04.06.2020.Ped.76.02.
Расмий оппонентлар: Камалов Баҳодир Асомович, география фанлари доктори, профессор; Артиқова Мухайё Ботиралиевна, педагогика фанлари доктори (DSc), доцент.
Етакчи ташкилот: Қўқон давлат педагогика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади анимацион ёндашув асосида бошланғич синф ўқувчиларида экологик тушунчаларни ривожлантириш технологиясини ишлаб чиқишдан иборат.
III. Тадқиқотнинг илмий янгилиги:
экологик таълимни ривожлантиришга қаратилган электрон ва анимацион таълим ресурслари базасини ишлаб чиқиш орқали бошланғич синф ўқувчиларида экологик тушунчаларни ривожлантиришнинг ўқув мазмундаги экологик интегратив топшириқлар, экологик муҳит, табиат бағрига сайёҳат каби педагогик шарт-шароитлари ва имкониятлари аниқлаштирилган;
бошланғич синф ўқувчиларида экологик тушунчаларни ривожлантиришга қаратилган “Экологик алифбе” ҳарфлари бўйича мақол, матал, ҳикоя, шеърлар айтиш, тавсифлаш, масалалар ечиш каби педагогик топшириқларни бажариш методлари интерфаол таълим технологияси (STEAM) ва дидактик воситалар (ностандарт тестлар, муаммоли видео топшириқлар, анимациялар) асосида такомиллаштирилган;
бошланғич синф ўқувчиларида экологик тушунчаларни ривожлантириш жараёнининг методик таъминоти аналитик фикрлашга йўналтирилган мақсадли, мазмунли, диагностик тамойилларга таянган  ҳолда интеграцион ва инновацион фаолиятни ташкил этиш асосида такомиллаштирилган;
ўқувчиларда экологик тушунчани анимацион ёндашув асосида ривожлантиришнинг модернизациялашган ахборот-дастурий таъминот воситаларини самарали тадбиқ этиш имкониятларига эга дидактик тузилма ишлаб чиқилган.
IV. Тадқиқот натижаларининг жорий қилиниши. Анимацион ёндашув асосида бошланғич синф ўқувчиларида экологик тушунчаларни ривожлантиришга доир тадқиқот натижалари асосида:
экологик таълимни ривожлантиришга қаратилган электрон ва анимацион таълим ресурслари базасини ишлаб чиқиш орқали бошланғич синф ўқувчиларида экологик тушунчаларни ривожлантиришнинг педагогик шарт-шароитлари аниқлаштирилган, ўқувчиларда экологик тушунчани анимацион ёндашув асосида ривожлантиришнинг кластерли модели ишлаб чиқилган ва инновацион тамойилларига кўра такомиллаштиришга доир таклиф ва тавсияларидан бошланғич синфлардаги “Атрофимиздаги олам” фанининг миллий ўқув дастурини ишлаб чиқишда фойдаланилган (Ўзбекистон Республикаси Халқ таълими вазирлиги ҳузуридаги Республика таълим марказининг 2020 йил 20 ноябрдаги 01/11-03/03-1372-сон маълумотномаси). Натижада, бошланғич синф ўқувчиларида экологик тушунчаларни ривожлантириш мазмунини такомиллаштиришга эришилган;
бошланғич синф ўқувчиларида экологик тушунчаларни ривожлантиришга қаратилган педагогик топшириқларни бажариш методлари, интерфаол таълим технологияси (STEAM) ва дидактик воситалар асосида такомиллаштиришга доир таклиф ва тавсиялардан Ўзбекистон Республикаси Вазирлар Маҳкамасининг 2019 йил 27 майдаги “Ўзбекистон Республикасида экологик таълимни ривожлантириш концепцияси тўғрисида”ги 434-сон қарорининг 2-илова 32-банди ижросини бажаришда фойдаланилган (Ўзбекистон Республикаси Халқ таълими вазирлиги ҳузуридаги Республика таълим марказининг 2020 йил 20 ноябрдаги 01/11-03/03-1372-сон маълумотномаси). Натижада, бошланғич синф ўқувчиларида экологик тушунчаларни такомиллаштиришга хизмат қилган.
бошланғич синф ўқувчиларида экологик тушунчаларни ривожлантириш жараёнининг методик таъминоти аналитик фикрлашга йўналтирилган фаолиятни ташкил этиш асосида методик тавсиялар ишлаб чиқиш ва амалиётга татбиқ этишга доир амалий таклифларидан А-5-37 рақамли “Мактабгача таълим муассасалари тарбияланувчилари ва бошланғич синф ўқувчиларида дастлабки математик билимларни шакллантиришга мўлжалланган мультимедиали интеллектуал ўйинлар” мавзусидаги (2015-2017 йиллар) амалий лойиҳа доирасида фойдаланилган (Ўзбекистон Республикаси Олий ва ўрта махсус таълим вазирлигининг 2020 йил 30 октябрь 89-03-4301-сон маълумотномаси). Натижада, бошланғич синф ўқувчиларида экологик тушунчаларни ривожлантириш жараёнида мантиқий ва танқидий фикрлаш кўникмалари шакллантирилган.