Юнусов Ойбек Тураевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Оғир куйганларда гемостазнинг бузилиши ва хирургик даволаш тактикасининг таъсири», 14.00.27 – Хирургия (тиббиёт фанлари).
Диссертация мавзуси рўйхатга олинган рақам: B2021.4.PhD/Tib.1063.
Илмий раҳбар: Рузибаев Санжар Абдусаломович, тиббиёт фанлари доктори (DSc).
Диссертация бажарилган муассаса номи: Самарқанд давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Бухоро давлат тиббиёт институти, DSc/PhD.04/30.12.2019.Tib.93.01.
Расмий оппонентлар: Қаюмходжаев Абдурашит Абдусаломович, тиббиёт фанлари доктори, профессор; Ўроқов Шухрат Тўхтаевич, тиббиёт фанлари доктори.
Етакчи ташкилот: «Абуали Ибни Сино номидаги Тожикистон давлат тиббиёт университети (Тожикистон)»
Диссертация йўналиши: амалий аҳамиятга молик.
II. Тадқиқотнинг мақсади: Куйиш касаллигининг босқичлари бўйича гемостаз системаси ҳолатини ўрганиш ва ҚДТҚ–синдроми лаборатор диагностикасини такомиллаштириш, гемостатик Гепроцел препаратини қўллаш орқали даволаш самарадорлигини яхшилаш
III. Тадқиқотнинг илмий янгилиги:
чуқур куйишларда қоннинг ивиш тизими кўрсатгичларининг бузилиши ва фибринолитик фаолликнинг пасайиши кузатилади, ушбу ҳолатлар куйиш шоки даражаси ва куйиш касаллигининг босқичлари ўртасида ўзаро боғлиқлик ҳисобига вужудга келиб, улар ҚДТҚ–синдроми ривожланишига сабаб бўлиши исботланган;
куйиш жароҳати таъсирида ўлганларда ҚДТҚ–синдромининг морфологик кўриниши кўпинча носпецифик плазмали коагуляция кўринишида ва ички аъзолар микроциркулятор оқимларида фибринли микротромбларни, айниқса буйраклар, ўпкалар, жигар, бош мия, меъда ости безида ҳосил бўлиши аниқланган;
бирламчи тангелциал некрэктомиядан сўнг аутодермопластика вақтида Гепроцел препаратини қўллаш юқори самаралилиги исботланди, бунда гемостаз кўрсаткичларини тўлиқ тикланиши ва тери қопламаларининг тезроқ реваскуляризацияси, куйишдаги интоксикация клиник симптомларини тезроқ бартараф этилиши, грануляцион юзага таъсир қилмасдан тери трансплантатининг фасция ва мушак тўқималарига нисбатан ёпишқоқлиги сезиларли ошиши исботланган;
тажриба ҳайвонларининг термик жароҳатларига Гепроцел препаратини бирламчи тангенциал некрэктомия ва аутодермопластикадан сўнг қўллаш гемостазни тўлиқ таъминлаши, куйиш интоксикациясининг клиник белгилари тезроқ енгиллашиши ва тери чўлтоқларининг яхши реваскуляризациясига олиб келиши исботланди;
Гепроцелни беморларда эрта некрэктомия билан бир вақтнинг ўзида ёки кечиктирилган аутодермопластикани амалга ошириш имконини беради, куйиш касаллиги йўналишини ўзгартириши ва унинг кечишини тўхтатиш учун қулайлик туғилади, тери қопламалари бутунлигини тикланиш вақти, стационар даволанишнинг давомийлиги қисқариши исботланган.
IV. Тадқиқот натижаларининг жорий қилиниши.
Оғир куйганларда гемостазнинг бузилиши ва хирургик даволаш тактикаси бўйича тадқиқотнинг илмий натижалари асосида:
куйиш касалликларида гемостаз тизимининг бузилишлари бўйича тадқиқотнинг илмий натижалари бўйича ишлаб чиқилган “Куйиш касалликларида гемостаз тизимининг бузилишларини ташхислаш ва даволашни муқобиллаштириш” номли услубий тавсиянома тасдиқланган (Согликни саклаш вазирлигининг 2019 йил 29 майдаги 8н-р209-сон маълумотномаси). Мазкур услубий тавсиянома куйиш касалликларида гемостаз тизимининг бузилишларини ташхислаш ва даволаш самарадорлигини баҳолаш, жарроҳлик даволаш усулини назорат қилиш имконини берган;
куйиш касаллигида гемостаз тизимининг бузилишларини даволаш бўйича тадқиқотнинг илмий натижалари бўйича ишлаб чиқилган “Куйиш касаллигида гемостаз тизимининг бузилишларини даволаш йўллари” номли услубий тавсиянома (Согликни саклаш вазирлиги томонидан 2021 йил 17 сентябрдаги 8н-р780-сон маълумотномаси). Мазкур услубий тавсиянома куйиш касаллигида гемостаз тизимининг бузилишларини даволаш жараёнларининг такомиллаштириш имконини берган;
Оғир куйганларда гемостазнинг бузилиши ва хирургик даволаш бўйича олинган илмий натижалар согликни саклаш амалиётига, жумладан Самарканд шаҳар тиббиёт бирлашмаси, РШТЁИМ Самарканд филиали, РШТЁИМ Жиззах филиали, РШТЁИМ Кашкадарё филиали амалиётга татбик этилган (Соғлиқни саклаш вазирлигининг 2021 йил 29 декабрдаги 8-09/21411-сон маълумотномаси). Олинган натижалар тиббиёт амалиётига татбик этилиши эрта хирургик даволашни боскичли хирургик даволашдан фарки беморлар согайиб кетишини тезлаштириш, даволаш вактини кискартириш хисобига антибактериал терапияга нисбатан эктиёж камаяди. Эрта гепроцел препаратини куллаш натижасида беморларнинг эрта фаоллашуви ва куйиш интоксикацияси ва касаллик асоратларини камайтириш имконини берган.