Сайфутдинов Зайниддин Асомутдиновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ўзбекистон Республикасида изониазид дорисига монорезистент бўлган Mycobacterium tuberculosisнинг генетик мутациялари тавсифи ва тарқалиши», 14.00.26 – Фтизиатрия ва 03.00.04 - Микробиология ва вирусология (тиббиёт фанлари).
Диссертация мавзуси рўйхатга олинган рақам: B2019.4.Phd/Tib1102
Илмий раҳбарлар: Парпиева Наргиза Нусратовна, тиббиёт фанлари доктори, профессор; Шадманова Наргиза Абитовна, тиббиёт фанлари доктори, доцент.
Диссертация бажарилган муассаса номи: Республика ихтисослаштирилган фтизиатрия ва пульмонология илмий-амалий тиббиёт маркази.
Илмий кенгаш фаолият кўрсатаётган муассаса (муассасалар) номи ва рақами:  Тошкент тиббиёт академияси, Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт маркази, DSc.04/30.12.2019.Tib.30.01
Расмий оппонентлар: Аденов Малик Модабекович, тиббиёт фанлари номзоди, доцент; Нурузова Зухра Абдукадировна, тиббиёт фанлари доктори, профессор.
Етакчи ташкилот: Бухоро давлат тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: изониазид дорисига монорезистент бўлган Mycobacterium tuberculosisнинг генетик мутациялари тавсифи ва тарқалиши олдини олиш стратегиясини ишлаб чиқишдан иборат.
III. Тадқиқотнинг илмий янгилиги:
илк бор туберкулезнинг изониазидга монорезистент штаммлари тарқалишининг  ҳудудий таҳлили тақдим этилган;
Mycobacterium tuberculosisнинг изониазидга монорезистент мутацияларининг генетик тафсифи тақдим этилиб MDR TB да мутацияларнинг аҳамияти асосланган;
Mycobacterium tuberculosisнинг кросс-резистентлик табиати MDR TB ривожланиши ва даволашнинг самарасиз оқибатларини келтириб чиқариш хавфларини эрта прогнозлаш жиҳати исботланган;
изониазидга монорезистент туберкулезга чалинган беморларни дастурий даволашга янги дифференцацияланган ёндошуви оптималлаштирилган.
IV. Тадқиқот натижаларининг жорий қилиниши.
Ўзбекистон Республикасида изониазидга монорезистент Mycobacterium tuberculosis генетик мутацияси тавсифи ва тарқалганлиги бўйича олинган натижалар асосида:
Мycobacterium tuberculosis популяциясининг тузилиши бўйича тадқиқотнинг илмий натижалари асосида ишлаб чиқилган «Марказий Осиёда дориларга чидамли Мycobacterium tuberculosis популяциясининг тузилиши» номли услубий тавсиянома тасдиқланган (Соғлиқни сақлаш вазирлигининг 2021 йил 11 мартидаги 8н-р/195-сон маълумотномаси). Мазкур услубий тавсиянома туберкулезни ташхислаганда дориларга чидамли Мycobacterium tuberculosis турини эрта аниқлаш имконини берган;
Биомайрин препаратига Мycobacterium tuberculosis сезувчанлигини бўйича тадқиқотнинг илмий натижалари асосида ишлаб чиқилган «in vitro шароитида Биомайрин препаратига Мycobacterium tuberculosis сезувчанлигини қиёсий ўрганиш методикаси» услубий тавсиянома тасдиқланган (Соғлиқни сақлаш вазирлигининг 2021 йил 11 мартидаги 8н-р/194-сон маълумотномаси). Мазкур услубий тавсиянома қаттиқ ва суюқ озуқа муҳитида дорига сезувчанлик тестлари (ДСТ) ёрдамида “Биомайрин” препаратининг Mycobacterium tuberculosisга ингибирловчи таъсирини кучайтириш имконини берган;
изониазид дорисига монорезистент бўлган Mycobacterium tuberculosisнинг генетик мутациялари тавсифи ва тарқалиши олинган натижалари соғлиқни сақлаш амалиётига, жумладан Республика ихтисослаштирилган фтизиатрия ва пульмонология илмий-амалий тиббиёт марказининг Самарқанд, Тошкент, Бухоро ва Фарғона вилояти марказлари клиник амалиётига татбиқ этилди (Соғлиқни сақлаш вазирлигининг 2022 йил 22 декабрдаги 08-09/20510-сон маълумотномаси); Натижада Mycobacterium tuberculosisнинг изониазидга сезувчанлигини эрта босқичларда аниқлаш ва туберкулезни даволаш самарадорлигини ошириш имконини берган.