Камилова Ирода Абдурасуловнанинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, иҳтисослик шифри (илмий даража бериладиган фан тармоғи номи): «Аёлларда бачадон бўйни рак олди касалликларини диагностика, даволаш-профилактик тадбирларини патогенетик асослаш», 14.00.01 – Акушерлик ва гинекология (тиббиёт фанлари).
Диссертация мавзуси рўйхатга олинган рақам: B2021.1.DSC/Tib503.
Илмий маслахатчи: Пахомова Жанна Евгеньевна, тиббиёт фанлари доктори, профессор Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса номи, ИК рақами: Тошкент педиатрия тиббиёт институти, DSc.04/30.12.2019.Tib.29.01.
Расмий оппонентлар: Зуфарова Шахноза Алимджановна, тиббиёт фанлари доктори; Таджибаева Юлдуз Таджибаевна, тиббиёт фанлари доктори, профессор; Кадирова Дилбар Абдуллаевна, биология фанлари доктори, профессор.
Етакчи ташкилот: Россия Федерацияси Соғлиқни сақлаш вазирлиги Академик В.И. Кулаков номидаги акушерлик, гинекология ва перинатология миллий тиббий тадқиқот маркази.
Диссертациянинг йўналиши: амалий аҳамиятга молик.
II. Тадқиқотнинг мақсади: бачадон бўйни интраэпителиал неоплазиясининг ривожланиш хавфини ташхислаш ва индивидуал даволашни танлашда, эстроген алмашинуви, онкосупрессорлар ва матрицали металлопротеиназа генларининг генетик полиморфизми ролини баҳолашдан иборат.
III. Тадқиқотнинг илмий янгилиги:
турли функционал гуруҳларга мансуб бўлган (эстрогенлар метаболизми-CYP1A2, SULT1A1; онкологик трансформация-TP53, матрикс металлопротеиназалар-ММР-1), CINнинг генетик жиҳатдан аниқланган янги патогенетик механизмларини очиш, CIN ривожланишининг торпидлик даражасини ва клиник кечиш турларини аниқлаш имконини берадиган, CINнинг фенотипик намоён бўлиши учун маъсул бўлган CINга хос генетик полиморфизмлар генетик маркерларнинг комбинациялари исботланган;
мульти омилли генезга эга бўлган патологиянинг ривожланиш механизмларини кодловчи, генетик детерминантларни текшириш асосида CIN кузатилган беморларда эстроген ферментлари метаболизми (С-734А гени CYP1A2 ва G-638А гени SULT1A1), оқсил онкосупрессорлар (Arg72Pro TP53 ва ТР53 rs 17884159) ҳамда матриксли металлопротеиназлар (1G/2G гена ММP-1) генларининг полиморф вариантларининг ташувчанлик хусусиятлари исботланган;
CIN хавфи ошиши билан ўрганилган номзод генларнинг аҳамиятли аллел ва генотипик полиморфизм ташувчанлик частотасининг ассоциацияси, клиник кечиш оғирлиги, шикастланишнинг оғирлик даражаси, клиник белгилари, 16/18 турдаги ОПВ персистенция ва асоратлар мавжудлиги исботланган;
аҳамиятли номзод генларнинг аллел ва генотипик полиморфизмлари ташувчанлик даржасиниинг ошиши билан неопластик трансформация даражаси ҳамда касалликнинг клиник кечиш оғирлик даражаси ўртасидаги боғлиқлик исботланган;
CIN ривожланиш хавфига мойил бўлган Arg72Pro TP53+ТР53 rs 17884159 +G638A SULT 1A1+CYP 1A2 C-734A генотипларининг биргаликдаги патогенетик аҳамияти исботланган.
IV. Тадқиқот натижаларининг жорий қилиниши.
Аёлларда бачадон бўйни рак олди касалликларини ташҳислаш, прогнозлаш ва даволаш-профилактик усулларини  ишлаб  чиқиш, ҳамда такомиллаштириш бўйича олинган натижалар асосида:
цервикал интраэпителиал неоплазияни ташхислаш ва прогнозлаш асосида ишлаб чиқилган «Молекуляр-генетик хавф омиллари асосида цервикал интраэпителиал неоплазия диагностикаси» номли услубий тавсиянома тасдиқланган (Соғлиқни сақлаш вазирлигининг 2021 йил 22 ноябрдаги 8н-р/1151-сон маълумотномаси). Илмий натижаларнинг жорий қилиниши молекуляр-генетик хавф омилларини бахолаш асосида CINни ташхислаш ва прогнозлаш самарадорлигини ошириш имконини берган;
цервикал интраэпителиал неоплазияни молекуляр-генетик натижаларини аниқлаш орқали ишлаб чиқилган индивидуал даволаш усуллари асосида «Генетик тест асосида цервикал интраэпителиал неоплазияни индивидуал даволаш» номли услубий тавсиянома тасдиқланган (Соғлиқни сақлаш вазирлигининг 2021 йил 22 ноябрдаги 8н-р/1152-сон маълумотномаси). Илмий натижаларнинг жорий қилиниши цервикал интраэпителиал неоплазия билан хасталанган аёлларда турли фармакологик гуруҳ препаратларини индивидуал қўллашга хизмат қилган ва даволаш самарадорлигини ошириш имконини берган;
бачадон бўйни рак олди касалликларини диагностика, даволаш-профилактик тадбирларни патогенетик асослаш тартибини такомиллаштириш бўйича олинган илмий натижалар соғлиқни сақлаш амалиётига, жумладан, Тошкент шаҳар Мирзо Улуғбек туманидаги 7-оилавий поликлиника ва 6-сонли Тошкент шаҳар туғруқ мажмуасининг клиник амалиётига жорий этилган (Соғлиқни сақлаш вазирлигининг 2021 йил 3 декабрдаги 8н-з/507-сон маълумотномаси). Олинган илмий натижаларнинг амалиётга жорий этилиши бачадон бўйни рак олди касалликларини онкологик трансформациясини олдини олиш мақсадида, молекуляр-генетик тадқиқотлар асосида замонавий ташхислаш, прогнозлаш ва индивидуал даволаш усулларини аниқлашга ва самарадорлигини оширишга имкон яратган.