Садыков Жахонгир Насырджановичнинг фалсафа доктори (PhD) диссертацияси ҳимояси ҳақида эълон
 
I. Умумий маълумотлар.  
Диссертация мавзуси, ихтисослик шифри (илмий даража бериладиган фан тармоғи номи): «Маҳаллий хомашё асосида ёйилишга чидамли эритиб қоплаш учун электродларни ишлаб чиқариш технологиясини тадқиқ қилиш ва ишлаб чиқиш», 05.02.01 - Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси. Камёб, нодир ва радиоактив элементлар технологияси (Қуймачилик ва металларга ишлов бериш технологияси йўналиши) ихтисослиги.
Диссертация мавзуси рўйхатга олинган рақам: B2020.2.PhD/T1589.
Илмий раҳбар: Эрматов Зиядулла Досматович, техника фанлари буйича фалсафа доктори (PhD), доцент.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети, DSc.03/30.12.2019.Т.03.04.
Расмий оппонентлар: Абдуллаев Фатхулла Сагдуллаевич, техника фанлари доктори, профессор; Худояров Сулейман Рашидович, техника фанлари номзоди, доцент.
Етакчи ташкилот: Андижон машинасозлик институти
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистон Республикаси минерал хомашёси асосида шлак базасини ва ейилишга бардошли қоплама учун электродлар ишлаб чиқариш технологиясини ишлаб чиқишдан иборат.
III. Тадқиқотнинг илмий янгилиги қуйидагилардан иборат:
ёйли дастакли эритиб қоплаш электродлари қопламасининг таркиби кремний карбиди, корунд, графит, мармар, пегматит ва кварц қумининг абразив материаллар билан ишқаланиш шароитида чўкинди металлнинг ейилишга қаршилигини ошириш қонунияти асосида ишлаб чиқилган; 
CаО-SiО2-Al2О3 шлакли асоснинг такомиллаштирилган таркиби шлак тизимининг ёйли дастакли эритиб қоплаш электродларининг эриш диаграммаси асосида ишлаб чиқилган;
ёйли дастакли эритиб қоплаш электродлари қопламасининг газ ҳосил қилувчи компонентларининг таркиби азот, кислород ва водородларнинг сингувчанлик хоссаларининг ҳароратга боғлиқлик даражаси асосида ишлаб чиқилган;
ётқизилган металлнинг ҳосил бўлиш жараёнининг математик модели электрод қопламаси таркибидаги деоксидловчи моддаларнинг теплофизик хоссаларига боғлиқ ҳолда ишлаб чиқилган;
натрий ва калий оксидларининг киритилишининг ейилишга бардошли қопламали электродларнинг хусусиятларига таъсири CаО-SiО2-Al2О3 шлак тизимининг физик ва технологик хоссалари асосида аниқланган. 
IV. Тадқиқот натижаларининг жорий қилиниши. Ейилишга бардошли қоплама ётқизиш учун маҳаллий хомашёдан электрод қопламаларини ишлаб чиқиш бўйича олинган натижалар асосида:
электродлар ишлаб чиқариш бўйича ишлаб чиқилган технология “Тошкент қувур заводи” МЧЖ ҚК га жорий қилинган (2020-йил 16-июлдаги 01/193-01-01 маълумотнома, “Ўзмонтажмахсусқурилиш” AЖ) Натижада, абразив материаллар билан ишқаланиш шароитида ётқизилган металлнинг ейилишга бардошлиги 13-15% га ошган;
CаО-SiО2-Al2О3 шлак тизимининг эриш диаграммаси бўйича танланган маҳаллий руда-минерал материаллардан тайёрланган ёйли дастакли эритиб қоплаш электродларининг шлакли асосининг такомиллаштирилган таркиби "Тошкент қувур заводи" МЧЖ ҚКда жорий этилган (2020-йил 16-июлдаги 01/193-01-01 маълумотнома, “Ўзмонтажмахсусқурилиш” AЖ). Натижада, пайванд бирикмаларнинг мустаҳкамлиги 9-11% га ошган; 
ёйли дастакли эритиб қоплаш электродлари қопламасининг газ ҳосил қилувчи компонентларининг тавсия этилган таркиби “Тошкент қувур заводи” МЧЖ ҚКда жорий этилган (2020-йил 16-июлдаги 01/193-01-01 маълумотнома, “Ўзмонтажмахсусқурилиш” AЖ). Натижада пайвандланган металл таркибидаги азот, кислород ва водород миқдори 8-10% га камайган.