Шерматова Ирода Бахтиёр қизининг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Яшил синтез усулида кумуш нанозаррачаларини олиш ва уларнинг асосида дори шакли технологияси», 15.00.01 - Дори технологияси (фармацевтика фанлари).
Диссертация мавзуси рўйхатга олинган рақам: B2019.1.PhD/Far49.
Илмий раҳбар: Исмаилова Мохинур Гафуровна, фармацевтика фанлари доктори, профессор.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса (муассасалар) номи, ИК рақами: Тошкент фармацевтика институти, DSc.04/30.12.2019.Far.32.01.
Расмий оппонентлар: Юнусова Холида Маннановна, фармацевтика фанлари доктори, профессор; Абдулладжанова Нодира Гуломжановна, кимё фанлари доктори, профессор.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Искандар кўкамарони қуруқ экстракти ва кумуш нанозаррачаларини сақлаган доривор субстанцияни ва унинг асосида яллиғланишга ва микробларга қарши гел дори шаклини технологиясини ишлаб чиқишдан иборат.
III. Тадқиқотнинг илмий янгилиги:
илк бор «яшил синтез» усулида кумуш нанозаррачаларини олишда қайта тикловчи восита сифатида Искандар кўкамарони экстрактини қўллаш мумкин эканлиги исботланган;
кумуш нанозаррачаларини сақловчи дори субстанциясини олиш технологияси ишлаб чиқилган;
субстанциянинг граммусбат ва грамманфий бактерияларга таъсири микробиологик усул билан аниқланган;
микроб ва замбуруғларга қарши фаолликга эга бўлган, таркибида кумуш нанозаррачалар сақлаган гел дори шаклини олиш технологияси ишлаб чиқилган; 
ишлаб чиқилган гел шаклидаги дори препаратининг ўзига хос фаоллиги ва зарарсизлиги аниқланган.
IV. Тадқиқот натижаларининг жорий қилиниши:
Яшил синтез усулида кумуш нанозаррачаларини ва уларнинг асосида дори шаклини технологияси бўйича олинган илмий натижалар асосида:
«Искандар кўкамарони ўти қуруқ экстракти кумуш нанозаррачалари билан» доривор субстанцияси «Дори воситалари, тиббий буюмлар ва тиббий техника экспертизаси ва стандартлаштириш Давлат маркази» ДУК томонидан тасдиқланган (ВФM 42 Уз–4557-2021) ва тиббиётда қўллашга рухсат этилган (гувоҳнома, DV/M 03805/04/21). Натижада, тери касалликларида қўлланиладиган маҳаллий дори воситаларни яратиш учун субстанция ишлаб чиқариш имконини берган;
«S-SILVER» гели учун корхона фармакопея мақола лойиҳаси «Дори воситалари, тиббий буюмлар ва тиббий техника экспертизаси ва стандартлаштириш Давлат маркази» ДУКга рўйхатдан ўтқазиш учун тақдим этилган (Ўзбекистон Республикаси Соғлиқни сақлаш вазирлигининг 2018 йил 15 октябрдаги 8н-3/280-сон хати; «Дори воситалари, тиббий буюмлар ва тиббий техника экспертизаси ва стандартлаштириш давлат маркази» ДУКнинг 2020 йил 20 октябрдаги 29/01-425-сон хати). Натижада, тери  касалликларини самарали ва хавфсиз даволаш имконини беради;
ўтқазилган клиник олди синовлар натижасида субстанция ва унинг асосида олинган гелнинг специфик фармакологик фаоллиги исботланган  (Ўзбекистон Республикаси Соғлиқни сақлаш вазирлигининг 2018 йил 15 октябрдаги 8н-3/280-сон хати). Натижада, ишончли антибактериал фаолликга эга бўлган хавфсиз дориларни ишлаб чиқариш имконини берган.