Рахмедова Мадинахон Нусрат қизининг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Хорижий инвестицияларни жалб қилиш инструменти сифатида еврооблигациялар билан операцияларни такомиллаштириш», 08.00.07 – Молия, пул муомаласи, кредит (иқтисодиёт фанлари). 
Диссертация мавзуси рўйхатга олинган рақам: B2020.2. PhD/Iqt314.
Илмий раҳбар: Ташмурадова Бувсара Эгамовна, иқтисодиёт фанлари доктори, профессор.
Диссертация бажарилган муассаса номи: Тошкент молия институти.
ИК фаолият кўрсатаётган муассаса номи, ИК рақами: Тошкент молия институти, DSc.03/30.12.2019.I.17.01.
Расмий оппонентлар: Хайдаров Низомиддин Хамраевич, иқтисодиёт фанлари доктори, профессор; Карлибаева Рая Хожабаевна, иқтисодиёт фанлари доктори, профессор.
Етакчи ташкилот: Г.В.Плеханов номидаги Россия иқтисодиёт университети Тошкент шахри филиали.
Диссертация йўналиши: назарий ва амалий аҳамиятга молик.
II. Тадқиқотнинг мақсади хорижий инвестицияларни жалб қилиш инструменти сифатида еврооблигациялар билан операцияларни такомиллаштириш бўйича илмий таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги:
инвесторлар учун жозибадор механизмларни жорий қилиш ҳисобига имтиёз ва преференцияларни бериш орқали капитал бозорида еврооблигациялар эмитентларини рағбатлантирган ҳолда еврооблигациялар тўлов даражаси 4,75% пасайтириш асосланган;
тижорат банклари, суғурта ташкилотлари ва инвестиция компанияларининг еврооблигациялар эмиссияси ва бошқа эмитентлар еврооблигацияларига инвестиция киритиш орқали миллий институционал инвесторларнинг еврооблигациялар бозоридаги фаоллигини ошириш таклиф этилган;
халқаро облигациялар эмиссиясидан олинган маблағларни стратегик аҳамиятга эга бўлган объектларга бюджет ссудаси сифатида ажратиш таклиф этилган;
дифференциал қимматли қоғозлар бозори инструменти сифатида эмитентлар томонидан уч йиллик сузувчи купонлик еврооблигациялар муомаласидан фойдаланиш орқали купонли тўловларни тарибга солиш таклиф этилган.
IV. Тадқиқот натижаларининг жорий қилиниши:
Хорижий инвестицияларни жалб қилиш воситаси сифатида еврооблигациялар билан операцияларни такомиллаштириш бўйича ишлаб чиқилган таклифлар асосида:
халқаро облигациялар миллий эмитентлари фаолиятини тартибга солувчи ваколатли органнинг ҳуқуқ ва мажбуриятларини белгилаш ва  келажакда суверен кредит рейтинги, тижорат банклари ва бошқа акциядорлик жамиятларининг кредит рейтинги яхшиланишига кўмаклашувчи миллий қимматли қоғозлар бозорини бир маромда ривожлантириш таклифи Ўзбекистон Республикаси Президентининг 24.01.2019 йил қабул қилинган ПҚ-4127-сон Қарорида акс эттирилди (Ўзбекистон Республикаси Молия вазирлигининг 2021 йил 26 апрелдаги 06/04-01-32/974-сон маълумотномаси).  Мазкур таклифнинг амалиётга қўлланилиши натижасида халқаро молия бозорларида суверен ва корпоратив еврооблигациялар бўйича фоиз ставкалари сезиларли пасайишига олиб келди;
табақалаштирилган қимматли қоғозлар бозори воситалари, хусусан, ўрта муддатли еврооблигацияларни халқаро молия бозорида жойлаштириш таклифи Ўзбекистон Республикаси Президентининг 29.04.2019 йил қабул қилинган ПҚ-4300-сон Қарорида акс эттирилди (Ўзбекистон Республикаси Молия вазирлигининг 2021 йил 26 апрелдаги 06/04-01-32/974-сон маълумотномаси). УШбу таклифнинг амалиётга қўлланилиши натижасида 2020 йилда Ўзбекистон Республикаси Молия вазирлиги биринчи марта Лондон фонд биржасида миллий валютада номинал қиймати 2 трлн. сўм бўлган еврооблигацияларни 3 йил муддатга 14,5% даромадлилик билан муваффақиятли жойлаштирди.
халқаро молия бозорлари билан фаол интеграция асосида инвесторларнинг барча тоифалари учун капитал бозорининг очиқлигини ошириш, жумладан, халқаро молия бозорида, хусусан, евроқоғозлар бозорида институционал инвесторлар сифатида миллий банклар, суғурта ва инвестиция компаниялари ва бошқа молия субъектларининг аҳамиятини ошириш таклифи Ўзбекистон Республикаси Президентининг 24.01.2019 йил қабул қилинган ПҚ-4127-сон Қарорида акс эттирилди (Ўзбекистон Республикаси Молия вазирлигининг 2021 йил 26 апрелдаги 06/04-01-32/974-сон маълумотномаси). Ушбу таклифнинг амалга оширилиши натижасида бир қатор миллий банклар корпоратив еврооблигацияларни чиқариш орқали жаҳон фонд бозорининг профессионал иштирокчиларига айландилар.
мамлакатнинг инвестиция ва стратегик муҳим лойиҳаларини, хусусан, олтин қазиб олиш билан боғлиқ лойиҳаларни ва халқаро облигациялар чиқаришдан олинган маблағлар ҳисобига ижтимоий инфратузилмани яхшилайдиган лойиҳаларни молиялаштиришга маблағлар ажратиш таклифи Ўзбекистон Республикаси Президентининг 02.04.2019 йил қабул қилинган ПҚ-4258-сон Қарорида акс эттирилди (Ўзбекистон Республикаси Молия вазирлигининг 2021 йил 26 апрелдаги 06/04-01-32/974-сон маълумотномаси). Ушбу таклиф натижасида еврооблигация чиқаришдан олинган маблағларни Навоий КМКнинг техник, технологик ва инновацион салоҳиятини ошириш учун йўналтириш мумкин бўлди.