Рахматуллаева Шахноза Бахадировнанинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Болаларда ОИВ-инфекциясининг гематологик жиҳатлари», 14.00.10 – Юқумли касалликлар (тиббиёт фанлари).
Диссертация мавзуси рўйхатга олинган рақам: В2017.3.DSc/Tib229.
Илмий раҳбар: [Даминов Турғунпўлат Абидович], тиббиёт фанлари доктори, профессор, академик.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса (муассасалар) номи, ИК рақами:  Тошкент тиббиёт академияси, Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт маркази, DSc.04/30.12.2019.Tib.30.01.
Расмий оппонентлар: Таджиев Ботир Мирхашимович, тиббиёт фанлари доктори, доцент; Ибадова Гульнара Алиевна, тиббиёт фанлари доктори, профессор; Сулейманова Дилора Нагаловна, тиббиёт фанлари доктори, профессор.
Етакчи ташкилот: Қозон Давлат Тиббиёт Университети (Қозон ш., Татаристон).
Диссертация йўналиши: амалий аҳамиятга молик.
II. Тадқиқотнинг мақсади: болаларда ОИВ инфекциясининг гематологик жиҳатларини диагностик ва терапевтик чора-тадбирларини ишлаб чиқишдан иборат.
III. Тадқиқотнинг илмий янгилиги:
илк бор болалик даврида ОИВ инфекциясида гематологик патологиянинг қайд этиш даражаси, тузилмаси  ва инфекциянинг клиник-эпидемиологик, иммунологик ва вирусологик қонуниятлари аниқланган;
болалик даврида ОИВ инфекциясида гематологик касалликларини шаклланишининг асосий хавф омиллари асосланган;
ОИВ инфекциясида гематологик бузилишларнинг клиник, иммунологик, вирусологик кўрсаткичларга ва асосий касалликнинг оғирлик даражасига таъсири исботланди;
касалликнинг оғирлиги қўшимча мезони сифатида ва даволаш тактикасини танлашда қон зардобидаги темир, қондаги ферритин даражасини аниқлаш мақсадга мувофиқлиги исботланган;
гематологик касалликлари мавжуд болаларда антиретровирус терапия тактикасини танлашга бўлган қиёсий ёндашув асосланган.
IV. Тадқиқот натижаларининг жорий қилиниши.
Болаларда ОИВ-инфекциясининг гематологик жиҳатлари бўйича олинган илмий натижалари асосида:
камқонлик аниқланган ОИВ-инфекция  билан касалланган болаларни олиб боришда қиёсий ёндашув мақсадида олинган илмий натижалар асосида ишлаб чиқилган «Камқонлик бор бўлган ОИВ юқтирган болаларни олиб боришда дифференциал ёндашув» номли услубий тавсиянома  тасдиқланган (Соғлиқни сақлаш вазирлигининг 2021 йил 8 ноябрдаги 8н-з/407-сон маълумотномаси).  Мазкур услубий тавсиянома қўшимча мезон сифатида қон зардобидаги темир ва ферритинни миқдорини аниқлаб, ОИВ билан касалланган болаларда камқонлик диагностикаси, даволаш самарадорлиги ошириш имконини берган;
ОИВ инфекцияли болаларга тавсия этилган гематологик текширувлар Соғлиқни сақлаш вазирлигининг 2018 йил 30 апрелдаги 277-сон «ОИВ инфекциясининг миллий клиник протоколларини амалиётга жорий этиш тўғрисида» ги буйруғига жорий этилган. Мазкур буйруқ ОИВ инфекциясида ташҳислашни такомиллаштиришга ва касалликни оғир оқибатларини камайтириш имконини яратган;
олинган илмий тадқиқот натижалари соғлиқни сақлаш амалиётига, жумладан, Тошкент шаҳар ОИТСга қарши курашиш маркази ва Республика ОИТСга қарши курашиш марказининг Республика ихтисослаштирилган клиникаси даволаш жараёнига амалиётига жорий этилган (Соғлиқни сақлаш вазирлигининг 2022 йил 19 январдаги 08-09/1583-сон маълумотномаси). Тадқиқот натижалари беморларнинг ҳаёт сифатини ошириш, ножўя оқибатларни камайтириш ҳамда беморларни касалхона шароитида даволаш харажатларини қисқартириш имконини яратган.