Ким Ольга Владиславовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Вертебро-базиляр етишмовчилик билан оғриган беморларда веноз қон айланиши бузилишларининг клиник-патогенетик ва нейрофизиологик хусусиятлари», 14.00.13 – Неврология (тиббиёт фанлари).
Диссертация мавзуси рўйхатга олинган рақам: B2019.2.PhD/Tib920.
Илмий раҳбар: Маджидова Яқутхон Набиевна, тиббиёт фанлари доктори, профессор.
Диссертация бажарилган муассаса номи: Тошкент педиатрия тиббиёт институти.
ИК фаолият кўрсатаётган муассаса (муассасалар) номи, ИК рақами: Тиббиёт ходимларининг касбий малакасини ривожлантириш маркази, DSc.04/30.12.2019.Tib.31.01.
Расмий оппонентлар: Мирджураев Эльбек Миршавкатович, тиббиёт фанлари доктори, профессор; Туруспекова Сауле Тлеубергеновна, тиббиёт фанлари доктори, профессор.
Етакчи ташкилот номи: Тошкент тиббиёт академияси
Диссертациянинг йўналиши: амалий аҳамиятга молик.
II. Тадқиқотнинг мақсади: вертебро-базиляр етишмовчилик билан оғриган беморларда мия веноз қон айланиши бузилишларини эрта аниқлаш ва даволашни оптималлаштириш мақсадида клиник, неврологик ва нейрофизиологик хусусиятларини бахолашдан иборат.
III. Тадқиқотнинг илмий янгилиги:
вертебро-базиляр етишмовчилик билан оғриган беморларда умуртқа венасининг оқими турғунлиги хисобига диаметри ўзгариши билан депрессия синдромининг оғирлик даражаси орасида корреляцион боғлиқлик аниқланган;
бош мия веноз қон айланиши бузилиши билан кечадиган вертебро-базиляр етишмовчилиги бор беморларда умуртқа ва базал веналарининг максимал тезлиги хамда мияча-дискоординатор симптомларнинг оғирлиги кучайиши аниқланган;
вертебро-базиляр етишмовчилиги ва мия веноз қон айланишининг бузилиши билан касалланган беморларда тўр парда ангиопатияси билан мияча-дискоординатор симптомларнинг оғирлик даражаси ўртасидаги боғлиқлик аниқланган;
мия веноз қон айланиши бузилган вертебро-базилляр етишмовчилиги бўлган беморларда цефалгик ва хавотирлик-депрессив синдромини даволашда транскраниал магнит стимуляциясини қўллаш самарадорлиги аниқланган.
IV. Тадқиқот натижаларининг жорий қилиниши.
Мия веноз дисциркуляциясида вертебро-базиляр етишмовчиликни даволаш усулларини оптималлаштириш бўйича олинган илмий натижалар асосида:
вертебро-базиляр етишмовчилик бор беморларда мия веноз қон айланиши бузилишлари диагностика усулларини оптималлаштириш бўйича илмий тадқиқотнинг натижалари асосида ишлаб чиқилган “Вертебро-базиляр етишмовчилик бор беморларда мия веноз қон айланиши бузилишларини ташхислашга комплекс ёндашув алгоритми” номли услубий тавсиянома тасдиқланган (Соғлиқни сақлаш вазирлигининг 2021 йил 6 октябрдаги 8н-з/325-сон маълумотномаси). Мазкур услубий тавсиянома вертебро-базиляр етишмовчилик билан оғриган беморларга ташхис қўйиш, веноз дисциркуляциянинг дифференциал диагностикаси сифатини яхшилаш имконини берган;
транскраниал магнит стимуляцияси киритилган ҳолда вертебро-базиляр етишмовчилик билан оғриган беморларни комплекс даволаш буйича илмий тадқиқотнинг натижалари асосида ишлаб чиқилган “Транскраниал магнит стимуляцияси киритилган ҳолда вертебро-базиляр етишмовчилик билан оғриган беморларни комплекс даволаш усули” номли услубий тавсиянома тасдиқланган (Соғлиқни сақлаш вазирлигининг 2021 йил 6 октябрдаги 8н-з/325-сон маълумотномаси). Мазкур услубий тавсиянома мия веноз қон айланиши бузилишларини даволаш усулларини яхшилаш имконини берган;
вертебро-базиляр етишмовчилик билан оғриган беморларда мия веноз қон айланиши бузилиши ташхисини яхшилаш бўйича тадқиқот натижалари соғликни сақлаш амалиётига, жумладан Миллий ногиронларни реабилитация қилиш ва протезлаш маркази, Республика ихтисослаштирилган нейрохирургия илмий-амалий тиббиёт маркази, “NEYROMED SERVIS” МЧЖ ва Самарқанд давлат тиббиёт институтининг 1 клиникаси амалиётига жорий қилинган (Соғлиқни сақлаш вазирлигининг 2021 йил 20 декабрдаги 08-09/20113-сон маълумотномаси). Тадқиқот натижалари вертебро-базиляр етишмовчиликни ташҳислаш усулларини такомиллаштириш, касалликнинг қон томир компонентининг (артериал ва/ёки веноз) намоён бўлиш вақтини камайтириш, шунингдек, даволаниш самарадорлигини ошириш, даволаниш муддатини қисқартириш, беморларнинг ҳаёт сифатини яхшилаш имконини берган.