Каримова Диловар Батировнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Косметика ва парфюмерия маҳсулотларини товар номенклатураси асосида таснифлаш», 02.00.09 – Товарлар кимёси (кимё фанлари).
Диссертация мавзуси рўйхатга олинган рақам: B2021.2.PhD/K395.
Илмий раҳбар: Хўжаев Вахобжон Умарович, кимё фанлари доктори, профессор.
Диссертация бажарилган муассаса номи: Қўқон давлат педагогика институти.
ИК фаолият кўрсатаётган муассаса (муассасалар) номи, ИК рақами: Фарғона давлат университети, PhD.03/30.12.2019.K.05.01.
Расмий оппонентлар: Каримқулов Қурбонқул Мавлонқулович, техника фанлари доктори, профессор; Карабаева Раъно Ботировна, кимё фанлари бўйича фалсафа доктори (PhD).
Етакчи ташкилот: Андижон давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: парфюмерия ва терини парваришлаш воситаларининг кимёвий таркибига кўра, уйғунлашган тизим асосида миллий товар номенклатурасини такомиллаштиришдан иборат.
III. Тадқиқотнинг илмий янгилиги:
терини парваришлаш маҳсулотлари таркибидаги 27 хил макро ва микроэлементлар миқдори индуктив боғланган плазмали оптик эмиссион спектрометр ёрдамида аниқланган;
юқори самарали суюқлик хроматография усули косметик воситалар таркибидаги парабенларни аниқлашнинг экспресс усули эканлиги амалда исботланган;
парфюмерия маҳсулоти турлари учун товар кодларини этил спирт ва хушбўй модда миқдори, ҳиднинг турғунлиги ҳамда шаффофлиги асосида белгилашнинг физик-кимёвий усули ишлаб чиқилган;
парфюмерия маҳсулотларининг кимёвий таркиби масс-селектив детектор орқали газ-хроматографик усулда аниқланган;
илк бор парфюмерия ва терини парваришлаш воситаларининг кимёвий таркиби асосида амалдаги товар кодларига қўшимча тарзда янги товар кодлари ишлаб чиқилган.
IV. Тадқиқот натижаларининг жорий қилиниши: 
Косметика ва парфюмерия воситаларини ТИФ ТНда таснифлаш бўйича олинган илмий натижалар асосида:
парфюмерия ва косметика маҳсулотлари учун таклиф этилган янги 10 хонали код рақамлари Давлат божхона қўмитасининг «2022 йилда амалиётга жорий этиш бўйича истиқболли ишланмалар рўйхати»га киритилган (Давлат божхона қўмитасининг 2021 йил 25 октябрдаги 1/16-294-сон маълумотномаси). Натижада, парфюмерия ва косметика маҳсулотларининг код рақамларини нотўғри белгилаш ҳисобига мамлакат иқтисодиётига зарар етказмасликнинг имконини беради;
парфюмерия ва косметика маҳсулотларининг код рақамларини аниқлашда ишлаб чиқилган экспертизанинг тезкор усуллари Давлат божхона қўмитасининг «2022 йилда амалиётга жорий этиш бўйича истиқболли ишланмалар рўйхати»га киритилган (Давлат божхона қўмитасининг 2021 йил 25 октябрдаги 1/16-294-сон маълумотномаси). Натижада, косметика ва парфюмерия воситалари экспертизаси самарадорлигини ошириш, уларни тез ва сифатли таҳлил қилиш имконини беради;
парфюмерия ва косметика воситаларининг умумий хусусиятларини таҳлил қилиш ва экспертизасини ўтказиш натижаларидан кимё йўналиши талабалари учун “Товарлар кимёси: косметика ва парфюмерия маҳсулотларини таснифлаш усуллари” номли ўқув қўлланма тайёрлашда фойдаланилган (Нашр рухсатномаси, №500/t-035, 2021 й.). Натижада, олий таълим муассасаларида товарлар кимёси соҳасидаги мутахассисларнинг билимларни мустаҳкамлаш имконини берган.