Халқузиева Мохира Асатуллаевнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Смола сақловчи Ferula tadshikorum Pimenov ва Ferula foetida (Bunge) Regel турларининг биоморфологик хусусиятлари ва улардан Ўзбекистонда плантациялар ташкил қилиш истиқболлари», 03.00.05 – Ботаника (биология фанлари).
Диссертация мавзуси рўйхатга олинган рақам: B2021.2.PhD/B439.
Илмий раҳбар: Рахмонқулов Умарқул, биология фанлари доктори, доцент.
Диссертация бажарилган муассаса номи: Жизах политехника институти.
ИК фаолият кўрсатаётган муассаса номи, ИК рақами: Гулистон давлат университети, PhD.03/30.12.2019.B.91.01.
Расмий оппонентлар: Адилов Бехзод Абдуллаевич, биология фанлари номзоди, катта илмий ходим; Юлдашев Акрамжон Султонмуродович, биология фанлари доктори, профессор. 
Етакчи ташкилот: Самарқанд давлат университети.
Диссертация йўналиши: назарий  ва амалий аҳамиятга молик.
II. Тадқиқотнинг мақсади: смола сақловчи Ferula tadshikorum ва Ferula foetida турларининг биоморфологик хусусиятларини аниқлаш ва улардан Ўзбекистоннинг адир ва чўл минтақаларида плантациялар ташкил қилишни амалга оширишдан иборат.
III. Тадқиқотнинг илмий янгилиги:
Ferula tadshikorum ва F. foetida турларининг уруғ унувчанлиги ва плантация шароитида уларнинг биоморфологик хусусиятлари  аниқланган;
Ferula tadshikorum ва F. foetida турларининг турли хил муддатларда, чуқурликларда, қалинликда ва турли тупроқларда ўсиши ҳамда ривожланиши аниқланган$
Жиззах ва Қашқадарё вилоятларининг адир ва чўл минтақаси лалми шароитида F. tadshikorum ва F. foetida турларини уруғдан экиб кўпайтириш ва плантациялар яратиш истиқболлари илмий асосланган; 
F. tadshikorum ва F. foetida турлари кўчатларининг йиллар давомида сақланувчанлиги очиб берилган. 
IV. Тадқиқот натижаларининг жорий қилиниши:
Смола сақловчи Ferula tadshikorum Pimenov ва F. foetida (Bunge) Regelларнинг биоморфологик хусусиятлари ва улардан Ўзбекистонда плантациялар ташкил қилиш истиқболлари бўйича олинган илмий натижалар асосида:
Ferula tadshikorum ва F. foetida турларидан лалми ва шартли суғориладиган майдонларда уруғидан экиб ўстириш асосида ишлаб чиқилган  амалий тавсиялар Жиззах вилояти Арнасой тумани “ШИФО КОВРАК” ва “ШАХБОЗ ЧОРВА ДАЛАСИ” фермер хўжаликлари ҳудудида экиб кўпайтириш амалиётига жорий этилган (Ўзбекистон фермер, деҳқон хўжаликлари ва томорқа ер эгалари кенгашининг 2021 йил 29 мартдаги 01/03-0928-сон маълумотномаси). Натижада, маҳаллий ва хорижий фармацевтика бозорида хомашёсига талаб юқори бўлган F. tadshikorum ва F. foetida турларининг жами 70 гектар саноат плантациясини ташкил этиш имконини берган; 
Жиззах вилоятининг лалмикор майдонларида плантациялар яратиш учун  уруғларнинг турли шароитларда униб чиқиши ва сақланиб қолиши юзасидан ишлаб чиқилган амалий тавсиялар Жиззах вилояти Экология ва атроф-муҳитни муҳофаза қилиш бошқармаси амалиётига жорий қилинган (Ўзбекистон Республикаси Экология ва атроф-муҳитни муҳофаза қилиш давлат қўмитасининг 2021 йил 7 апрелдаги 03-02/884-сон маълумотномаси). Натижада, Ferula tadshikorum ва Ferula foetida турларининг табиий популяцияларини қайта тиклаш, сақлаб қолиш, тирик коллекцияларини яратиш ҳамда муҳофаза қилиш чора-тадбирларини ишлаб чиқиш  имконини берган;
F. tadshikorum ва F. foetida турлари уруғларининг дала шароитларидаги унувчанлиги ва майсаларнинг яшовчанлиги ошириш, кўчат тайёрлаш ва кўпайтириш усуллари бўйича ишлаб чиқилган амалий тавсиялар Жиззах вилоят Ўрмон хўжалиги бошқармаси амалиётига жорий қилинган (Ўзбекистон Республикаси Ўрмон хўжалиги давлат қўмитасининг 2021 йил 19 июлдаги 0438/2996-сон малумотномаси). Натижада, ўрмон ҳўжалигининг Ferula tadshikorum ва Ferula foetida турларини уруғларидан экиб кўпайтириш мумкинлиги илмий асосланган ва интродукциялар яратиш имконини берган.