Лутфиллоева Фахринисо Махмудовнанинг
фалсафа доктори  (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Компьютер имитацион моделларидан фойдаланиб, ҳикоялар (мнемотехника) асосида япон тили иероглифларини ўқитиш методикаси” 13.00.02–Таълим ва тарбия назарияси ва методикаси (япон тили) (педагогика фанлари).
Диссертация мавзуси рўйхатга олинган рақам: B2020.3.PhD/Ped1045.
Илмий раҳбар: Тухтасинов Илхомжон Мадаминович, педагогика фанлари доктори, профессор.
Диссертация бажарилган муассаса номи: Самарқанд давлат чет тиллар институти.
ИК фаолият кўрсатаётган муассаса номи, ИК рақами: Самарқанд давлат чет тиллар институти, PhD.03/30.12.2019.Fil/Ped83.01.
Расмий оппонентлар: Хашимова Дильдархан Уринбаевна, педагогика фанлари доктори, профессор; Халмурзаева Нодира Ташмурзаевна, филология фанлари бўйича фалсафа доктори (PhD), доцент.
Етакчи ташкилот: Ўзбекистон давлат жаҳон тиллари университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади япон тили иероглифларининг ўқилиш турига доир морфемик бирликларини мнемотехникага асосланган компьютер имитацион моделлардан фойдаланиб ўқитиш методикасини такомиллаштиришдан иборат.
III. Тадқиқотнинг илмий янгилиги:
япон тилидаги оддий, бир ва ундан ортиқ ўқилиш турига эга бўлган иероглифлар учун (山、万、円、川、火、田)  13 та, ўрта мураккаб, икки ва ундан ортиқ ўқилиш турига эга бўлган иероглифлар учун (子、何、水、人、土、方)  8 та ва мураккаб уч ва ундан ортиқ иероглифлар учун (高い、上、下、雨、日) 7 та компьютер имитацион моделлар ишлаб чиқилган;
япон тили йўналиши талабаларининг иероглифларни ёзиш ва ўқиш кўникмаларини ривожлантириш жараёни компьютер имитацион моделлари (FlipaClip va Slideshow appslari) ёрдамида дидактик (медиа таълим, медиа хостинг воситаларидан фойдаланиб талабаларга япон тили иероглифлари лексикасига оид белги ёки сўзга боғлиқ бирликларни  масофадан туриб ўргатишни ташкиллаштириш) тамойилларга устиворлик бериш асосида  аниқлаштирилган;
япон тил иероглифларидаги мавжуд морфемик бирликларни ёдда сақлаш ва амалда қўллаш мураккаблиги туфайли мнемотехник усул ёрдамида ҳар бир иероглифнинг мантиқий келиб чиқиш тизимини ва ундаги мавжуд морфемик бирликларни ўзбек тилидаги талаффузга ўхшаш сўз билан уйғунлашган ҳолда маъноли гап ясаш орқали ифодалаш методикаси асосланган;  
япон тили бўйича амалий кўникмаларни компьютер моделлари ёрдамида ривожлантиришга, касбий-методик тайёргарлигини оширишга қаратилган ўқитувчилар малакасини ошириш тизими ўқув дастурига медиа таълим, медиахостинг воситаларини киритиш, талабалар фаолиятида ижодий мазмундаги имитацион моделларни яратиш асосида такомиллаштирилган.
IV. Тадқиқот натижаларининг жорий қилиниши. Талабаларни япон тили морфемик бирликларини образли тарзда миллий контекстда шакллантириш ҳамда иероглифларни мнемотехника асосида компьютер имитацион моделлардан фойдаланиб ўқитиш методикаси бўйича олинган илмий натижалар асосида:
япон тили иероглифларини мнемотехника асосида ўқитиш учун компьютер имитацион моделларидан фойдаланиш бўйича ишлаб чиқилган таклифлардан И-ОТ-2017-4-2 рақамли “Методик тизимда компьютер имитацион моделлари асосидаги виртуал ресурсларни яратиш ва имконияти чекланган ёшлар таълимида жорий этиш” инновацион гранти доирасида фойдаланилган (Олий ва ўрта махсус таълим вазирлигининг 2020 йилнинг 17 мартдаги 89-сон маълумотномаси). Натижада, “Япон тили иероглифлари қизиқарли” имитацион модели таълим жараёнига татбиқ қилиниши орқали бўлажак мутахассисларнинг япон тили морфемик бирликларини ўрганиш қобилиятини ривожлантиришга хизмат қилган;
япон тили иероглифларини компьютер имитацион моделлардан фойдаланиб ўқитишнинг предметли (мавзули) кўриниши бўйича ишлаб чиқилган таклифлардан И-2016-4-15 “Кутубхона ресурсларидан мобил алоқа асосида тармоқдан фойдаланишнинг дастурий таъминотини яратиш ва татбиқ этиш” инновацион гранти доирасидаги лойиҳанинг амалий натижаларини шакллантиришда фойдаланилган (Олий ва ўрта махсус таълим вазирлигининг 2020 йилнинг 17 мартдаги 89-сон маълумотномаси). Япон тили иероглифларини мнемотехника асосида ўргатишга оид метод ва воситаларни танлаш ва лойиҳалаштириш доирасидаги билим ва кўникмаларни ривожлантиришга ҳамда уларнинг ўқув фаолиятга тайёргарлигини такомиллаштиришга эришилган;
талабаларнинг интерфаол таълим жараёнини компьютер имитацион моделлар асосидаги ўқув-методик таъминоти, япон тили иероглифларини ўрганишнинг махсус технологиялари ва электрон дастурий ишланмалар имкониятларига оид тавсиялари Тошкент давлат шарқшунослик университети, Ўзбекистон давлат жаҳон тиллари университети, Самарқанд давлат чет тиллар институтида “Асосий шарқ тили (япон тили)” фани ишчи дастурига киритиш тавсия этилган. (Олий ва ўрта махсус таълим вазирлигининг 2020 йилнинг 17 мартдаги 89-сон маълумотномаси) Натижада, олий таълим муассасаларида “Асосий шарқ тили (япон тили)” фанини ўқитишда маъруза ва амалий машғулотларни ташкил қилиш самарадорлиги ошган.