Қирғизов Фазлидин Бахтиёривичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Айрим тўйинган бир асосли карбон кислоталарнинг пропаргил эфирлари асосида 1,2,3-триазол ҳосилалари синтези ва уларнинг хоссаларини ўрганиш», 02.00.03 - Органик кимё (кимё фанлари).
Диссертация мавзуси рўйхатга олинган рақам: B2021.2.PhD/K388.
Илмий раҳбар: Абдугафуров Ибрагимджан Азизович, кимё фанлари доктори, доцент.
Диссертация бажарилган муассаса номи: Андижон машинасозлик иниститути.
ИК фаолият кўрсатаётган муассаса (муассасалар) номи, ИК рақами: Ўзбекистон миллий университети, DSc.03/30.12.2019.К.01.03.
Расмий оппонентлар: Махсумов Абдулхамид Гофурович, кимё фанлари доктори, профессор; Маулянов Солихжан Алимжанович, кимё фанлари номзоди, доцент.
Етакчи ташкилот: Тошкент фармацевтика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: тўйинган бир асосли карбон кислоталарнинг пропаргил эфирлари асосида 1,2,3-триазол ҳосилаларини синтез қилиш, уларнинг тузилишини исботлаш, кимёвий хоссалари ва биологик фаоллигини аниқлашдан иборат.
III. Тадқиқотнинг илмий янгилиги:
илк бор 4-(4-(R-карбоксиметил)-1H-1,2,3-триазол-1-ил) бензой кислота-ларини синтези амалга оширилган, ҳамда реакцияларнинг боришига таъсир этувчи омиллар аниқланган; 
4-(4-(R-карбоксиметил)-1H-1,2,3-триазол-1-ил) бензой кислоталарнинг селектив синтезини амалга оширишда қўлланилган катализаторларнинг қуйидаги Cu2I2˃Cu2Br2˃Cu2Cl2 қатор бўйича фаолликлари камайиши аниқланган ;
4-(4-(R-карбоксиметил)-1H-1,2,3-триазол-1-ил) бензой кислоталарнинг сувда эрийдиган натрийли ва калийли тузлари олинган; 
4-(4-(R-карбоксиметил)-1H-1,2,3-триазол-1-ил) бензой кислоталарини этил спирти билан этерификация реакцияси олиб борилганда бир вақтнинг ўзида мураккаб эфир ҳосил бўлиши билан бирга, ацетил-оксиметил боғининг гидролизланиши натижасида 4-(4-(гидроксиметил) 1Н-1,2,3-триазол 1-ил) бензой кислотанинг этил эфири ҳосил бўлиши аниқланган. 
IV. Тадқиқот натижаларининг жорий қилиниши: 
4-(4-(R-карбоксиметил)-1H-1,2,3-триазол-1-ил) бензой кислоталар, уларни ҳосилаларининг самарали синтез усулларини ва модификацияларини тадқиқ қилиш бўйича олинган илмий натижалар асосида:
стимуляторлик хусусиятга эга бўлган 4-(4-(ацетоксиметил)-1H-1,2,3-триазол-1-ил) бензой кислота (ТФ-40) ва 4-(4-(пропионоксиметил)-1H-1,2,3-триазол-1-ил) бензой кислота (ТФ-41) калийли тузларини Навоий вилояти Қизилтепа тумани фермер хўжаликлари дала майдонларида буғдой ҳосилдорлигини ошириш учун амалиётга жорий этилган (Ўзбекистон Республикаси Қишлоқ хўжалиги вазирлигининг 2021 йил 28 сентябрдаги 02/025-3925-сон маълумотномаси). Натижада, мазкур стимуляторлар таъсирида кузги буғдой ҳосилдорлигини 4.3- 3.7 ц/га ошириш имконини берган;
4-(4-(R-карбоксиметил)-1Н-1,2,3-триазол-1-ил) бензой кислоталар синтез қилиш усулидан Тожикистон Миллий университети ҳузуридаги илмий тадқиқот институтида қатор органик моддаларни синтез қилишда фойдаланилган (Тожикистон Миллий университети ҳузуридаги илмий тадқиқот институтининг 2021-йил 9-сентябрдаги 43-сон маълумотномаси). Натижада, 1,2,3-триазолларнинг янги биологик фаол ҳосилаларини синтез қилиш имконини берган.