Мадаминов Бахром Миродиловичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Агрессив муҳитда ишлайдиган ускуналарнинг ишчи юзасини қоплаш учун антикоррозион композицион силикат материалларининг таркибини ишлаб чиқиш», 02.00.07 - Композицион, лок-бўёқ ва резина материаллари кимёси ва технологияси (техника фанлари).
Диссертация мавзуси рўйхатга олинган рақам: B2021.4.PhD/T2442.
Илмий раҳбар: Юлчиева Сурайё Бахромовна, техника фанлари номзоди, катта илмий ходим.
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Эминов Ашрап Мамурович, техника фанлари доктори, профессор; Бабаханова Мухида Гулямовна, кимё фанлари номзоди, катта илмий ходим.
Етакчи ташкилот: Бухоро давлат университети.
Диссертация йўналиши: назарий  ва амалий аҳамиятга молик.
II. Тадқиқотнинг мақсади: агрессив муҳитда ишлайдиган ускуналарнинг ишчи юзасини қоплаш учун антикоррозион композицион силикат материалларининг таркибини ишлаб чиқишдан иборат.
III. Тадқиқотнинг илмий янгилиги:
гидролиз спиртини ишлаб чиқаришнинг агрессив муҳитида суюқ шишали композицияларнинг гидратланиш ва структура шаклланиш жараёнининг қонуниятлари ишлаб чиқилган;
суюқ шишанинг гидролизида натрий кремнийфторид билан реакцияга киришмаган ишқор, тўлдирувчи доналарини емирилиши, натижада тўлдирувчининг кремний кислотаси гели билан мустахкам боғланиши намунада гелга ўхшаш холатга ўтувчи гидроциликат ишқорларининг ҳосил бўлиши ҳисобига таъминланганлиги аниқланган;
композиция структурасининг зичлашиши кремнезем модулининг ортиши ҳисобига амалга ошиши натижасида полимерланган ва ўзининг кремний-кислородли каркасида зич структурага эга бўлиб, композициянинг монолит, юқори мустахкам, сув ва кислотага чидамли структурасининг шаклланиши ҳисобига порфирит ва волластонит заррачаларининг юқори даражада цементланиши учун шароит яратилганлиги аниқланган;
физик-кимёвий тадқиқотлар натижасижа суюқ шиша композициялар юзасида эримайдиган бирикмалар пайдо бўлиши натижада улар гел маҳсулотлари билан бирга турли фаол коррозияли муҳитда кимёвий қаршилигини ошириб берувчи майда кристалли, бир хил тузилишга эга структура ҳосил қилиши аниқланган.
IV. Тадқиқот натижаларининг жорий қилиниши:
Агрессив муҳитда ишлайдиган ускуналарнинг ишчи юзасини қоплаш учун антикоррозион композицион силикат материалларининг таркибини ишлаб чиқиш бўйича олинган илмий натижалар асосида:
ишлаб чиқилган коррозиябардош силикат композициялар ва улар асосидаги қопламалар «Наманганвино» МЧЖда ускуна ва қурилмаларнинг ишчи юзасига қўллашда жорий этилган (Ўзбекистон Республикаси Алкогол ва тамаки бозорини тартибга солиш ҳамда виночилиқни ривожлантириш агентлигининг 2021 йил 15 июлдаги 02-19/2460-сон маълумотномаси). Натижада, ускуналарининг умрбоқийлигини 2,5 марта ошириш имконини берган;
композицион силикат материаллар «Наманганвино» МЧЖда ускуналарни қоплашда жорий этилган (Ўзбекистон Республикаси Алкогол ва тамаки бозорини тартибга солиш ҳамда виночилиқни ривожлантириш агентлигининг 2021 йил 15 июлдаги 02-19/2460-сон маълумотномаси). Натижада, «Наманганвино» МЧЖ нинг иқтисодий самарадорлигини ошириш имконини берган.